حرارة فتك 2002

[تبوك فهد]

عندي باترةل فتك 2002 حرارته تطلع فوق الربع طبعا البلف موجود.
غيرت تماتيك المروحه ولا فادت غيرت راديتر جديد وبرضه فيه حراره واحترت الحقيقه
ماني عارف وين المشكله ماكانت موجوده
لدرجة اني فكرت اشيل بلف الحرارة
افيدوني ياهل الخبره

[م س س]

اذا ما فيها تشعير من راس المكينة غالباً يكون من بلف الحرارة غيره جديد اصلي وتفقد سسته غطاء الرديتر القطع اللي غيرتها على الفاضي التماتيك والرديتر لا ترميه الظاهر كلها صلحانه وماء الرديتر حط الأصلي اذا كان مخفف سلفاً من المصنع لا تخلطه بمويه اذا خلص الأول حط الثاني من نفس ماء الرديتر المخفف سلفاً حتى يمتلأ وتفقد الماء بعد 5 كيلو اذا فيه نقص زوده وعاير قربة الرديتر اذا مكتوب عليها كولد وهوت عايرها على كولد والسيارة باردة اذا وصلت الحرارة للربع بترتفع من نفسها للهوت اذا حاطين عليها علامة F عني فل وعلامة L يعني ان الماء في هذا المستوى ناقص خل الموية بين العلامتين في المنتصف والسيارة باردة . بالتوفيق لك .

[أبو الوليد 14]

سو غسيل لمجاري الماء بالجهاز....لان احتمال كبير ان المجاري متسددة من الوسخ
غير الغطيان اصلي
غير البلف اصلي
ركب موية اصلي والافضل تويوتا احمر يجي مخلوط جاهز
شيك على مراوح المكيف الثنيتن الامامية

لكن قبل هذا كله الحرارة كم توصل عندك ؟؟ وهل تستمر بالارتفاع ولا إلى حدي معين وتثبت ؟؟
تاكد ان ماء الراديتر غير ناقص

بالتوفيق

[يالبى الهلا]

الحرارة اذا ثابتة طبيعية اهم شئ لاترتفع وبمجرد مسك خراطيش الماء تعرف هل هي طبيعية ولا صناعية
شيك علي عداد الحرارة

[فتك08]

اذا البلف مبطي ماغيرته فغيره لانه يضعف و يقل اداءه مع الوقت
و البلف له وضعية تركيب خاصة يوجد به فتحة صغيرة بها حديدة لغرض التنسيم
لدائرة الماء ضروري تكون في الاعلى و تطبق الكوع بسلكون
و تاكد من دائرة الماء كاملة لايكون بها تهريب حتى لو خفيف لانه بهالحالة بيكسب
هواء و بترتفع الحرارة و يبيلك تشيك عليها بنفسك بيدك و بعيونك و استخدم الكشاف
و ركز على الليات الصغيرة.......
غطا الاديتر سادة بدون صمام و تاكد انه سليم و جديد و اصلي لانه اذا اهترت جلدته يبخر الما
و غطاء القربة بصمام و يحمل رقم 88kpa
مراوح المكيف الامامية عددها2 تاكد انها تشتغل اذا ارتفعت الحرارة
طرمبة الموية تاكد انها سليمة ماتهرب ماء
الموية لاتكون مركزة لانها تسبب حرارة...المركزة تخفف بالمقطر
و اذا كانت الموية مخلوطة و مخففة مسبقا فمايحتاج تخففها بالمقطر
اذا كل هذا سليم فاحتمال دبة البيئة مسكرة من الكربون و تسبب حرارة

[تبوك فهد]

وش تطلع دبة البيئه اول مره اسمع فيها يمكن شئ اعرفه بس له اسم عندكم

[ابوسند9]

وعليكم السلام
اخوي فهد تقدر تضع لنا صورة للحراره
لان البعض بمجرد ما الحراره تتعداء الربع بشعره يقول السياره تحتمي
والبلف انتبة تفكه
الشي الاخر انت شيكت على طرمبة المويه ؟ ممكن عندك الريش متئاكله مع الوقت وبكذا ما تدفع المويه
اما دبة البيئه اسفل السائق يوجد دبه صغيره هذي فيها مادة زي الجبس على شكل خلية نحل لمنع انبثاق الكربون احينا مع الوقت تسكر وتمنع خروج الهواء ,, فا انت فكها وعلى ضوء الشمس شوف هل هي متسكره ام لا

[salih100]

انت الحين رحت بديت باغلا القطع واثقلها

ابداء بالاسهل
تأكد من جميع الخراطيش عندك انه لا يوجد فيها تنسيم
غير غطى الرديتر ب35 ريال
غير البلف وانا متاكد انه البلف
بعدين ابداء في العميق تماتيك ورديتر

كيف تفحص طرمبة الماء **** افتح غطاء الرديتر والسياره بارده وخلي واحد يدوس على السياره اذا شفت الماء يدور او ينقز من الغطاء فاعلم انها ممتازه