المساعد الشخصي الرقمي

مشاهدة النسخة كاملة : صوته ونه جي اكس ار 2004


الكلمه هدف
04/12/2014, 12:49 PM
السلام عليكم .. عندي جي إكس آر مديل 2004 اذا مشيت يطلع صوت ونين يزيد اذا زادت السرعة مع دعسة البنزين واذا شلت رجلي عن البنزين راح الصوت طبعاً الصوت اسمعه قدام وش الحل يالربع أفيدونا لعبوا فينا هالعمال كلن له راي.
الوسم
04/12/2014, 06:40 PM
سؤال ؟؟
أنت مغير زيت دفرنس أمامي
أو أي زيت غير المكينه ؟؟؟؟
لأن الجواب بناء على ردك
الكلمه هدف
04/12/2014, 07:23 PM
لا والله ماغيرت اي زيت
بس كان عندي تهريب بزيت الدركسون ووضبت الدوده وغيرت اللي وراح التهريب بس الدركسون صار فيه صوت وزيز
مخاوي المكشات
05/12/2014, 06:52 PM
اتوقع ان مشكلتك واضحه انها من الدودة
هل يزيد الصوت عند اللفات او يتغير الصوت؟
ايضا جرب والسيارة واقفه وشغاله لف الدركسون نصف لفه وادعس بنزين شوي
هل يطلع نفس الصوت؟
الكلمه هدف
06/12/2014, 06:16 PM
رحت لواحد اليوم وقال كارونه مدري عنده علم ولا لا
الطير 888
06/12/2014, 06:24 PM
ممكن يكون كارونه لكن نقص زيت الدفرنس يسبب الونه ، انصحك تشيك على الزيت قبل تفك اي شي ...
الكلمه هدف
06/12/2014, 07:23 PM
جزاكم الله خير وماقصرتوا
ابوراكان تبوك
07/12/2014, 12:34 AM
اذا دعست بنزين وانت واقف تسمع الصوووووووووت ؟؟
الكلمه هدف
07/12/2014, 05:11 PM
لا ما أسمعه الا والسياره تمشي
الكلمه هدف
07/12/2014, 05:13 PM
رحت لمكانيكي اليوم وقال هذا صوت ونة كارونه ومافيه ضرر يقول عادي امش على الموتر
م س س
07/12/2014, 05:18 PM
فيه صامولة وزنية البليون خلف صليب عامود الدبل على الدفرنس بعض الأحيان يكون فيه فضاوة ويحتاج وزن .
ابوراكان تبوك
07/12/2014, 10:38 PM
رحت لمكانيكي اليوم وقال هذا صوت ونة كارونه ومافيه ضرر يقول عادي امش على الموتر
دام الميكانيكي سمع الصوت وقال كرونه انتهى

تبغى ترتاح منه افصل الرباعي المستمر يكلف حول 600 ريال وركب فرار

لان الكرونه الاماميه تدور ع الفاضي مع المشي من جهه يثقل ع السياره ومن جهه يستهلك العكوس والكوارين بدون فائده
عرب الشمال
08/12/2014, 04:23 AM
دام الميكانيكي سمع الصوت وقال كرونه انتهى

تبغى ترتاح منه افصل الرباعي المستمر يكلف حول 600 ريال وركب فرار

لان الكرونه الاماميه تدور ع الفاضي مع المشي من جهه يثقل ع السياره ومن جهه يستهلك العكوس والكوارين بدون فائده

ابو راكان سيارة الرجال 2004 دفع خلفي مو رباعي الرباعي في 2006 و2007 فقط

للمعلوميه زر الدبل يجي عليه علامة اكس (x) الرمز ذا يجي علي الزر في موديل 2006 و2007 فقط من 2005 الي98 كله دفع خفلي ماعدا الفكس كله رباعي من 98 اللي 2007
ابوراكان تبوك
08/12/2014, 05:52 AM
يمكن اني غلطان بس قبل 5 سنوات كان معي جكسار 2004 رباعي ممكن قيره مغير ولو ماني متأكد ما ذكرت الرباعي المستمر في الموضوع
الفريح1
08/12/2014, 11:32 AM
الجكسار دفع رباعي ....
الكلمه هدف
10/12/2014, 07:20 PM
طلعت طارة البنيون بالكارونه الخلفيه وش الحل ياجماعه وش تنصحوني اركب جديد ولا لا
LiLiiibcJI
10/12/2014, 10:41 PM
طلعت طارة البنيون بالكارونه الخلفيه وش الحل ياجماعه وش تنصحوني اركب جديد ولا لا

السلام عليكم ..
غالبا الكارونه لو انفكت لا يمكن تعود مثل ما كانت والله أعلم
ربما تنجح معاك وربما لا يستطيع الميكانيكي وزنها وربما يصدر صوت أقوى والله اعلم
إذا ظروفك تسمح والسيارة للاستعمال فركب جديد أعتقد قيمتها من3000 إلى 4000 بعد الخصم طبعا
ابوراكان تبوك
11/12/2014, 01:47 AM
طلعت طارة البنيون بالكارونه الخلفيه وش الحل ياجماعه وش تنصحوني اركب جديد ولا لا

ما اعرف طارة البنيون لكن اعرف انه البنيون له وزنه اوزنه مضبوط وب 50 او 100 رياال وان شاء الله سهالات

قطعة البنيون تجي مع بعضها اذا المشكلة منها غيرها ان مانفع الوزن
لاتخليها بتعدم عليك العمود او الكرونه وكل وحده تقول الدراهم عندي وانت ادرى بالقطع:f
الكلمه هدف
12/12/2014, 06:38 PM
يالربع افيدوني افضل ورشه بالقصيم تضبط الكارونه
ABO-NaiF
12/12/2014, 09:29 PM
يالربع افيدوني افضل ورشه بالقصيم تضبط الكارونه

عندك الصمعاني ابوعبدالله

كذا واحد من الشباب ببريده صلحه عنده مجدده ب3700 اظاهر

بس يمدحون الجديده افضل من المجدد
ABO-NaiF
12/12/2014, 09:31 PM
بس ابي ورشه عندي ونين احيانن يجي واحيانن يروح ع خفيف بالقير

بتعشيقه ٣ واحيانن بالخامس فحصت القير سليم

مدري العمود اذا فيه شي يسبب. الصوت ذا
ABO-NaiF
12/12/2014, 09:33 PM
الموتر جي اكس 2006
رياح الشرق1
12/12/2014, 09:35 PM
مضبوط 2006 و2007 كل اللاند جا دفع رباعي الله لا يوفقهم لاني اعاني منه وين يابو راكان يفصلون الرباعي لاني ابي افصله غثيث
شايل الظبي
24/12/2014, 07:02 AM
الله يسعد صباحكم جميعاً
أخوي أحتمال الصوت اللي بسيارتك وحده من ثنتين
إما الصوت من الرمان حق شداد السير أو تماتيك المروحه ( فيه خطأ يطيح فيه بعض الشباب ومو منتبه له لما يغير زيت السياره العامل يمسك لي الهواء ويقوم ينفخ الغبار اللي على المكينه وهذا خطأ لأن الرمان فيه شحم لما يسلط عليه الهواء بقوه ينشف بسرعه يصير الرمان يدون بدون شحم يخفف الاحتكاك )
بأذن الله تنحل المشكله اللي عندك وبالتوفيق للجميع
أخوكم / أبو تركي
ateeq7
24/12/2014, 09:54 AM
في الاندكروزر مشكلة الكارونه منتشره و العطل وارد مثل كثير من السيارات حتى الامريكي في مشاكل الدفريشن و النيسان الفورويل أيضا انا صارت معي لاكزس 2003 مش ونه صوت حشرجة واعتقد صوت بيرنج في الكارونه رحت كثير من الكراجات قالو غير بجديد كامل وريح راسك سألت عندنا في الامارات اخر سعرها 2450 درهم جديدة مع ثلاث علب زيت دفريشن تويوتا 90 درهم و الكراجات تتفاوت اسعار شغل اليد المصنعيه في ناس 500 درهم وكراج متعامل معاه اكثر من مره عطاني 250 اخر سعره ولين الحين ما غيرتها مشيت عليها تقريبا 20000 كم مع تغير الزيت على دفعات بس ما راح الصوت حتى الوكالة قالو غير كامل ونعطيك ضمان شهر او 5000 كم ايهما الاول
اليامي قطر
24/12/2014, 10:13 AM
في الاندكروزر مشكلة الكارونه منتشره و العطل وارد مثل كثير من السيارات حتى الامريكي في مشاكل الدفريشن و النيسان الفورويل أيضا انا صارت معي لاكزس 2003 مش ونه صوت حشرجة واعتقد صوت بيرنج في الكارونه رحت كثير من الكراجات قالو غير بجديد كامل وريح راسك سألت عندنا في الامارات اخر سعرها 2450 درهم جديدة مع ثلاث علب زيت دفريشن تويوتا 90 درهم و الكراجات تتفاوت اسعار شغل اليد المصنعيه في ناس 500 درهم وكراج متعامل معاه اكثر من مره عطاني 250 اخر سعره ولين الحين ما غيرتها مشيت عليها تقريبا 20000 كم مع تغير الزيت على دفعات بس ما راح الصوت حتى الوكالة قالو غير كامل ونعطيك ضمان شهر او 5000 كم ايهما الاول


اجل وش استفدت من التغيير جديد ؟؟!!!

بعد هالخساير ماراح الصوت !!
ateeq7
24/12/2014, 11:16 AM
اجل وش استفدت من التغيير جديد ؟؟!!!

بعد هالخساير ماراح الصوت !!
لا خوي انا ما غيرت الكرارونه او الدفرنشن بس غيرت الزيت على دفعات انا اتكلم عن سعر الجديد بكم و انا عن نفسي مقتنع انه تغير جديد كامل افضل من التصليح او التوظيب عشان تيجي مقفلة من المصنع وزنية المصنع:type:
صويب البرق
26/12/2014, 04:47 AM
اذا ناوي تقنى الموتر غير كارونه جديده اذا انت متأكد انه البنيون قبل يعدم عليك العكوس واذا مانت متأكد من كلام الميكانيكيين فك شوف كلتش المروحه يمكن مصلب
فياض الربيع
26/12/2014, 04:17 PM
اذا دعسته يطلع صوت واذا رفعت رجلك يروح كارونه أبدأ بالسهل حاول تعبيها زيت يمكن
ناقص زود النقص وحط معالج احتكاك دواء الحنه ماراح الصوت افصل الدبل ركبت فرارت او شيل عمود الدبل والفرارت
افضل لين احتجت الدبل سهله من ناحيه ونه الكارونه اذا خفيفه وماتزعج خلها عادي تمشيك سنوات
مخاوي المكشات
26/12/2014, 09:07 PM
عدم الانتظام بتغيير زيوت الفرنس كل 80 الف
هي من اسباب مشاكل الدفرنس
اليامي قطر
27/12/2014, 08:44 AM
عدم الانتظام بتغيير زيوت الفرنس كل 80 الف
هي من اسباب مشاكل الدفرنس


الدفرنشات والقيرات ماتتغير زيوتها يالحبيب

الانتظام للمكينه وقير التماتيك فقط