اللي عنده خبر برجة العامود ( المتخصصين باصلاحه بالرياض )

[العرفج]

السلام عليكم ورحمة الله وبركاته

سيارتي لاند كروزر 95 :)

السيارة بها رجة خاصة عند سرعة 110 وتبداء من 80 وديتها لميزان المجد تم وزن الاذرعة وتغيير الجلب الخ الخ الخ مع ترصيص الكفرات .. ما به فايدة بعدين غيرت الصلبان كذلك ما راحت الرجه خفت شوي المهم قالو انه به ناس ترصص العامود بالصناعية القديمة رحت الصناعيه
وما حصلتهم ياليت وصف لهم او الللي مرت عليه نفس مشكلتي ويقدر يفيدني اكون له شاكر .

[اليامي قطر]

احيانا تكون من عمود الدبل

ويركبون لك فرار فالدفرنش الامامي يفصل الدبل والكارونه وتفقد الرجه تماما

[العرفج]

اليامي قطر
مشكور بس كيف اتأكد انه من عمود الدبل وان كنت لا ارغب بتركيب فرار

[شرقا]

اتوقع عمود الكردان يحتاج خرط...حصلت لي بس كانت سيارتي ونيت

[العرفج]

اتوقع عمود الكردان يحتاج خرط...حصلت لي بس كانت سيارتي ونيت

وين احصل اللي يخرطون العامود ؟

[SGL]

طيب شحم العمدان وجرب موترك كم يوم شف الرجه تختفي
وبخصوص الترصيص المخارط وبعض المحلات المتخصصه في العمدان هي الي ترصص

[عقووول]

الوصف وانت معا طريق الخرج بتجاه الشمال اطلع فوق الكبري

وبعد ماتنزل تجيك اشارة وعندها محل قزاز السالم اخذ يمين وبتجيك اشارة ديور

معها وبعد ماتديور اول شارع سيدين ادخل معه وامش لين يجيك قطع غيار الحمراني

بعده ثاني لفه ادخل معها وبتحصلهم على يسراك اذا ذاكرتي

[اليامي قطر]

اليامي قطر
مشكور بس كيف اتأكد انه من عمود الدبل وان كنت لا ارغب بتركيب فرار

رح لفحص الكمبيوتر

ويرفعون الموتر فوق ويمشون على الموتر 80 او 100 وانت تحت تشوف ومعك الفني يساعدك فيه اذا فيه رجه او سليم

وموفق خيرر

[العرفج]

sgl
عقووول
اليامي قطر
مشكوريين وبارك الله فيكم ابروح لهم واشوف

[هيبتي بكلمتي]

وعليكم السلام ورحمة الله وبركاته

شيك على الكفرات لا يكون فيها تحبيل تراها تسويها ولا تستهين فيها .

[اسدهم]

ونت جاي مع 17 ابتل لين تجيك اول الاشارة لف يسار امش لين تجيك دخلة ع اليمين ماريتها ميزان العضيب وزاوية اثانية البيان ادخل بينهم ونشد عن ورشة العبد الواحد للعمدان انت حول الموقع

[ملك السيييف]

اذا انت شاك بعمود الدبل شله وجرب الموتر بدونه وشوف تروح الرجة اولا

[الكدن1]

العمود مايسوي رجه يسوي حرة فقط
يعني حط كوب فوق الديكور اذا هو يتحرك حركة خفيفة تراها حرة في العمود والحرة في الغالب صوت غير مستمر
وترصيص العمود غير ناجح ميه بالميه
والحرة قد تكون من القير او الكارونة او كراسي القير او ارتفاع السيارة من الخلف(مثل الذي يرفع بكعكات عاليه)
الرجة اسبابها كثيرة:
التحبيل في الكفرات*الاذرعة الامامية*جلد الرباطات*مساعد الدركسون*الوردات في الركبة الامامية وهذا خاص بالباترول*نقص الهواء*برودة الاطارات خاص بالبالون(يصير اعرج في الصباح ايام الشتاء)ههههههه