المساعد الشخصي الرقمي

مشاهدة النسخة كاملة : ممكن حد يتكرم يطوّر هالفكره البسيطه


رش السحاب
14/12/2006, 04:42 PM
السلام عليكم

باختصار الفكره انه يكون هناك شبك او شخاله في منتصف القدر الكاتم
عشان يوضع الرز ليغلي على بخار اللحم والخضار ولا يختلط به ولا يذوب كثيرااا
وعشان يبقى على قولتهم : نثري :)


اتمنى ان حد فكر بهالطريقه يرشدني

وياليت كان يوجد بالسوق احد من احبابي يتكرم ويرشدني

جزاكم الله خير

ولكم تحياتي
ولد عبدالله
14/12/2006, 08:26 PM
هذا موجود قدر بخار

تحصله عند السيف اللي بمخرج 14

بالتوفيق
رش السحاب
14/12/2006, 10:30 PM
الغالي ولد عبد الله


ربي يوفقك على مرورك

لكن شكلك مافهمت قصدي يابعدي:d

انا اقصد للكاتم

لأني ما استخدمت قدر البخار بصراحه وما اعرف هل يطهو اللحم؟؟


اكرر التقدير لكم
مطر جدة
15/12/2006, 12:56 AM
عشان يوضع الرز ليغلي على بخار اللحم والخضار ولا يختلط به ولا يذوب كثيرااا
وعشان يبقى على قولتهم : نثري


اخوي انت الحين تقصد .. ان اللحم بالاسفل والرز بالاعلى ؟؟
ما تيجي ..

اللي يجي العكس .. الزر بالاسفل واللحم بالاعلى عشان اللحم او الخضار يستوى على بخار ماء الرز ..

وان شاء الله ابحث لك عن المكان
رش السحاب
15/12/2006, 06:52 PM
الغالي مطر جدة
اهلا وسهلا ومرحبا شرفتني بالحضور


اخوي انت الحين تقصد .. ان اللحم بالاسفل والرز بالاعلى ؟؟
ما تيجي ..



ليش ما تجي ياغالي ؟؟

انت تخيل اللحم في الاسفل مع الكشنه والبهارات والماء

فوقه بشوي يجي الشخال اللي فيه الرز

اتمنى تكون الفكره وصلت

ربي يوفقك ويرعاك يا مطر جدة
أيمن
15/12/2006, 07:43 PM
رش السحاب .. حياك الله
طريقتك جربتها بنفسي وكانت تجربة ناجحة ..
واستخدمتها في القدر الفرنسي حيث يوجد شبك مرفق معه ..

تحيتي
laith
16/12/2006, 02:29 PM
الاخ رش السحاب

عليكم السلام

كلام الاخ ايمن صحيح 100% , وقد استخدمت هذه الطريقه مع القدر الفرنسي (سب) ونجحت.:good:

كما ان هذه الطريقه تنفع كثيرا مع الرز الامريكي او ابو بنت "بخاري"

بالنسبه لي افضل الطريقه التقليديه!;)
رش السحاب
16/12/2006, 02:56 PM
احبتي :
الأستاذ ايمن
الأستاذ ليث

وفقكم ربي على مشاركتكم الجميله

رح ابحث عن القدر المذكور

واتمنى التوفيق والسداد



برايفت اخوي ليث :
بنصحك برز يحبه قلبك اسمه ( ابوخروف :)) وارد بامحروس

منتج هندي فاااخر بمعنى الكلمه

لو جربته واعجبك تكرم وافدني :)

وفقكم ربي ورعاكم
السنع كله
17/12/2006, 06:58 AM
ابو خاروف وشو من لحيه مزه بشاور عنبر ابوكسره احمر اعطر
laith
17/12/2006, 01:30 PM
الاخ الكريم "رش السحاب"

يامرحبا بك:)

وبالنسبه لرز (ابوخروف) مايحتاج طال عمرك .. لكني ماعرفته الا تالي... وحقيقه طعم وشكل وسعر طيب
مشكلته انه غير متوفر بجميع السوبرماركت:mad:

وهلابك
رش السحاب
17/12/2006, 03:59 PM
الغالي السنع كله

هلا بك اخوي

شرفتني بمرورك ايها الفاضل

بالنسبه لرز ابو خروف طبعا مزه فاخره وليس بشاور ولا بنجابي

ان شالله تذوقه بالعافيه :)

وفقك ربي ورعاك





الغالي اخي ليث

صدقت اخي الكريم مشكلته ما يوجد في جميع الاسواق

خاصة تلك التي خارج المدينه

تشرفت بتعليقك اخي الغالي

وفقك ربي وييسر لنا ولك
نوماس سدير
17/12/2006, 06:47 PM
حلوه الفكره ..

لكن السؤال للي جرب .. اللرز يطلع له طعم .؟

لأنه ما يجيه إلا بخار وقليل من الرائحة





وسيع صدر
ذرب المعاني
17/12/2006, 06:55 PM
فكره مجنوووونه ,,, ومنها يقطر اللحم على الرز ...

بس ياخي الكاتم خطير وعشان تضيف له هالفكره لابد من عملها بطريقه آمنه خصوصا ان اللحم بيرتفع فوق ويصير قريب من الغطا
ذرب المعاني
17/12/2006, 06:57 PM
اسمع ياطويل العمر

فصل لك شبك .. او مشخل بس يكون قووي ويتحمل بقواعد ثلاثه بنفس طول قدر الضغط ولامنك حطيت الرز ركب عليه هالمشخل وحط اللحم عليه وقفل الغطا وحط اصابعك بأذانك ,,,

جرب وعطني العلم
رش السحاب
17/12/2006, 07:46 PM
فكره مجنوووونه ,,, ومنها يقطر اللحم على الرز ...

بس ياخي الكاتم خطير وعشان تضيف له هالفكره لابد من عملها بطريقه آمنه خصوصا ان اللحم بيرتفع فوق ويصير قريب من الغطا


وش اللي يقطر اللحم على الرز ؟؟:)
ومن قالك ان اللحم بيرتفع فوق ويصير قريب من الغطا؟؟;)
لا : وجرب وعطني العلم :p
انا لو داري انك تتخطم يالحبيب كان حطينا مطب صناعي :D

يا جعلك للسلامه وللفال الطيب ياغالي ياذرب المعاني
انا تشرفت بحضورك اول شي
ولو القدر زاهب ويشيل الخروف مالي عن اعزمك وتستاهل يالغالي:)

القصه ومافيها يا عزيزي : اننا نبي اللحم هو اللي تحت والرز فوق
وافادونا الشباب ان هذا موجود بالفعل بالأسواق;)

كسبنا مشاركتك يالغالي
ولا تخلينا من خطماتك
ولكن ترفق على قلبٍ تلوع وذاق الويل .. جفاه الزمان وصابه اليوم ماصابه:)

وفقك ربي واثابك واسعدك
مطر جدة
18/12/2006, 01:53 PM
اخوي
رش السحاب

بخصوص تعقبيك .. فهمت اللي تبيه

بس في طريقه ( من اختراعاتي ) ومشي حالك اذا كانت الاختراعات مو صحيحه

دام انت تبي اللحم في الاسفل والرز في الاعلي ..
خذ هذا الاختراع

اشتري دقرين واحد كبير والثاني صغير .. بحيث ان الصغير يدش في بطن الكبير

خذ الكبير وجيت لك اربع قطع من اللامونيوم او اي قطعه ما تكون حديديه عشان ما تصدأ

خذ القطع الاربعه ولحمها في اطراف القدر الكبير من الداخل ( بطن القدر الكبير ) بحيث تكون كل قطعه مواجهه لـ القطعه الاخرى

وهذي القطع تكون بمثابه دعامه للقدر الصغير اللي راح تضع فيه الارز .. وطبعا يمكنك التحكم في وضع القدر الصغير لانه راح يكون في فراغ بين القدر الكبير والصغير ..

مدري وش رايك في الاختراع ..

اخوي خذ راحتك اذا لم يكن ردي غير مناسب .

( اختلاف الرأي لا يفسد للود قضية )

مطر جدة
رش السحاب
18/12/2006, 04:12 PM
الغالي مطر جدة

يا هلا ومرحبا فيك اخوي مره ثانيه

بالنسبة لفكرتك ممتازه صراحه خاصة بالنسبة للدعامات الاربعه :)

طبعا تستطيع ان تضع فوقهم قدر او شخال او اي شي انت ترغب وضعه

ولكن :)

ذكروا الإخوان ان هذه الفكره منفذه بالفعل وتوجد في السوق قدور بنفس المواصفات تفريبا:)

ولكن ايضا ::)

تشرفت اني سمعت فكرتك وحبذا لو تتكرم ترفق صوره ان تيسر لك الامر

وتقبل احترامي وتقديري لإهتمامك في الموضوع :)

وفقك ربي ورعاك واثابك