المساعد الشخصي الرقمي

مشاهدة النسخة كاملة : كيف تعرف الحطب الزين؟


قناص مطور
15/12/2006, 11:08 AM
السلام عليكم
أذا اردت انك تعرف الحطب الزين يعني يابس (مهوب رطب) يصلح لشبة النار اتبع الاتي:
حاول تاخذ جزء من قشر الحطب الخارجي ، وإذا انكسر بيدك فهو والله أعلم يابس وإذا كان يتمشع معك ولا يخرج اللحاء بسهوله فهو رطب ..
وفائدة ثانية الحطب المشلّق أفضل بكثير وبدون دخان من الأعواد الكاملة المستديرة لأنها تبعث بأنواع الدخان وعدم الولعة بسرعة ..
بالنسبة لي انا أستخدم مكعبات التوليع أفضل من الدافور

وهنا رأي أخر:
إذا شفت الحطب ناخره الدود فهو يابس .. يعني تشوف به خروق تقل مضروب بشوزن ويطلع منهن مثل البودرة == وعلى مسؤليتي == .. إن شريته ولا صلح لك رجعه لي .. بس بشرط ما يصير جايه ماء من وقت قريب ..
..
والي عنده رأيه يحطه بهالموضوع لتعم الفائدة



http://www.mekshat.com/pix/upload/sign/images/mk40359.gif


الشكر لاخونا صقر على التوقيع
ابـ معزي ـو
15/12/2006, 02:02 PM
الله يعطيك العافيه على هالمعلومات

تحياتي
عجمي
15/12/2006, 02:07 PM
الله يعطيك العافيه على هالمعلومات


لكن المشكلة بالغش بأنواع الحطب يعني يجيب سلم والا طلح ويحط عودين سمر معة ويقول هذا سمر 100 /100

الا من رحم ربي ...وليت المسألة واقفة على رطب والايابس

ومشكور مرة ثانية على الموضوع

اخوك عجمي
ابو مشعل2
15/12/2006, 04:21 PM
الله يعطيك العافية
قناص مطور
15/12/2006, 07:34 PM
الله يعطيك العافيه على هالمعلومات


لكن المشكلة بالغش بأنواع الحطب يعني يجيب سلم والا طلح ويحط عودين سمر معة ويقول هذا سمر 100 /100

الا من رحم ربي ...وليت المسألة واقفة على رطب والايابس

ومشكور مرة ثانية على الموضوع

اخوك عجمي
اخوي هذي واقفه على خبرتك بلحطب
لازم تعرف الحطب عود عود
ومشكور على المرور ياخوي انت واخونا ابو مشعل 2
ولد عبدالله
16/12/2006, 01:35 AM
طيب خذ هالطريقه عندك

ولع بالولاعه على طرف العود اذا دخن اشتره دايركت
واذا مافكر يدخن
اتركه لراعيه
أبو عابد1
16/12/2006, 01:51 AM
ما شاء الله عليك

بارك الله فيك

معلومات مفيدة
هلال المطيري
16/12/2006, 02:01 AM
مشكور أخوي على المعلومه الطيبه تفيد ونستفيد
العشة
16/12/2006, 02:09 AM
طيب وش رايكم بالحطب اللي يجي دقاق شوي موب جذوع

موب احسن لشبه بالبيوت علشان ماادخن الضو وتصير الشبة بوقت قصير لان الجذوع ادخن وصعبة شبته
ويبي له ليله كامله شابه ..

نبي رايكم .
ثلاجة
16/12/2006, 02:59 AM
شكرا على الموضوع وانا استفدة ولاكن ماشتريت لان حوالي خمس محلات الي مريت اخذ منها حطب مالقيت الا حطب اخضر وفي طريقة / خذ حصاة وارمي بها العود اذا بنط بقوة تراهـ اخضر
ناعم
16/12/2006, 03:30 AM
السلام عليكم

شكرا يا عمي قناص على النصيحه بس انا افضل حقيقه المكيف على الحار والدفايه
قناص مطور
16/12/2006, 10:33 AM
اشكركم اخواني ولدعبدالله وكعبول والعشه
والهوياني وثلاجة وناعم
على مروركم الكريم اللي يشرفني
اخوكم /قناص مطور
S T A R
16/12/2006, 01:14 PM
الله يعافيك قناص ....

المشكلة الحين ماراح تلقى حطب يابس مع هالامطار يالله لك الحمد ... اذكر اني راحت ثبل اسبوعين ابشرى حطب عجزت القى حطب يابس ... وراعى المحل يقول انه الحطب رويان من الامطار اللى جت ....

عموما اذا سلمت من الرطب او اليابس ماراح تسلم من الغش في الحطب ....

يمال العافية اخوي ....
قناص مطور
17/12/2006, 11:11 AM
اخوي stat

لابد ان كل شخص يحب الكشتات
انه يكون معه فلبيت حطب مهوب واجد
حق الغد والقهوة والشاهي لان ممكن في اي وقت
تكشت مثلا : الديره بعيده ولاتعرف احد فيها
ومشيت في الليل
وقد صارت معي شخصيا
عشانا
18/12/2006, 09:59 AM
من مميزات السمر الاصلي الثقل وهي من علامات السمر الاصلي
عليك بالحطب الذي يميل للشهابة
من مقطع الحطب نعرف هو يابس والى رطب
عليك باخذ الحطب من داخل المحل وليس المعروض في الشارع لان اصحاب المحلات يعرضون الردي حتى يتخلصون منه والحطب الطيب يحتفضون به في الداخل
حاول دائما اخذ الحطب المتين (الجبر) لانه يبقى اكثر اشتعالا
احرص على ان تاخذ الحطب من محل واحد لانه سوف يعطيك الحطب الطيب
اذا كان لديك محل فاحرص على شراء الحطب في الصيف وقم بتخزينه لديك (في الصيف يكون الحطب ارخص من الشتاء)
محتار
18/12/2006, 12:29 PM
شكرا على النصائح بس انا اقول اشتر حطب بالصيف وخزنة للشتاء في مكان مشمس واحذر من المطر
ابوفهد5599
18/12/2006, 12:44 PM
يعرف السمر من شكله 0 واللي مايعرف وبيشتري حطب يسال جاره او صديقه او نسيبه 0:good: :no:
طير شلوا
18/12/2006, 01:02 PM
والله الحطب مشكلته مشكله كثرة الانواع وكثر الغش صار يحير ولكن مشكورين على هالنصايح وانشاء الله نستفيد منها
السنع كله
18/12/2006, 05:10 PM
من وزن العود او الخشبه تعرف هو سمر اوغيره حتى من صوته لما تضربه بغيره له صوت يدوي وكانك تضري بقطعة حجر ايضا شكل القشره السمر تعطيك لون ببياض اكثر وسمار من الداخل اقل واي حزمه اثقل ترى السمر فيها اكثر
الصقعي
18/12/2006, 05:22 PM
السمر الطيب 1 ثقل 2 قلبة غامق ويكون يميل للحمار الكاتم 3 اذاجمر يكون الرماد أبيض مثل البن وتكون الجمرة حمرا ولايغثك وسلامتكم
قناص مطور
19/12/2006, 12:27 PM
اخواني
عشانا
محتار
ابوفهد5599
طير شلوا
السنع كله
الصقعي
شاكر لمروركم اللي يشرفني
kaso
19/12/2006, 12:48 PM
أنا ما فلحت بالجح افلح بالحطب ولاكني متخذ المثل القائل يدلك على السلع اثمانها
كل ما كان غالي يعني انه زين
الله يعطيك العافيه على هالمعلومه الحلوه
دار الهوى
19/12/2006, 12:53 PM
السلام عليكم حبيت اشارك في الموضوع وتري سمر المدينة افضل من سمر الجنوب لان سمر المدينة يكون اقسي واقوى من سمر الجنوب
الكونترولCONTROL
19/12/2006, 01:03 PM
موضوع ذو صلة ....
http://www.mekshat.com/vb/showthread.php?t=66911
مكتشف الهوات
06/12/2011, 12:45 AM
شكرا لك على طرحك للموضوع
علي الشهري
06/12/2011, 08:41 AM
موضوع جميل ومهم لكل من يستخدم الحطب


بالنسبة لعلامة الحطب اليابس:
1- ثقل العود لأن الخفيف رديء
2- قشره مفكك وسهل النزع لأن القشر الملتصق بقوة علامة -غالباً- على اخضرار العود.
3-وجود النخر -البسيط - في العود علامة على قدمه ويباسته، لكنه سلبي من ناحية أخرى لأن هذه النخور تسبب كثرة الدخان.


ومثل ما ذكر الإخوة
إن وفقت بالعود اليابس فقد تخدع في نوعه


شكراً لك أخي الكريم على طرح هذا الموضوع