قير لاندكروزر 2000 v8

[عقووول]

السلام عليكم ورحمة الله وبركاته

يالربع عندي لاندكروزر 2000 v8

قير اوتوماتيك

سالفه ومافيها كنت طالع للبر اليوم يم نفود الخرارة
واتمشى بالنفود وكانت بها طلعه وابي اطلعها بتكي فوق

اثر به هويه وانا شاد على الموتر قام يناقز بقوة

وقفت وتقهويت وجيت امشي بالليل

الى التغييره الثالثه متغيره علي اذا جاء يعشق ثالث فيه فضاوة بالتعشيق

ويعشق فضاوه خفيفه ضغط المكينه يرتفع شوي ويمسك النمرة اللي بعدها

والحمدلله لايوجد رجة وجميع التعشيق ممتازة الى الثالث

والريوس تمام

وزيت القير والفلتر مغيره من 6 شهور وماشي عليه اللحين 20 الف

يالربع تكفون والله انه ضاق صدري اي والله

ومالي الى الله ثم انتم

[1824]

الموتر كم ممشاه تاكدت الزيت مو ناقص حق القير شف فيه ريحة حراق لونه قلب ولا لا ورد لنا بالتوفيق لك

[عقووول]

شريته من سنتين من واحد ويقول ممشاه ٤٥٠ الف ومغير الطبلون من التشليح

ووزيت موهب ناقص ولونه بعد زين بس ريحته ما اعجبتني احس فيه حراق ولي يومين اذا مشيت عليه احس بريحة زيت محترق

معا ان زيت القير والفلتر اغيرها ومستمر بالتغيير وممشاي بعد اخر تغييرة حول 20الف

[عقووول]

واذا جاء يعشق بالثالث مايعشق ويمسك النمرة صح الى اذا خففت على الدعسه الله يعزكم

[عقووول]

http://www.up-00.com/?HTgU
هذا فديو شوفو كيف التعشيقمركز تحميل الصور (http://www.up-00.com/)

[عقووول]

للرفع تكفون وش الحل وين اهل العلم والمشوره

[م س س]

وعليكم السلام
ما دام مافيه صوت ان شاء الله المشكلة ماهي كبيرة احتمال حساس في القير وتنظيف المخ للقير .نزولك في هاويه منحدرة انحدار شديد وعلى سرعة يؤثر على القير اسأل أي واحد عنده دفع رباعي تماتيك الطريقة الصحيحة في القيادة في المرتفعات والمنحدرات وعلى أي نمرة يعشق عليها وكيفية استخدام الدبل لكن رائحة الزيت اذا هي من القير بيكون تآكل في الكلتشات فك الكارتير ولاحظ المغناطيس اذا فيه رايش وكذلك في الكارتير نفسه وعلى الفلتر.
تأكد من نوع الزيت الذي تستخدمة إذا له عيار على شكل سيخ للقير ارفعه واقراء المكتوب على السيخ بتحصل نوع الزيت الموصى به ضروري اذا جيت تعايره تعايره وهو ساخن يعني اذا بلف الحرارة راكب على سيارتك تبدأ تعايرة والحرارة واصلة للربع مرر القير على جميع التعشيقات وبعدها رجعه على الباركنق ( التأمين ) لازم يكون تحت الفل بقليل .
مديل السيارة قديم وممشاها كثير قربت نص مليون كيلوا وما تدري عن المستخدمين اللي قبل كيف استخدموه متى كانوا يغيروا زيوته وفلتره .
القير التماتيك فيه ضعف ما يتحمل مثل القير العادي اذا طلعت به في مرتفعات قوية شغل الدبل كي يخف الحمل القير ولا تأرجح الموتر اذا نشب في حفرة او رمل هذا يسبب في تسخين الكلتشات وتآكلها .
نتمنى ان ما يكون اللي حصل لك سبب هذه المشاكل .

[عقووول]

وعليكم السلام
ما دام مافيه صوت ان شاء الله المشكلة ماهي كبيرة احتمال حساس في القير وتنظيف المخ للقير .نزولك في هاويه منحدرة انحدار شديد وعلى سرعة يؤثر على القير اسأل أي واحد عنده دفع رباعي تماتيك الطريقة الصحيحة في القيادة في المرتفعات والمنحدرات وعلى أي نمرة يعشق عليها وكيفية استخدام الدبل لكن رائحة الزيت اذا هي من القير بيكون تآكل في الكلتشات فك الكارتير ولاحظ المغناطيس اذا فيه رايش وكذلك في الكارتير نفسه وعلى الفلتر.
تأكد من نوع الزيت الذي تستخدمة إذا له عيار على شكل سيخ للقير ارفعه واقراء المكتوب على السيخ بتحصل نوع الزيت الموصى به ضروري اذا جيت تعايره تعايره وهو ساخن يعني اذا بلف الحرارة راكب على سيارتك تبدأ تعايرة والحرارة واصلة للربع مرر القير على جميع التعشيقات وبعدها رجعه على الباركنق ( التأمين ) لازم يكون تحت الفل بقليل .
مديل السيارة قديم وممشاها كثير قربت نص مليون كيلوا وما تدري عن المستخدمين اللي قبل كيف استخدموه متى كانوا يغيروا زيوته وفلتره .
القير التماتيك فيه ضعف ما يتحمل مثل القير العادي اذا طلعت به في مرتفعات قوية شغل الدبل كي يخف الحمل القير ولا تأرجح الموتر اذا نشب في حفرة او رمل هذا يسبب في تسخين الكلتشات وتآكلها .
نتمنى ان ما يكون اللي حصل لك سبب هذه المشاكل .

ان شاء الله

بروح بكرة وافك الكارتير واشوف الوضع

ويجزاك ربي بالجنه

[عقووول]

اليوم تاكدت ان ريحة الزيت مرررررة محترقة

جيب اخوي سحب عيار الزيت وريحة الزيت عادية اما سيارتي

واضح ان الريحة مره محترقة تتوقون وش العله كلتشات ما اني مغير الزيت والفلتر

قبل 6 شهور

وش تنصحوني اسوي اغير الزيت ولا افحص كمبيوتر

[م س س]

ان شاء الله يرد عليك اصيل بيوضح لك الموضوع اكثر .

[عقووول]

ان شاء الله يرد وماقصرت اخوي م س س