سالفة: نجاة مسافر بإذن الله..قوافي

[قوافي ( أم نهار )]

https://encrypted-tbn3.gstatic.com/images?q=tbn:ANd9GcRJpV02knDTjOZuTayP67viL9cRA_ngN sUyLupsQbL84cl6dl9DrA

اخواني // اخواتي

https://encrypted-tbn1.gstatic.com/images?q=tbn:ANd9GcQ9bF6fi2f8kBfcqfW0d5Yb8CcNDfEPU LNvhNW93ex08lLXc8wx_Q

من سوالف احبابنا اطال الله باعمارهم

قديماً كانويقولون ان مابين صحيان ونوم فلان اوفلانه شافو او سمعو من يقول يافلان رح للمكان الفلاني واقراء (كلمات يقولها لهم) وينفتح الجدار او المكان ويطلع ذهب او كنز مدفون بشرط ماتعلم احد ولا يروح عليك والعلم عند الله..

وبعد يقال ان فيه من يجي يقعده وهو بعز النوم قم للصلاة ويكثر الحديث عن هذا وهذا وإلى الأن الله وحده أعلم بما سمعنا ..

سمعت مثل هذه القصص كثير ومنها قصه لرجل كان مسافر لحاله على ركوبته بذاك الوقت ربما تكون بعير او حصان المهم أنها دابه وقبل زمن السيارات بكثير ..

سافر يريد زيارة أهله برعاية رب العالمين ..

كان بتوقف هنا شوي وهنا شوي ياللراحه او لتناول التمر والماء ويكمل المسير ..

بليله نايم وكان موسم امطار مثل الان والحمد والشكر والمنه لرب العالمين ،،قعد من النوم على احد يناديه :

يافلان يافلان

قم غير مكانك جايك السيل..تلفت يمين شمال ماشاف احد غيره بالمكان..

الرجال تعوذ من الشيطان وقال ويني ووين السيل ولا ني يم شعيب ولا شي وضحك على نفسه لأنه توقع أنه من شد الحرص على انه لحاله مسافر حلم هالحلم..

رجع قرى ورده وسما بالله ،، انتبه ولين السما مصتكه غير ماكانت عليه من ساعه او ساعتين وقعد يهوجس بحلمه وقررانه ينصى حدى الغيران المرتفعه ولعل بالامر خيره ..

ما أمداه ياصل الغار إلا والسما سبحان الله منشقه وامطار وسيل لما غدت الدنيا بحر ،،سبحان الله..

الرجال انبهر باللي شافه ويوم وصل اهله قص عليهم اللي صار وتحمدو له بالسلامه ..

سبحان الله والعلم عنده وحده

تحياتي وتقديري واحترامي

[سحاب نجد راعي شقراء]

كلامك يالغاليه قوافي صحيح وماذكر لك صحيح

اذا كتب الله لك رزق يجي من يوقظك من منامك ثلاث ليالي ويقولك ترا رزقك في المكان الفلاني ويوصفونه لك توصيف وكم يبعدفي حفره وكثرمايلقون الكنوز في صاير الباب ولا تحت ساريه ولا جنب الجصه حقه التمر
ويحطونها في مصخنه ولا في قدرنحاس وكانها واجد حطوها في حجري وهذا قدر كبيييرمصنوع من نحاس ويجلبونه من الهند
ولا يدفنونه في التراب كذا لا فيه شروط ومنها يايحطون تحته رمل احمر ولا يحطون تحته رماد علشان ماتاكله الارض مع البطا
ولا وقظوك من منامك ثلاث ليالي ولا قمتا تروح تاخذه ون علمتا احد قبل تاخذه معاد تلقاه ون حفرته تلقا مكانه بيوت نمل ولا كسر حجر سود يعني حصا اسود
وغلب الكنوز يكون عليها راصود يعني حارس من الجن والظاهر ان داب ذريع وراها علم يعني كنزوهذي موجوده الا الان حول الدوادمي في غار وفيه نبع من الماء وسالفتها طويله ونا اعرفها كانكم تبوني اعلمكم بها من عيوني

[قوافي ( أم نهار )]

حياك الله ابو نوره
الله يرفع قدرك ويسعدك بالدارين واشكرك عالرد والتوضيح..
تسلم حفظك المولی واكيد نبي سالفة داب ذريع لاني سمعت عنها ولكن كل مره شكل واكيد لها عدة قصص ..
كبارنا الغاليين كانو ياكدون ان فيه من يجيه تنبيه بكنز او تنبيه صلاة وتاكيدهم هو النقطه اللي دايم اوقف عندها ..
اسعدني مرورك الكريم وردك المميز
تحياتي وتقديري واحترامي

[باوزير]

عن نفسي صادفتني حد يوقظني لصلاة الفجر كذا مرة يا يدق على الباب او يتكلم في اذني او يحرك السرير

و بخصوص الكنوز وحدة من اخواتي ديام تحلم في كنز في بيت جدي القديم في البير و يتكرر الحلم لها

[سحاب نجد راعي شقراء]

عن نفسي صادفتني حد يوقظني لصلاة الفجر كذا مرة يا يدق على الباب او يتكلم في اذني او يحرك السرير

و بخصوص الكنوز وحدة من اخواتي ديام تحلم في كنز في بيت جدي القديم في البير و يتكرر الحلم لها


وين بيت جدك فيه :D

هلا ومرحبا ومسهلا بالغالي باوزير

خل اختك الله يحفظها تروح لبيت جدك ونت معها وشف لك من اخوانك الصغار ولا الكبار خلهم يفزعون معكم ولا يدري عنكم احد
وكلها ونش تستاجره يومين فيه شي على الكهرب احسن ويشبه الي مع رجال الدفاع المدني تشيله بالسياره ونزلو للبير وخذو الوصف من اختك قبل
وكلامي هذا يكون في النهار لاني عارف في الليل لو يخرفش عليكم شي انطلقتو في الشارع ركض :D ربي يحفظكم من كل مكروه بس ان استطعتو تجيبونه لا تخلونه

وكانكم ماتبونه خلوني اجي وستكشف وعلمكم وش كثره

[سحاب نجد راعي شقراء]

وعلا كلام اخوي باوزير صحيح الي يوقض للصلاه وهذا موجود هلحين يعني الان في مزرعتي القديمه

كل ليله بعد اذان الفجر على طول يجي ويطق باب الغرفه ثلاث مرات ويروح الله يجزاه بالخير:eek:

ولا طق الباب قال اخوي جك الهيئه قم نصلي

وهو ساكن عندي في راس نخله وشافه العامل كم مره

وهو خال وبلمعه بعد يعني يلصف من زود السواد بس عيونه تخوف حممممممرا طماط:p

[LampLamp]

الله يزيدنا ويزيدكم من فضله

[ابو البر]

وعلا كلام اخوي باوزير صحيح الي يوقض للصلاه وهذا موجود هلحين يعني الان في مزرعتي القديمه



كل ليله بعد اذان الفجر على طول يجي ويطق باب الغرفه ثلاث مرات ويروح الله يجزاه بالخير:eek:


ولا طق الباب قال اخوي جك الهيئه قم نصلي


وهو ساكن عندي في راس نخله وشافه العامل كم مره


وهو خال وبلمعه بعد يعني يلصف من زود السواد بس عيونه تخوف حممممممرا طماط:p


بطلت اروح مزارع يا سحاب .
ليتني ما قريت ردك ذا .

[ابوسعوداليحيى]

بطلت اروح مزارع يا سحاب .
ليتني ما قريت ردك ذا .


هههههههههههههههههههههههههههههههههههههههه :D:D

[Al3rands]

الله يرزقنا من عنده