سبعة عشر بنتٍ لغيزي فردهن...الحل...داخل اللغز..حله..راعي اللغز

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغز خفافي اتمنى ان ينال استحسانكم


يامن على الغطوات شفِّك جددهن=لغز يبي ذهنٍ على الغطو رايق
سبعة عشر بنتٍ لغيزي فردهن=رمز الردا عند جل جل الخلايق
لكن في لغزي على من وردهن=فيهن تجلت وضح وضح الحقايق
يومٍ زعيم القوم يضبط عددهن=صار اِلْزِعيم الكل اذعان سايق
نفس العدد في علم سابق وجدهن=لغزٍ ولا ظنيت دونه عوايق
لو هن ترى هالوقت كلن نقدهن=كلٍ يقول لا والله ماهو بلايق


مع تحيات ابو ماجد

منتديات مكشات . خيمة الالغاز

[أبوعبدالرحمن99]

[/COLOR][/SIZE]



احروفنا في لغزكم يا سعدهن=لو كان راسي من عناه امتضايق
يوم ارتكى للقافيه ما وجدهن=ضاعن و انا في رصفهن لي طرايق
اما يجن بالكيف ما ينتقدهن=منهو على الالحان راح يتهايق
و لا مشى في دربه و ما نشدهن=عذره مزاجه ماهو اليوم رايق
و الرمعة اللي مختلف في عددهن=يمكن لهن ببحور شعري علايق
اما تصيب و نهتني من بعدهن=او من يجي في تال جاب الوثايق










[/center][/QUOTE]

[ابو ماجد 2]

[/COLOR][/SIZE]



احروفنا في لغزكم يا سعدهن=لو كان راسي من عناه امتضايق
يوم ارتكى للقافيه ما وجدهن=ضاعن و انا في رصفهن لي طرايق
اما يجن بالكيف ما ينتقدهن=منهو على الالحان راح يتهايق
و لا مشى في دربه و ما نشدهن=عذره مزاجه ماهو اليوم رايق
و الرمعة اللي مختلف في عددهن=يمكن لهن ببحور شعري علايق
اما تصيب و نهتني من بعدهن=او من يجي في تال جاب الوثايق












[/QUOTE]



ياآسر اقلوبٍ ابد ماضهدهن=جَنِّه لأسره مذعناتٍ عشايق
لا لوم لو الأسر اصبح وددهن=طيبٍ غراهن فايحٍ بالعبايق
جنْ القوافي مابخلَّن في مددهن=دامي لهن يم سيِّد الشعر سايق
جَنِّي تتارى ماخفاني سعدهن=كل وحدة شفها تراقص تمايق
من ساع قريت احروف يمِّي سندهن=ماني على كبت المشاعير طايق
سبعة عشر مازال باقي لددهن=ماله ببحر الشعر اية علايق





[/center]

[ابوذيبان]

الله الله الله الله

صح قلبك ملاييييييييييييييييين

يالغالي ـ ابوماجد

وصح قلبك ملاييييييييييييييين

يالغالي ـ اسير النور

هنا ابداااع وتألق يفوح بالجزالة

لله دركما ..

جاري التفكير ياعم

وبيض الله وجيهكم . استمتاع وعذوبة

المحب

0

[يمكن شاعر]

عليكم السلام
وصح لسااانك ملاييين ي الغالي
محاوله والمعذره اذا بعيده
ممكن السبعة عشر اللي رمز الردا
النجمات في العلم الوحيد التابع للكونفدرالية الذي عثر عليه في كاليفورنيا في الحرب الأهلية خلال احتفالات عيد الاستقلال والعلم يحتوي سبعة عشر نجمة

[ابو ماجد 2]

الله الله الله الله

صح قلبك ملاييييييييييييييييين

يالغالي ـ ابوماجد

وصح قلبك ملاييييييييييييييين

يالغالي ـ اسير النور

هنا ابداااع وتألق يفوح بالجزالة

لله دركما ..

جاري التفكير ياعم

وبيض الله وجيهكم . استمتاع وعذوبة

المحب

0

هلا بمنهل الابداع
صح بدنك يالغالي
وهنا المرور الراقي لاعدمناك
والابداع والتالق والامتاع فيما تقدمه
وابوعبدالرحمن ماشاء الله كحل لغزنا بمروره العطر
شرفتنا وفي انتظار مرماعك

[ابو ماجد 2]

عليكم السلام
وصح لسااانك ملاييين ي الغالي
محاوله والمعذره اذا بعيده
ممكن السبعة عشر اللي رمز الردا
النجمات في العلم الوحيد التابع للكونفدرالية الذي عثر عليه في كاليفورنيا في الحرب الأهلية خلال احتفالات عيد الاستقلال والعلم يحتوي سبعة عشر نجمة

هلا بشاعرنا المتمكن
صح بدنك يالغالي
والحقيقه اللغز له علاقة بقصة سمعتها شدتني للغز
ولا تباعد عن تراثنا الاسلامي

[ابو ما بغى]

وعليكم السلام ورحمة الله وبركاته
يصح لسانك يالفارس الله يسعدك
دائماً يانع مورق مغدق - ماشاء الله وبارك
ولا هان اخوي اسير النور - اتحفتونا الليه يزيدكم من فضله
موفقين

[ابو ماجد 2]

وعليكم السلام ورحمة الله وبركاته
يصح لسانك يالفارس الله يسعدك
دائماً يانع مورق مغدق - ماشاء الله وبارك
ولا هان اخوي اسير النور - اتحفتونا الليه يزيدكم من فضله
موفقين


هلا بجم الابداع
صح بدنك وصبحك الله بالخير
شرفنا مرورك وكلمات المحفزه وما عليك زود يالغالي

[ابوماريا]

صح السانك يابو ماجد
وبيض الله وجهك يالغالي
تغرف من بحر
ماشاء الله عليك
قلبته يمين ويسار وبحثت بعمنا قوقل ما طلع معي شي
لاكن لنا عودة إن شاء الله

تقبل ودي واحترامي

[ابو ماجد 2]

صح السانك يابو ماجد
وبيض الله وجهك يالغالي
تغرف من بحر
ماشاء الله عليك
قلبته يمين ويسار وبحثت بعمنا قوقل ما طلع معي شي
لاكن لنا عودة إن شاء الله

تقبل ودي واحترامي


ياحبنا لك يالغالي
صحيح مثالي حتى وانت مالقيت الرمعه الا انك مريت
اللغز عن قصة سمعتها واثرت فيني وسقتها لغز
وسأحاول ان احدد مطلوبي بالشرح اكثر
...............
يامن على الغطوات شفِّك جددهن=لغز يبي ذهنٍ على الغطو رايق
سبعة عشر بنتٍ لغيزي فردهن=رمز الردا عند جل جل الخلايق
هنا سبعة عشر بالتحديد وبالغالب رمز للتردي اي ردا من كن فيه
لكن في لغزي على من وردهن=فيهن تجلت وضح وضح الحقايق
ولكن هالسبعة عشربنت اصبحن بهالقصة رمز للحقيقه وكيف حصل ذلك ؟ الجواب بالبيت الذي يليه
يومٍ زعيم القوم يضبط عددهن=صار اِلْزِعيم الكل اذعان سايق
هنا زعيم قوم قام بعدهن وترتب على ذلك اذعانه لزعيم الكل
نفس العدد في علم سابق وجدهن=لغزٍ ولا ظنيت دونه عوايق
كان نفس العدد لديه علم سابق فيه مما جعله يذعن
لو هن ترى هالوقت كلن نقدهن=كلٍ يقول لا والله ماهو بلايق
نعم لو هالبنات بهالوقت كان قيل غير لائق ان يظهر بهن زعيم الكل

[ابوماريا]

ياحبنا لك يالغالي
صحيح مثالي حتى وانت مالقيت الرمعه الا انك مريت
اللغز عن قصة سمعتها واثرت فيني وسقتها لغز
وسأحاول ان احدد مطلوبي بالشرح اكثر
...............
يامن على الغطوات شفِّك جددهن=لغز يبي ذهنٍ على الغطو رايق
سبعة عشر بنتٍ لغيزي فردهن=رمز الردا عند جل جل الخلايق
هنا سبعة عشر بالتحديد وبالغالب رمز للتردي اي ردا من كن فيه
لكن في لغزي على من وردهن=فيهن تجلت وضح وضح الحقايق
ولكن هالسبعة عشربنت اصبحن بهالقصة رمز للحقيقه وكيف حصل ذلك ؟ الجواب بالبيت الذي يليه
يومٍ زعيم القوم يضبط عددهن=صار اِلْزِعيم الكل اذعان سايق
هنا زعيم قوم قام بعدهن وترتب على ذلك اذعانه لزعيم الكل
نفس العدد في علم سابق وجدهن=لغزٍ ولا ظنيت دونه عوايق
كان نفس العدد لديه علم سابق فيه مما جعله يذعن
لو هن ترى هالوقت كلن نقدهن=كلٍ يقول لا والله ماهو بلايق
نعم لو هالبنات بهالوقت كان قيل غير لائق ان يظهر بهن زعيم الكل




الله يسعدك يابو ماجد
ما قصرت وفيت وكفيت

وجاري التفكير على أشدة

[عطري]

و عليكم السلام و رحمة الله و بركاته



صح لسانك أبا ماجد

كل اللي يجي منك زين ، زين الله أيامك.



و صح لسانك يا أبا عبدالرحمن .



أمس و اليوم أحاول في هالزين ، ما طلعت بشيء يليق به.



جاري البحث ،،،

[ابو ماجد 2]

اخوي عطري
صح بدنك والف شكر لمرورك العطر
اللغز من ضمن قصة سمعتها ويظهر انها غير مشهوره والهدف من اللغز هو نشر القصة وكنت آمل ان بكون احد الزملاء ملم فيها
اما القصه فأسمحوا لي ان اوجزها
حينما ذهب عمر بن الخطاب رضي الله عنه ليتم تسليم القدس له صحبه عبده سالم واتيا على دابة واحده
تارة يقودها سالم وعمر يركب وتارة يقودها عمر وسالم يركب ومن يكون راكبا عليه اسماع من يقودها القرآن الكريم
استمروا على هالحال ووصلوا الى مشارف القدس وكان عمر يقود الراحله بيمينه فوصلوا الى موقع به طين ففسخ عمر نعله ووضعه تحت ابط يساره
لما وصلوا وكان في استقبالهم كبار الاقاوسه وابي عبيده
فقال ابي عبيده ماهكذا يؤتى للقوم يقصد انهم اهل منظره ومظهر وانت على هذه الحال فقال عمر
نحن اذلاء واعزنا الله بالاسلام ولن نعز الا به ولم يحترمونا الا لاسلامنا
اتو بماء فغسل قدميه عن الطين وتقدم لهم
وهنا تقدم كبير الاقاوسه - وهذا ماقصدته باللغز - واخذ يعد رقاع ثوب عمر فاذا هي سبعة عشر رقعه فبكى وقال
مكتوب عندنا يستلم بيت المقدس رجل عادل يقود راحلته وخادمه يركب . في ثوبه سبعة عشررقعه
شرح اللغز
يامن على الغطوات شفِّك جددهن=لغز يبي ذهنٍ على الغطو رايق
سبعة عشر بنتٍ لغيزي فردهن=رمز الردا عند جل جل الخلايق
سبعة عشر رقعه رمز لرداءة الثوب وكونه بالي
لكن في لغزي على من وردهن=فيهن تجلت وضح وضح الحقايق
نعم باللغز بانت حقيقة العادل الذي يستلم مفاتيح القدس
يومٍ زعيم القوم يضبط عددهن=صار اِلْزِعيم الكل اذعان سايق
حين عدهن كبير الاقاوسه اعلن اذعانه لعمر وتسليمه المفتاح
نفس العدد في علم سابق وجدهن=لغزٍ ولا ظنيت دونه عوايق
نفس العدد مكتوب في كتبهم القديمه
لو هن ترى هالوقت كلن نقدهن=كلٍ يقول لا والله ماهو بلايق
لويلبس امير بهالوقت ثوب كله رقاع لقال لايليق فيه

[يمكن شاعر]

لاهنت ي الغالي وبيض الله وجهك على اللغز والقصه
جلست ابحث عن القصص القديمه لاكن ماحالفنا الحظ في ان اجدها
صح لساااانك ملاييين ي الغالي ولاهنت

[عطري]

بيض الله وجهك أبا ماجد

بالرغم من سماعي للقصة أكثر من مرة لكن لم تخطر لي على بال

و الآن بعد عرضك لهذه القصة كأني أول مرة أقرؤها .

فعلاً كانوا رجالاً بلغوا ما بلغوا بتمسكهم بعزة الإسلام ..........!!!

شكراً أبا ماجد ، مثل هذه القصص تريح النفس و تسليها خاصةً في وقتنا الراهن.

[ابوذيبان]

بارك الله فيك يالقدوة . وحفظك من كل شر

قصة في غاية الروعة . ولغز جميل من جمال قلبك

لاهنت ولاهان غاليك

اسلم لنا

0