قل لي يابو ذيبان وش فيه جدي..الحل..تنقيط..حله..أبو ذيبان..كفو

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز مسند لابو ذيبان وطلب بالعدول من راع العجراء
عن ترك المنتدى


قل لي يابو ذيبان وش فيه جدي=ماهو على العاده تكأ للثقيله
مِنِّه تعلمنا نوارب نهدي=مِنِّه تعلمنا خصالٍ فضيله
علمني عن بعض السفاسف اصدي= حتى ولو ينقال عنِّي هبيله
من شان لَمِّه فيها فيَّاض ودي=من كال لنا بالنقص نوفي مكيله
درب لنبع الطيب سالك يودِّي=دربٍ عطانا الجد فيه الدليله
هذا ولغزي يافتى لايعدي=ثلاث تساموا والمعاني سهيله
الاولي دربٍ بليَّاه مغدي=من قبل يلفي مغديٍ من يجي له
والثاني دربه من تولاه مردي=من يسلكه وداه يم الرذيله
والثالث اللي من يسويه مقدي=شحٍ ولكن فاد بنتٍ حصيله


مع تحيات ابو ماجد

منتديات مكشات . خيمة الالغاز

[ابوماريا]

عليكم السلام ورحمة الله وبركاته
صح السانك يابو ماجد
دائماً وافي وما يجي منك الا الوفا
وان شاء الله يعدل محبوب الجماهير راعي العجراء عن اعتزاله

غالي يابو ماجد ومسند على غالي

مرور تقدير وجاري التمعن

[ابوذيبان]

حي الزعيم اللي نوى كشف سدي=عن العزيز اللي علومه جزيلة
جدك حفيدي .لو تلمست خدي=تلقى دموعي من رحيله هميلة

ولي عودة بحول الله

ورمعة افتتاحية

تنقيط الحروف وبدونها نضيع بين الحروف

تنقيط المراقص والبارات وهو الرذيلة

تنقيط الشجر وهو شح في الري لكن مردوده جيد على الشجرة والارض

المحب

[ابوذيبان]

حي الزعيم اللي نوى كشف سدي=عن العزيز اللي علومه جزيلة
جدك حفيدي .لو تلمست خدي=تلقى دموعي من رحيله هميلة
بالطيب ماله كون لالا وحدي=مثل السحاب اللي تطافح مسيلة
حتى ولو غادر بعيدٍ وشدي=مانتركه نتبع محاري سبيله
ياراعي العجراء ترى الوقت ضدي=اليا اظلمت نحتاج قدح الفتيلة
رد النظر وانت الحكيم المقدي=نمشي على دربك دروبٍ مهيلة
وسلام يابادع لغوزٍ تسدي=تروى ظمأ الجدبا وتروي الخميلة
لبستني ثوبٍ ولاهوب قدي=واسندت لي علمٍ لزومٍ اشيله
هذا كلامي واستلم ختم ردي=تنقيط بالتفصيل جبنا حصيله

[ابو ماجد 2]

حي الزعيم اللي نوى كشف سدي=عن العزيز اللي علومه جزيلة
جدك حفيدي .لو تلمست خدي=تلقى دموعي من رحيله هميلة
بالطيب ماله كون لالا وحدي=مثل السحاب اللي تطافح مسيلة
حتى ولو غادر بعيدٍ وشدي=مانتركه نتبع محاري سبيله
ياراعي العجراء ترى الوقت ضدي=اليا اظلمت نحتاج قدح الفتيلة
رد النظر وانت الحكيم المقدي=نمشي على دربك دروبٍ مهيلة
وسلام يابادع لغوزٍ تسدي=تروى ظمأ الجدبا وتروي الخميلة
لبستني ثوبٍ ولاهوب قدي=واسندت لي علمٍ لزومٍ اشيله
هذا كلامي واستلم ختم ردي=تنقيط بالتفصيل جبنا حصيله

يامن تقول الحل تلقاه عندي =هذي غطاتي من سهامك قتيله
غطوه بِناها باذلٍ فيه جهدي=مهما تشامخ قدم ذهنك ذليله
نعم نعم تنقيط قولك يسدي=بس الفوارق بالمعاني مهيله
هذا بملهى مغديْ من جاه مغدي=هذا نما بنتٍ ظليله جميله
هذا سطر عون الذي به يعدي=زاح الشكوك اللي بالاول نزيله
لكن نعاود يم جدك وجدي= عل الرجاوي في عدوله كفيله
كل عضو بالخيمه له الود يبدي=كلٍ يقول لا مانتحمل رحيله
كلٍ يقول لا لا لا لا لاتشدي=المنتدى دونك عسيرٍ نخيله
يالله عساه يم الحبايب يردي=في خيمةٍ يسعدها عودة مثيله

[ابو ماجد 2]

الذين يشاهدون محتوى الموضوع الآن : 2 ( الأعضاء 2 والزوار 0) ‏ابو ماجد 2 (http://www.mekshat.com/vb/member.php?u=38293)*, ‏ذيب الفقارة (http://www.mekshat.com/vb/member.php?u=224476)

بالوقت الذي فيه متضايقين من ابداء راع العجراء وتلويحه بترك المنتدى
الا انني مبسوط بعودة عزيز على الجميع
ياهلا ومليون هلا
هلابك يابو عدنان
الحمدلله على السلامه
اسفرت وانورت
افتقدناك يالغالي
وعوده مابعدها انقطاعه بمشيئة الله

[أبوعبدالرحمن99]

يا هلا بالجميع ،،، و صحت الالسن ،،،، مساجلات ابداعية ،،، عندما تلتقي القامات ،،

[صقر السديرات]

صح لسانك ملايين
وراعي العجراء عقب ذا القصيدة بيجي يركض
كفو ومسند على كفو
تحريك
رجم مجموعة من الحجارة توصع فوق بعض لمعرفة مفارق الطرق
رجم جزاء من يقع في الرذيلة المنصوص عليها بالرجم
دمت سعيدا

[أبوعبدالرحمن99]

اسحب الرمعة عاجلا يا سيادة المشرف ،،، اللغز انتهى يا ابو فيصل ،،،

[ابو ماجد 2]

يا هلا بالجميع ،،، و صحت الالسن ،،،، مساجلات ابداعية ،،، عندما تلتقي القامات ،،

هلا بك يابو عبدالرحمن
صح بدنك
والقامات اذا التقيتوا انت وابو ذيبان الله يزيدكممن واسع فضله

[ابو ماجد 2]

صح لسانك ملايين
وراعي العجراء عقب ذا القصيدة بيجي يركض
كفو ومسند على كفو
تحريك
رجم مجموعة من الحجارة توصع فوق بعض لمعرفة مفارق الطرق
رجم جزاء من يقع في الرذيلة المنصوص عليها بالرجم
دمت سعيدا

هلا بك يابو فيصل
صح بدنك
وراع العجراء الله يامره يسجل لو حضور
الظاهر انا وابوذيبان جالسين نتوجد عليه وهو لاحس ولا خبر
هههههههههههههههههههههههه
لكن هذا الجد مانقدر نعق فيه
واللغز انها ابو ذيبان
والحل التنقيط
تنقيط الحروف
تنقيط للراقصات والمغنيات بالملاهي
تنقيط الري للزراعه

[ابوذيبان]

يامن تقول الحل تلقاه عندي =هذي غطاتي من سهامك قتيله



غطوه بِناها باذلٍ فيه جهدي=مهما تشامخ قدم ذهنك ذليله
نعم نعم تنقيط قولك يسدي=بس الفوارق بالمعاني مهيله
هذا بملهى مغديْ من جاه مغدي=هذا نما بنتٍ ظليله جميله
هذا سطر عون الذي به يعدي=زاح الشكوك اللي بالاول نزيله
لكن نعاود يم جدك وجدي= عل الرجاوي في عدوله كفيله
كل عضو بالخيمه له الود يبدي=كلٍ يقول لا مانتحمل رحيله
كلٍ يقول لا لا لا لا لاتشدي=المنتدى دونك عسيرٍ نخيله
يالله عساه يم الحبايب يردي=في خيمةٍ يسعدها عودة مثيله

يالله عساااااه يم الحبايب يردي . ياااااااااااااااارب

وصح السانك ملايييييييين في ملاييييييين

ياشيخنا وقدوتنا الكبير ـ ابوماجد

ابداع يردف ابداع وفن اصيل يدهش راعي الكار . ماشاء الله تبارك الله

زادك الله من فضله وحفظك من كل شر

لاهنت ولاهان غاليك

وافر الغلاااااااااااااا

0

[ابوذيبان]

الذين يشاهدون محتوى الموضوع الآن : 2 ( الأعضاء 2 والزوار 0) ‏ابو ماجد 2 (http://www.mekshat.com/vb/member.php?u=38293)*, ‏ذيب الفقارة (http://www.mekshat.com/vb/member.php?u=224476)




بالوقت الذي فيه متضايقين من ابداء راع العجراء وتلويحه بترك المنتدى
الا انني مبسوط بعودة عزيز على الجميع
ياهلا ومليون هلا
هلابك يابو عدنان
الحمدلله على السلامه
اسفرت وانورت
افتقدناك يالغالي
وعوده مابعدها انقطاعه بمشيئة الله



ياهلا بالغالي ـ ابوعدنان

انورت واسفرت يالحبيب

والحمدلله على السلامة

0

[ابوذيبان]

يا هلا بالجميع ،،، و صحت الالسن ،،،، مساجلات ابداعية ،،، عندما تلتقي القامات ،،

هلابك اكثر يالغالي ـ ابوعبدالرحمن

وصح قلبك ولاهنت

والابداع عندك مفاتيحه يالحبيب

لاهنت ولاهان غاليك

وياهلااااااااااا

0

[ابوذيبان]

صح لسانك ملايين
وراعي العجراء عقب ذا القصيدة بيجي يركض
كفو ومسند على كفو
تحريك
رجم مجموعة من الحجارة توصع فوق بعض لمعرفة مفارق الطرق
رجم جزاء من يقع في الرذيلة المنصوص عليها بالرجم
دمت سعيدا

كفوك الطيب ياراعي الطيب

لاهنت مشرفنا الكبير ـ ابوفيصل

وياهلااااااا

0

[النبهاني]

ترافين تقرقع بالصدر عقب ما قريت اللغز وردوده
وخليت حكمهن حكم الرنعه اللي تجي بالبال ويقول الزعيم زته لاتخلي شي
وصح السانك يالزعيم القدوه وكفووووو ثم كفو يامنهل الابداع


صح لسانك يالامعط ولسان جدي = اقولها من زود الغلا ما نكيله
قصيد يشكي ضيم المعاني يشدي = من هامات فوق الخضيرا مداهيله
ياراعي العجراء لربعك لزمٍ تردي = عقب هالقصيد ماظنتي باليد حيله
ما انت مسموح لو بالاعذار تبدي = اللي جرا سافي بضلع لوهو نثيله
يا شامخ الهامه شف من لك يودي = ياكثر اللي يكن لك الغلا ويشيله
ومابالغ لو ذكرت ( الكل ) بردي = رد جذبه الغلا وقصايد جزيله
السموحه . قصور وكسور ما بيدي = الدميجه يا ابو جلمبو هذا حصيله

[أبوعبدالرحمن99]

صحت الالسن و يا ليت لي ما عندكم من طول النفس و الاسترسال في الابيات ،،، لكن الشكوى لله ،،، بيتين و الراس يجيم ،،،
عسى الله يفرحنا قريبا بعودة جدنا و حفيدنا راع العجرا كما كان ،،
كل الود