كيف تصلح جلد البلوف من غير ما تفك المكينه وباقل تكلفه

[فارس676]

السلام عليكم الموضع هاذ الي عنده جلد بلوف خربانه يعني اول ما تشغل الموتر تدخن ابيض ثم ينقطع بعد خمس دقائق من التشغل والسبب لان السياره ما تحميها وقت الصبح
واسباب اخرى لانعلمها المهم انا سيارتي التيما 2010
كانت اول ما اشغل الموتر تطلع دخن ابيض مثل سيارت الفليت المهم وكنت ناوي اغير جلد لاني رحت كم ورشه وقالو عندك جلد الفلوف خربانه وبعد ما قررت اغير جلد البلوف الي كانت التكلفه 3000 ريال نصحني واحد قال حطي زيت دببات في تانكي البنزيم ومش عليها خط طويل وجربهااليوم الثاني قلت ماني خسران لاني في النهايه راح اغيرها سويت الطريقه ورحت يم اقرب محل واخذت زيت دببات الي اسمه سافكو على ما اضن وحطينه
علبه كامله واحد لتر وتوكلة على الله ومسكت خط طويله المهم وطفيت الموتر وقلت ابي انتضر الى اليوم الثاني لان الموتر ما يدخن لين توقفه وقت طويل اكثر من 12 ساعه
وجيت الصبح ودقيت سلف ولله الحمد ما دخن الموتر والى يومكم ما شكيت من الموتر من التدخين ونصيحتي الي عنده جلد البلوف خربانه يسوي هاذي الطريقه قبل يغيرها
ودمتم سالمين

[العطاوي a511]

جزاك الله خير على النصيحه

[الرياض1990]

طيب وش دور الزيت بالمشكله هل يعالج البلوف او كيف؟؟

[فارس676]

طيب وش دور الزيت بالمشكله هل يعالج البلوف او كيف؟؟ دوره طال عمرك يلين الربل حق البلف عشان ما يمسك الزيت لا اذ خرب الربل حق البلف الزيت يكون ناشف وما يدخل مع البلف ودخن السياره حسب علمي

[فارس676]

جزاك الله خير على النصيحه
امين والموضوع للفائده وحبيت افيد الجميع
وخصوص الي عنده موتر جديد وما وده يخسر نفسه درهم بسبب مشكله بسيطه

[tooba]

الغائدة للجميع اعطنا صورة علبة الزيت

[أبونجم]

السلام عليكم
تفضل أخي هذا الزيت /

http://im55.gulfup.com/sAc0II.png (http://www.gulfup.com/?usJ6Of)

[ابوعبدالله172]

الزيت وضعه بتانكي البنزين ماعلاقته بجلد البلوف لو اضافه على زيت المكينه قلنا صحيح معلومه تحتاج تأمل اكثر

[م.سعيد]

صحيح تخلصت من الدخان الابيض لكن راح يأثر على الحساس وتتراكم الزيوت والرواسب على البواجي واحتمال كبير طرمبة البنزين والبخاخات يتأثرون ولو على المدى البعيد..
الجلد اذا خربانة ما فيه شي يرممها..لازم تتبدل

هذا شغل شريطية

[ابوسعود البري]

انا احب اضيف ان تحميه السيارة مالها علاقه بجلد البلوف
انا كنت في امريكا لمدة سنة ونصف وكان بعز البرد لاتستغرق التحميه لديهم اكثر من 10 ثواني

اعتقد ان السبب الرئيسي في خراب جلد البلوف رداءة الزيوت المتوفرة لدينا بسبب كثرة الغش

[procession]

انا احب اضيف ان تحميه السيارة مالها علاقه بجلد البلوف
انا كنت في امريكا لمدة سنة ونصف وكان بعز البرد لاتستغرق التحميه لديهم اكثر من 10 ثواني

اعتقد ان السبب الرئيسي في خراب جلد البلوف رداءة الزيوت المتوفرة لدينا بسبب كثرة الغش

:good2: ما ازود ولا حرف نفس الكلام

[حسين السبيعي]

التحميه مهمه لسياره اقل شي 3 دقائق حتي تكتمل دورة الزيت

[يالبى الهلا]

من أسباب خراب جلد البلوف عدم التحمية واستعمال زيوت رديئة

[1824]

التحمية ليس لها اي علاقة باي شكل من الاشكال في جلد البلوف خرابها من نوع الزيت مثل 20W50 وطقتهم او اساءة الاستخدام وهذا والله اعلم بالتوفيق لكم

[ابوعبدالله172]

سبب خراب جلد البلوف حرارة الزيت يجعل الجلد يابسه غير قابله للانقباض

[Taiif SS]

انا احب اضيف ان تحميه السيارة مالها علاقه بجلد البلوف
انا كنت في امريكا لمدة سنة ونصف وكان بعز البرد لاتستغرق التحميه لديهم اكثر من 10 ثواني

اعتقد ان السبب الرئيسي في خراب جلد البلوف رداءة الزيوت المتوفرة لدينا بسبب كثرة الغش

حسب ماقريت وطبعا ماني متاكد

انه المواصفات تختلف يعني السيارات مواصفتات الامريكيه تسخن بسرعه عكس مواصفات خليجيه تتحمل حراره اكثر واتوقع علشان كذا تحتاج وقت تحميه اكثر خاصه ايام البرد وانا اشوف انه افضل شي لمن تشغل السياره تخليها تحمى من نفسها لين ماينزل عداد rpm على الواحد او اقل وتختلف من سياره لسياره

وهذا الكلام من عندي مو كلام اكيد يعني