بلغ سلامي يامن تعلا الافاق بجنحان...الحل...سنة..حله... حبيب اهلهوخله..كفو

[النبهاني]

السلام عليكم ورحمة الله
الله يصبحكم ويمسيكم بالخيرات
لغز مسنده للمنهل ابوذيبان استاذي اللي اطلب منه العذر لان اللغز ماهو مدتٍ له
ولاني ند له بالشعر الثرى والثريا وهذي قدرة تلميذه اللي يحبي بالروضه
والرمع للجمع
بلغ سلامي يامن تعلا الافاق بجنحان = للعديم اللي حط عوالي نجد مداهيله
الامعط الذرب الذيب ابو الذيب ذيبان = عواه فوق روس المشاريف ماهن نثيله
قنيبه جزل القصيد يجيك بعذب الالحان = تعرفه منهل ابداع لشفت نقضه وفتيله
ما اوفيه حق لو استرسل بطاريه طربان = واخاف انسى الوصيه عسى ماهي ثقيله
هي منشدي بعد السلام للي بالاسم سيان = بنتين تسامن والكل بيّنت بالتالي دليله
هذي له مشيه عدال وبه قرون واذان = جل الملا نظرتهم صوبها نظره جليله
ذي مشيه عوج تنكس تباري جرته بتقان = يدخل به وتدخل بس لازم نفس الفصيله
الاسم وسطه يهز ولولا الهز ما زان = واوله بأنس وحيوان وبالجبال مثيله
واجمل تحيه
من محبكم
النبهاني
خيمة الالغاز - مكشات

[ابوذيبان]

حي الرفيق اللي على الطيب عنوان=نبهاني الخوة وراعي الجزيلة
وصل سلامك ياعزيزٍ لنا بان=مثل السحاب اللي غشانا مسيله
يامرحبا ترحيب وافي ومليان=ياراعي البيضاء علومك جميلة
الله يسعد خاطرك يابليهان=وعسى سنينك عامراتٍ طويلة
ياشوق ريـمٍ كلها حسن فتان=دايم على طاريك تومي الجديلة
تقول مالي في البشر غير نبهان=نبهان في الطيبة ولا ارضى بديله
لاهنت يارمز الغلا والرمي حان=في لغز وافي والمعاني اصيلة
جاري بنا التفكير ياقرم ياحصان=والله يقدينا نباري سبيله

[قوافي ( أم نهار )]

عليكم السلام ورحمة الله وبركاته
يستاهل ابو ذيبان الاسناد
ماشاء الله
اشكركم علی امتاعنا بطيب حروفكم وصحة السنتكم
حفظكم الله
تحياتي وتقديري واحترامي

[ابو ما بغى]

وعليكم السلام ورحمة الله وبركاته
والله يمسيك ويصبحك بكل ما يرضيك ويرضيه عنك
صح لسانك يابوسالم الى ما لا نهاية كفيت ووفيت طيب ولا يستغرب من منبعه
يستاهل المنهل كل الطيب وزود - واسمحولي يالعمالقه بهالمجاراة التي غصبتني على نفسها
وهي لا ترقى الى صدق مشاعركما ونبلها

اطرب مع شوف الوفاء بين الاخوان
ماهي غريبه واديٍ سال سيله
طيب المعادن يجعل القلب ولهان
واصّدق مشاعر يمطر بها خليله
لا من ظهر قول من القلب هتان
يدخل على قلب تذوّق هميله
القلب شاهد صوب قلب ولو كان
اجسامهم بِعدٍ بشوفٍ وزيله
نبهاني يسند زين قوله لذيبان
والكل منهم يستحق الجليله
ذيبان جاوب باميز النظم نبهان
كل يحذف الطيب وجهة عميله
حبيت اشارك بالنظم والله طربان
يطرب مزاجي في مزارق جميله

مـــــــــــــوفـــــــــــقـــــــــــن

[عطري]

و عليكم السلام و رحمة الله و بركاته

صح لسانك ملايين دكتور أبا سالم

يستاهل أبو ذيبان كل خير

صح لسانك يالمبدع

و صح لسانك يا حبيب الجميع



امتعتمونا متعكم الله بالصحة و العافية،،،

[صقر السديرات]

الله الله الله
يستاهل ابو ذيبان وصح لسانك ملايين ابو سالم
دمت بخير

[ابوماريا]

عليكم السلام ورحمة الله وبركاته
صح السانك يابو سالم
وبيض الله وجهك على هالابدااااع

ومنهل الابدااااع يستاااهل العلم الغانم
لغز محبوك حبكة معلم

مرور إشادة وتقدير وجاري التفكير

[ناصر العلي]

وعليكم السلام ورحمة الله وبركاته

سلمت يالغالي

وصح لسانك

وماشاءالله عليك

أبدعت ثم أبدعت

وغالي ومسند على غالي

ومجاراة عذبة من الغالي أبوذيبان وأبوأحمد

بيض الله وجيهكم جميع

محاولة

سَيّارة

السَّيَّارَة : مَرْكَبَةٌ آلِيَّةٌ تَسيرُ بِمُحَرِّكٍ مُحْرِقٍ لِلْبِنْزينِ تُستَخْدَمُ لِلرُّكوبِ والنَّقْلِ

السَّيَّارَةُ : القافِلَةُ يوسف آية 19 ( وَجاءتْ سَيَّارَةٌ فَأَرْسَلُوا وارِدَهُمْ ( قرآن )

[النبهاني]

حي الرفيق اللي على الطيب عنوان=نبهاني الخوة وراعي الجزيلة
وصل سلامك ياعزيزٍ لنا بان=مثل السحاب اللي غشانا مسيله
يامرحبا ترحيب وافي ومليان=ياراعي البيضاء علومك جميلة
الله يسعد خاطرك يابليهان=وعسى سنينك عامراتٍ طويلة
ياشوق ريـمٍ كلها حسن فتان=دايم على طاريك تومي الجديلة
تقول مالي في البشر غير نبهان=نبهان في الطيبة ولا ارضى بديله
لاهنت يارمز الغلا والرمي حان=في لغز وافي والمعاني اصيلة
جاري بنا التفكير ياقرم ياحصان=والله يقدينا نباري سبيله




وجــــــــــرح قلبي جرح وادي وطنّه = غر المزون يــــــــــــــــــوم وطنه وفاضي
وين انت ياللي مشفي على طردهنّه = أنا.. أنا..أنا طويت رشاي واقفيت قاضي

الله الله الله
هذا الطرب بعينه وعلمه صح السانك اي والله ولله درك
وكل يوم نبي نسند عليك لغز من شان نطرب وتحرك ناس تجيب اللي يطرب
مهما وصفت احس ان الوصف ماطال هامتك ويقصر من دونه الا اني اقول
انك انت العـــــــــــــديم
هلا وغلا وبانتظارك يالامعط
( اسف ع تاخير الرد )

[النبهاني]

وعليكم السلام ورحمة الله وبركاته



والله يمسيك ويصبحك بكل ما يرضيك ويرضيه عنك
صح لسانك يابوسالم الى ما لا نهاية كفيت ووفيت طيب ولا يستغرب من منبعه
يستاهل المنهل كل الطيب وزود - واسمحولي يالعمالقه بهالمجاراة التي غصبتني على نفسها
وهي لا ترقى الى صدق مشاعركما ونبلها



اطرب مع شوف الوفاء بين الاخوان


ماهي غريبه واديٍ سال سيله
طيب المعادن يجعل القلب ولهان
واصّدق مشاعر يمطر بها خليله
لا من ظهر قول من القلب هتان
يدخل على قلب تذوّق هميله
القلب شاهد صوب قلب ولو كان
اجسامهم بِعدٍ بشوفٍ وزيله
نبهاني يسند زين قوله لذيبان
والكل منهم يستحق الجليله
ذيبان جاوب باميز النظم نبهان
كل يحذف الطيب وجهة عميله
حبيت اشارك بالنظم والله طربان
يطرب مزاجي في مزارق جميله



مـــــــــــــوفـــــــــــقـــــــيــــن




ياهلا ملايين وصح السانك عددهن وزود
ابدعت واطربت يالحبيب وبجزل المعاني تميزت
لله درك من شعر وحضور كله نور
تستاهل الخير والله يجعل حياتك كله طرب
بانتظارك ياحبيب اهله وخله والجميع
( واسف ع تاخير الرد )

[النبهاني]

و عليكم السلام و رحمة الله و بركاته


صح لسانك ملايين دكتور أبا سالم


يستاهل أبو ذيبان كل خير


صح لسانك يالمبدع


و صح لسانك يا حبيب الجميع



امتعتمونا متعكم الله بالصحة و العافية،،،




ياهلا ويامراحب ملايين بعطرنا الفواح
صح كلك يالغالي وتستاهل الخير ياوجه الخير
الابداع منكم عرفناه ياعطرنا الفواح
الله يمتع بعمرك ويعافيك وبانتظارك يالغلا
( واسف ع تاخير الرد )

[النبهاني]

الله الله الله
يستاهل ابو ذيبان وصح لسانك ملايين ابو سالم
دمت بخير



ابو فيصل يالله حييييييييوه
تستاهل الخير مشرفنا الغالي
وصح كلك يالحبيب
دامت لك العوافي
وبانتظارك يالغلا
( واسف ع تاخير الرد )

[النبهاني]

عليكم السلام ورحمة الله وبركاته
يستاهل ابو ذيبان الاسناد
ماشاء الله
اشكركم علی امتاعنا بطيب حروفكم وصحة السنتكم
حفظكم الله
تحياتي وتقديري واحترامي



طمرناك يانحلة مكشات أفا
اعدانا ابوماجد نسيت اخذ تطعيمه
كلي اسف اختي
وتستاهلين الخير مشرفتنا العزيزه قوافي
صح كلك والله امتعونا الله يمتعهم ويمتعك بالعافيه
كل الشكر نحلة مكشات

[النبهاني]

عليكم السلام ورحمة الله وبركاته


صح السانك يابو سالم
وبيض الله وجهك على هالابدااااع


ومنهل الابدااااع يستاااهل العلم الغانم
لغز محبوك حبكة معلم



مرور إشادة وتقدير وجاري التفكير




ابوفايز يالله حيييييييييييييييييييو علومك يالغلا عسى كل شي زين
وصح كلك يالغالي
منكم نتعلم الحبك والله يسلمك
وجهك ابيض وسلمت على هالحضور اللي كله نور
بانتظارك بعد ماتشرفنا بمرورك

[النبهاني]

وعليكم السلام ورحمة الله وبركاته


سلمت يالغالي


وصح لسانك


وماشاءالله عليك


أبدعت ثم أبدعت


وغالي ومسند على غالي


ومجاراة عذبة من الغالي أبوذيبان وأبوأحمد


بيض الله وجيهكم جميع


محاولة


سَيّارة


السَّيَّارَة : مَرْكَبَةٌ آلِيَّةٌ تَسيرُ بِمُحَرِّكٍ مُحْرِقٍ لِلْبِنْزينِ تُستَخْدَمُ لِلرُّكوبِ والنَّقْلِ


السَّيَّارَةُ : القافِلَةُ يوسف آية 19 ( وَجاءتْ سَيَّارَةٌ فَأَرْسَلُوا وارِدَهُمْ ( قرآن )




هلا مليارات بدكتورنا الغالي
صح كلك ياكل الغلا
على اثركم نمشي دكتورنا ابو علي يامبدع بكل الاحوال
صدقت والله عذبه من الفطاحله
بياض الوجه كاسيك عى الله يخليك
والرمعه مع الاسف
ماصابت يادكتور

[ice.cube]

وعليكم السلام ورحمة الله وبركاته
وصح السانك وبناناك
اخوي النبهاني
ابدعت وامتعت وابدع من جارك في الامتاع

نقول
مملكة النحل
و
مملكة الدبابير


تحيتي وتقديري
ابو سليمان

[قوافي ( أم نهار )]

طمرناك يانحلة مكشات أفا
اعدانا ابوماجد نسيت اخذ تطعيمه
كلي اسف اختي
وتستاهلين الخير مشرفتنا العزيزه قوافي
صح كلك والله امتعونا الله يمتعهم ويمتعك بالعافيه
كل الشكر نحلة مكشات


حياك الله ابو سالم

ماحصل إلا خير حفظك الله وبارك بك ..

تحياتي وتقديري واحترامي لشخصك الكريم

[راعي الويله]

صح لسانك ي النبهاني

ويستاهل اخوي ابو ذيبان

ابيات جزله

ولاهنتم

[ابوذيبان]

يرفع للامام

تستاهلون الطيب يالغالين . رفع الله قدركم

المحب

0

[يمكن شاعر]

لاهنت ي الغالي وصح لسااانك ملاييين ويستاهل ابو ذيبان الجزلات
محاوله
مخضة اللبن القديمه تجي حديد ولها مساكات ممكن هن القرون والاذان

وسطها هز مرادف هز خض
في اوله بانسان وحيوان مخ

[النبهاني]

وعليكم السلام ورحمة الله وبركاته

وصح السانك وبناناك
اخوي النبهاني
ابدعت وامتعت وابدع من جارك في الامتاع


نقول
مملكة النحل
و
مملكة الدبابير



تحيتي وتقديري

ابو سليمان




هلا وغلا ابو سليمان
وصح كلك
صدقت ابدعوا وزاد ابداعهم مرورك
والرمعه مع الاسف ماصابت

[النبهاني]

حياك الله ابو سالم

ماحصل إلا خير حفظك الله وبارك بك ..


تحياتي وتقديري واحترامي لشخصك الكريم[/CENTER]






الله يحييك ويسلمك اخيه
ولا هنتي يانحلة مكشات

[النبهاني]

صح لسانك ي النبهاني

ويستاهل اخوي ابو ذيبان

ابيات جزله

ولاهنتم


صح كلك اخوي الغالي
وتستاهل الخير ياوجه الخير
شاكرمرورك الكريم

[النبهاني]

يرفع للامام

تستاهلون الطيب يالغالين . رفع الله قدركم

المحب

0



الله يرفع قدرك زود يالامعط
وتستاهل الخير يامنبع الطيب ياوجه الخير
احبك الله وحفظك

[النبهاني]

لاهنت ي الغالي وصح لسااانك ملاييين ويستاهل ابو ذيبان الجزلات
محاوله
مخضة اللبن القديمه تجي حديد ولها مساكات ممكن هن القرون والاذان

وسطها هز مرادف هز خض
في اوله بانسان وحيوان مخ



هلا وغلا اخوي اكيد شاعر
وصح كلك لاهنت
وتستاهل الخير ياوجه الخير
ماصابت يالغالي
والقصد من الهز انه متحرك
( في اوله بانسان وحيوان مخ ) هالجزئيه حلوه بس غيره ولاتبعد

[ناصر العلي]

سلمت يالغالي

نمشي على خُطا أخونا الخالدي

مخرطة

[النبهاني]

هلا وغلا دكتورنا
ماصابت يابو علي
وتراي يوم اقول غيره اعني مخ وقلت لاتبعد

[يمكن شاعر]

لاهنت ي الغالي
محاوله اخرى
الراسمه نوع من الات الطباعه
راس بالانسان والحيوان والجبل

[النبهاني]

لاهنت ي الغالي
محاوله اخرى
الراسمه نوع من الات الطباعه
راس بالانسان والحيوان والجبل



ولا تهون يالغالي
ماصبت
ونحاول نزيد بيت للحصر

[النبهاني]

اضافة بيت للحصر

بلغ سلامي يامن تعلا الافاق بجنحان = للعديم اللي حط عوالي نجد مداهيله
الامعط الذرب الذيب ابو الذيب ذيبان = عواه فوق روس المشاريف ماهن نثيله
قنيبه جزل القصيد يجيك بعذب الالحان = تعرفه منهل ابداع لشفت نقضه وفتيله
ما اوفيه حق لو استرسل بطاريه طربان = واخاف انسى الوصيه عسى ماهي ثقيله
هي منشدي بعد السلام للي بالاسم سيان = بنتين تسامن والكل بيّنت بالتالي دليله
هذي له مشيه عدال وبه قرون واذان = جل الملا نظرتهم صوبها نظره جليله
ذي مشيه عوج تنكس تباري جرته بتقان = يدخل به وتدخل بس لازم نفس الفصيله
الاسم وسطه يهز ولولا الهز ما زان = واوله بأنس وحيوان وبالجبال مثيله
هذي كريمه عالية قدر رفيعة شان = ذي ماهي حولها للوصل قاصره وطويله

[ابو ماجد 2]

ابو سالم
ماشاء الله تبارك الله
قلنا شاعر غير متفرغ وهاللغز اثبات لكلامي
صح لسانك ملايين
غالي واسندت على غالي ويستاهل
مع الاسف هاللغز مدري وش اللي خلاني مااطلع عليه الا هالساعه
مرور اشاده والرمعه تبي راس مصحصح
لعل الله يسوقرمعته

[عبدالمؤمن]

صح لسانك ابوسالم
ماشاء الله ابداع
ابوذيبان كفو ويستاهل
عند رمعه ماكتملت براسي وحبيت اطرحها قبل النوم
راسماليه
وسلامتك

[ابو ما بغى]

السلام عليكم ورحمة الله وبركاته
صباح ومساء الخير يابوسالم وكل اخواني
صح لسانك وكلك يالغالي
محاوله - جنبيه
موفق

[النبهاني]

ابو سالم

ماشاء الله تبارك الله
قلنا شاعر غير متفرغ وهاللغز اثبات لكلامي
صح لسانك ملايين
غالي واسندت على غالي ويستاهل
مع الاسف هاللغز مدري وش اللي خلاني مااطلع عليه الا هالساعه
مرور اشاده والرمعه تبي راس مصحصح
لعل الله يسوقرمعته




هلا وغلا بالزعيم وصح كلك يالقدوه
وانت غالي وتستاهل الخير
اللغز دون هامة الزعيم ما شاء الله
وتلميذك بانتظارك

[النبهاني]

صح لسانك ابوسالم

ماشاء الله ابداع
ابوذيبان كفو ويستاهل
عند رمعه ماكتملت براسي وحبيت اطرحها قبل النوم
راسماليه

وسلامتك




هلا وغلا باخوي عبدالمؤمن
صح كلك والابداع حضورك
ماصابت يالغالي
نبي غيره اللي كالعاده ذباحه

[النبهاني]

السلام عليكم ورحمة الله وبركاته
صباح ومساء الخير يابوسالم وكل اخواني
صح لسانك وكلك يالغالي
محاوله - جنبيه
موفق


هلا وغلا بحبيب الكل
وصح كلك اخوي
الله يسعد اوقاتك يالغالي
ماصابت يالحبيب
بانتظار رمعه تنهيه

[النبهاني]

اخوي الخالدي اكيد شاعر رمعته اعجبتني اللي هي مخضه طبعا كاتحليل
وقال اوله مخ ورديت عليه حلوه بس غيره ولا تبعد واقول بعد خله حرفين
مثل مخ بالانسان والحيوان
عاد يبقى حرف بسيط . يجي
يالله قولوبه

[ناصر العلي]

سلمت يالغالي

ماتصير

سنبلة

السُّنْبُلةُ : واحدةُ السُّنْبُل ، جزء في النَّبات يتكوّن فيه الحَبّ سُنْبُلة قمح / شعير { فَمَا حَصَدْتُمْ فَذَرُوهُ فِي سُنْبُلِهِ إلاَّ قَلِيلاً مِمَّا تَأْكُلُونَ }
السُّنْبُلةُ : اسم آخر لبرج العذراء

[النبهاني]

سلمت يالغالي


ماتصير


سنبلة


السُّنْبُلةُ : واحدةُ السُّنْبُل ، جزء في النَّبات يتكوّن فيه الحَبّ سُنْبُلة قمح / شعير { فَمَا حَصَدْتُمْ فَذَرُوهُ فِي سُنْبُلِهِ إلاَّ قَلِيلاً مِمَّا تَأْكُلُونَ }


السُّنْبُلةُ : اسم آخر لبرج العذراء



( أسف يالربع على التاخير لسوء الاتصال عندي هاليومين )
تسلم يا اغلا دكتور
ياليتك اخذت هالرمعه وطبقته على هالكلام اللي بالمشاركه اللي قبلك
كان انهيته يابوعلي وريحتنا منه بس اعرف رمعاتك وهالرمعه من اللي
تصفقه وتمشي وهالصفقه جابت تقريبا ثلثين الحل ويمكن كل الحل
وسيبين بالنهايه
دكتورنا حلله لايحرج واللي يجي لك شريك

[ابو ما بغى]

السلام عليكم ورحمة الله
صباح الخير ابو سالم
ويالله حيه
على خطى ابو علي الله يرعاك ويرعاه
سنه - سنة الرسول صلى الله عليه وسلم
سنه - العام من الوقت
موفق

[النبهاني]

السلام عليكم ورحمة الله
صباح الخير ابو سالم
ويالله حيه
على خطى ابو علي الله يرعاك ويرعاه
سنه - سنة الرسول صلى الله عليه وسلم
سنه - العام من الوقت
موفق



عليكم السلام والرحمه
الله يسعد جميع اوقاتك
يالحبيب جبت وحده باقي الاخرى
وسنه عام ماهي مطابقه باللفظ مع السنه النبويه (السنّه ) النون مشدده
عجل جب الثانيه وخلك لبو علي شريك

[ابو ما بغى]

دكتورنا المتفرغ - الله يسعد ايام يالغالي
مافيه الا سنة التسنين الماصورة او مسمار برم
موفق

[النبهاني]

السلام عليكم ورحمة الله
صباح الخير ابو سالم
ويالله حيه
على خطى ابو علي الله يرعاك ويرعاه
سنه - سنة الرسول صلى الله عليه وسلم
سنه - العام من الوقت
موفق


دكتورنا المتفرغ - الله يسعد ايام يالغالي
مافيه الا سنة التسنين الماصورة او مسمار برم
موفق



اللهم صلي على محمد
كفوووووووووووووووووووووووووووووووووووووووووووووووو و
ثم كفوووووووووووووووووووووووووووووووووووووو
هم كفووووووووووووووووووووووو
ابو علي
حبيب اهله وخله
نعم يالحبيب
سنّه
السنه النبويه وسنة التسنين
السنه النبويه بها 14 قرن ويقال كل قرن ياتي مجدد لها
وبها اذان الاذان للصلاة فهو سنه ومشيها اعتدال فهي المحجة البيضاء
والسنه للتسنين مشيها دائري وترجع تباري جرته
اوله سن بالانسان والحيوان وفيه جبال تسمى ببوسنون
الوسط يهز اقصد متحرك بشده
ابو علي جاب حرفين وهن ثلثين الحل فلم يبقى الا الها علما بانه اتى بالحل
لو قلنا سنّبله
بيض الله وجهيكم جميع
وشكرا جزيلا لكم ولكل من شارك

[ابو ما بغى]

يصج لسانك وكفوك الطيب كله اخوي النبهاني
والله يبو سالم اثرك كله طيب
جمعتني بمجاراتك انت والمنهل في اول اللغز
ثم جمعتني بالحل مع العالي الغالي ابو علي
تستاهلون الطيب كاله يالغلاه شروى اخواني
وشكراً جزيلاً - الله يوفقك يابو سالم
موفقين

[عيد القضيب]

تحية مني لكم شيب ن وولدان بقلبي لكم مكانة جليله
عز الله انكم اهل واخوان بينكم الكل يسعد زميله
انتم ربعنا وكلكم خلان الاذن تطرب للابيات الجزيله
يمر خيمتكم من كان عطشان يرتوي مابين في وخميله