ياويش حيٍ بالاسم نال الاعجاب .ّ.ّ...الحل...العاذر...حله...عليق بري...كفو

[ابوذيبان]

السلام عليكم .. ومساءكم جميل

اليكم الجديد ..

حقيقة ...

لاضاق صدرك والبشر صكوا الباب=عليك بالباب الوحيد المشرّع
اسجد لرب الكون وقت السحر طاب=طاب الدعاء وارتاح قلبٍ تضرّع
يالله ياواحد على كل الارباب=اقبل دعاء من قام ليله وفرّع


لوعة ...

وسلام ياجمعة سلاطين وذياب=وايضا لخوات الطيب يُرسل مسرّع
لقيت في الخيمة دواء قلب منصاب=قلبٍ من اللوعات ياما تجرّع
اصد في لغزي ولو خافقي ذاب=والصدر من شيءٍ يرصه تخرّع
غاب الغضي غاب الغلا والهنا غاب=عزالله انه بالتجافي تسرّع
لا شاب هاجس يردفه هاجسٍ شاب=والشوك وسط العين كنه مزرّع
يامن يوصل شكوتي صوب الاحباب=منهو تزهل به ومنهو تبرّع


اللغز.....

واللغز جاكم ارتفع بالسماء غاب=شاف اللغوز الكايدات المصرّع
ياويش حيٍ بالاسم نال الاعجاب=معنى يغض الطرف لالا تفرّع
الملتجي في اوله واخره جاب=جيشٍ ولا ني واصفه بالمدرّع
وان كان تبغى وصف رايق وجذاب=الاولي يشرب ولايوم كرّع
غثيث مثل الفخ من جربه تاب=شفته مجعد لا وشفته مقرّع

[ابوماريا]

ماشاء الله تبارك الرحمن
صح السانك يابو ذيبان
عزالله انك منهل كل طيب
أبدعت وامتعت
متعك الله بالعافية

أبيات جزله ولغز رائع يحتاج مخمخة
مرور إشادة وإعجاب ولنا عودة إن شاء الله

[ابوذيبان]

ماشاء الله تبارك الرحمن


صح السانك يابو ذيبان
عزالله انك منهل كل طيب
أبدعت وامتعت
متعك الله بالعافية


أبيات جزله ولغز رائع يحتاج مخمخة

مرور إشادة وإعجاب ولنا عودة إن شاء الله


صح قلبك غالينا ـ ابوفايز ـ ولاهنت

ماعليك زود من خاوى الطيبين شرواك طاب وزانت علومه

االابداع والامتاع في مجالسكم .

ومتعك بكل ماتحب يالغالي

الجزالة والروعة بهذا التواصل المبارك

مرورك على الراس واعجابك على الراس والعين

حياك الله في كل وقت يامحب

وياهلاااااااااااا

0

[ابو ما بغى]

وعليكم السلام ورحمة الله وبركاته
الله يرضى عليك مساء وصباح
روحانية - عبودية - امتاع - ابداع - تحليق - هيام - عذوبه - شجن لذيييييييييييييييييييييييييييييييييييذ
هذا من الوقت سكرة - ولنا بعده فكره - ويكون باذن الله ما نردد شكره
موفق

[أبوعبدالرحمن99]

ما شاء الله ،،، إبداع لا ينتهي ،،،
قل لي يا أبا ذيبان من أين تأتي بهذه التراكيب ؟؟؟؟

أغبطك على هذه النعمة ،،، أمتعتنا بهذه الإيقاعات ،،،
تضرّع ،،، تفرّع ،،، مسرّع ،،، و فرّع ،،، مقرّع ،،،


بصراحة أنا أصعب ما يواجهني القافية لندرة المفردات ،،، و تمنيت لو أن هناك برنامج حاسوبي للقافية تعطيه آخر حرفين و يعطيك التراكيب المحتملة ،،، كان يساعدنا شوي ،،،
ما زلت في طور الاستمتاع بترديد الأبيات ،،،
و الرمعة يجيبها الله .

[القناص سالم]

صح لسانك يابوذيبان لغز رائع

وش قولك

الكركديه

[هيل]

السلام عليكم ورحمة الله وبركاته
هلا والله ومرحبا ابومنصور ماهو غريب عليك ألأبداع
ولعبة الشطرنج بالقوافي عذوبه نعومه طراوه سلاسه
مرورأعجاب الله يحميك من مايضرك
هلا ابو فايز هلا ابو عبدالرحمن هلا بالجميع

جاري التفكير
تحياتي

[النبهاني]

الله الله ماشاء الله
صح السانك واعتلا شانك والله يسعدلي مساك
وعزالله اني كرعت ولا ارتويت ولو نرتوي كان ارتحنا وليت اللي شبكنا مع الابداع يخلصنا
انا والشعر اللي كابداعك مثل ابن آدم والطمع
مرور اشاده واستمتاع
والرمعه يعقله الله

[صقر السديرات]

الله الله الله
كم أنت رائع
صح لسانك مليارات
درر نثرتها فزينت سماء الخيمة
دمت نحما لامعا

[ابوذيبان]

وعليكم السلام ورحمة الله وبركاته
الله يرضى عليك مساء وصباح
روحانية - عبودية - امتاع - ابداع - تحليق - هيام - عذوبه - شجن لذيييييييييييييييييييييييييييييييييييذ
هذا من الوقت سكرة - ولنا بعده فكره - ويكون باذن الله ما نردد شكره
موفق

ويرضى عليك ويحفظك يالغالي

جعلك تستلذ بكل نعيم ..;)

كنها طولة السكرة ههههههه:p

جمال حضورك . زاد من جمال المتصفح .. :good2:

وياهلاااااااااااااااااااا

0

[ابوذيبان]

ما شاء الله ،،، إبداع لا ينتهي ،،،
قل لي يا أبا ذيبان من أين تأتي بهذه التراكيب ؟؟؟؟


أغبطك على هذه النعمة ،،، أمتعتنا بهذه الإيقاعات ،،،
تضرّع ،،، تفرّع ،،، مسرّع ،،، و فرّع ،،، مقرّع ،،،



بصراحة أنا أصعب ما يواجهني القافية لندرة المفردات ،،، و تمنيت لو أن هناك برنامج حاسوبي للقافية تعطيه آخر حرفين و يعطيك التراكيب المحتملة ،،، كان يساعدنا شوي ،،،
ما زلت في طور الاستمتاع بترديد الأبيات ،،،
و الرمعة يجيبها الله .




متعك الله بكل جميل ـ مشرفنا الغالي . ابوعبدالرحمن

فيك الخير والبركة . ولاعليك زود . ماشاء الله

عندما يستشعر المتذوق مشد الابيات وايقاع القافية . يبحر في الخيال

والجمال . ويطلب المزيد . . قلت المتذوق .ّ!!


لكن عندما يندمج الشاعر مثلك مع الابيات . يعيش جو الطرب بكل معنى

فتتحرك لديه الفطرة الشعرية . ثم يتحفنا بالجديد . وهذا المطلوب...;)

استمتاعك بالابيات غاية وهدف . وشرف لكاتبها .

لاهنت ولاهان غاليك

وياهلااااااااااااااااااا

0

[ابوذيبان]

صح لسانك يابوذيبان لغز رائع

وش قولك

الكركديه

صح قلبك غالينا ـ القناص سالم ولاهنت

الروعة حضورك الجميل

وارفع لك العقال تقديرا . لفتح باب الرمعات ـ بيض الله وجهك

وانتظر القاتلة

وياهلاااااااااااااااا

0

[ناصر العلي]

وعليكم السلام ورحمة الله وبركاته

سلمت يالغالي

وصح لسانك

وبيض الله وجهك على هالدر المنثور

لاضاق صدرك والبشر صكوا البابhttp://mekshat.com/vb/clear.gif http://mekshat.com/vb/clear.gif........................عليك بالباب الوحيد المشرّع

ياجمالك

بيت يخط بماء الذهب



يامن يوصل شكوتي صوب الاحبابhttp://mekshat.com/vb/clear.gif .......................http://mekshat.com/vb/clear.gifمنهو تزهل به ومنهو تبرّع




أنا يالغالي

أتزهل وأصير لك مطراش;)

دلني الدرب

وأزهل الباقي

تحياتي ياملك

[ابوذيبان]

السلام عليكم ورحمة الله وبركاته

هلا والله ومرحبا ابومنصور ماهو غريب عليك ألأبداع
ولعبة الشطرنج بالقوافي عذوبه نعومه طراوه سلاسه
مرورأعجاب الله يحميك من مايضرك
هلا ابو فايز هلا ابو عبدالرحمن هلا بالجميع


جاري التفكير
تحياتي


وعليكم السلام ورحمة الله وبركاته

هلابك اكثر يالغالي ـ ابوعبدالله .

ومرحبا هيل عد السيل

لعبة القوافي فنك يالغالي

لكن النعومة والسلاسة والعذوبة والطراوة مايقولها الا

من كان قلبه ربيع مخضر ومتلوع شرواك .......;)

اعجابك على الراس ـ ويحفظك ويسلمك

وحياك الله في كل وقت

وياهلاااااااااااااا

0

[ابوذيبان]

الله الله ماشاء الله



صح السانك واعتلا شانك والله يسعدلي مساك
وعزالله اني كرعت ولا ارتويت ولو نرتوي كان ارتحنا وليت اللي شبكنا مع الابداع يخلصنا
انا والشعر اللي كابداعك مثل ابن آدم والطمع
مرور اشاده واستمتاع


والرمعه يعقله الله


صح قلبك يالقرم . وغالينا ـ د/النبهاني ولاهنت

ويسعد قلبك يالحبيب

بالعافية على قلبك وذوقك وابشر بالزود . . . ;)

اما ليت اللي شبكنا يخلصنا ـ اول خلصوني من غلاكم . ان استطعتوا ..:good2:

ابشر بالخير . والطمع في معرفة شرواكم ......:)

مرورك على الراس واشادتك على الراس والعين

واستمتاعك غاية المنى .......;)

متعك الله بكل نعيم

وحياك الله في كل وقت

وياهلااااااااااااااااا

0

[ابوذيبان]

الله الله الله
كم أنت رائع
صح لسانك مليارات
درر نثرتها فزينت سماء الخيمة
دمت نحما لامعا

صح قلبك غالينا ومشرفنا ـ ابوفيصل ـ صقر السديرات ولاهنت

الاروع تواجدك هنا يالحبيب

جمال الخيمة بهذه النخبة العالية والغالية

والدرر انت جالبها وراعيها . . ;)

دامت لك السعادة والتوفيق

وياهلاااااااااااااااا

0

[ابوذيبان]

وعليكم السلام ورحمة الله وبركاته




سلمت يالغالي


سلمك الله من كل شر يامعالي الدكتور/ناصر العلي




وصح لسانك


وصح قلبك وكلك يالغلاااااااا




وبيض الله وجهك على هالدر المنثور


وجهك ابيض دوم ودوم



لاضاق صدرك والبشر صكوا البابhttp://mekshat.com/vb/clear.gif http://mekshat.com/vb/clear.gif........................عليك بالباب الوحيد المشرّع



ياجمالك



بيت يخط بماء الذهب


الجمال جمال روحك يالحبيب
وحضورك ذهب خالص .;)




يامن يوصل شكوتي صوب الاحبابhttp://mekshat.com/vb/clear.gif .......................http://mekshat.com/vb/clear.gifمنهو تزهل به ومنهو تبرّع





أنا يالغالي


انت الخير والبركة . جعل عمرك طويل



أتزهل وأصير لك مطراش;)


على راسي يابعد راسي والله وكفو
تقول وتطول يابوعلي لاخليت منك
اذا تواجهنا على خير برسم لك على الرمل :)
طبعا على شكل لغز وانت تبارك الله راعي فراسة..:good:



دلني الدرب



وأزهل الباقي
والله كفووو يالكفووو
وش رأيك نرسل النبهاني كوده ينـمسك ؟..:p




تحياتي ياملك



الملك من تربع في القلوب مثلك . زادك الله من فضله . تبارك الله

الرد بالاحمر داخل الاقتباس:good2:

تجمل هذا المتصفح بمرورك نخبة غالية على القلب

حياك الله يالغلاااااااااااااا

وياهلاااااااااااا

0

[ابو ما بغى]

السلام عليكم ورحمة الله وبركاته
استلم لا عدمت راسك :p الله يطربك كم اطربتنا

اهلا هلا يامن سلب لب والباب
من زار خيمتنا بعقله تبرع
ياحاطب قلبه وغيره تحطاب
اللي جعل غيره بسكره تصرع
من نار حرك ذاب صبر العنى ذاب
نقض جروح اللي بثقله تدرع
عزالله اني من سبايبك مرقاب
صرت اتحرى كل يوم اتضرع
يالواحد المعبود يالله طلاب
ترزق ابو ذيبان نظم مسرع
عله يرش الكبد بعلوم الاحباب
اللي لهم في القلب ريف مزرع
واللي تحرى نظمي اجيه محضاب
يلقى صدى صوته لذيذ يجرع
وانا اتبرع والله لبذل لك اسباب
وورد المشتاق ما اشتاق يكرع
ازهل وانا عباد حاضر لمن غاب
ذاك الردي باللوم راسه يقرع
يا عود ياللي تارد الطيب مشراب
ياشوق منهو باسود الليل فرع
اسند وانا عينيك يفداك من خاب
هاب المساري من ظلامه تخرع

ارجو قبول مدتي المتواضعة امام بحركم المتلاطم
واعتذر عن جرأتي عليك في كل مرة ;)
ولكن من يصبر وانت :good2:
مـــوفــــق

[ناصر العلي]

سلمت يالغالي

والله يعجل بالجمعة

والنبهاني مايصلح نرسله شف غيره

اللي طاحت الخيمة منه....كبر قريح....ولا درى

محاولة

الغضنفر

أو

حيوان

المدرع

المدر,,,,سكن

مد....القلم...يشرب الحبر ولا عمره كرّع

[ابوذيبان]

السلام عليكم ورحمة الله وبركاته
استلم لا عدمت راسك :p الله يطربك كم اطربتنا

اهلا هلا يامن سلب لب والباب
من زار خيمتنا بعقله تبرع
ياحاطب قلبه وغيره تحطاب
اللي جعل غيره بسكره تصرع
من نار حرك ذاب صبر العنى ذاب
نقض جروح اللي بثقله تدرع
عزالله اني من سبايبك مرقاب
صرت اتحرى كل يوم اتضرع
يالواحد المعبود يالله طلاب
ترزق ابو ذيبان نظم مسرع
عله يرش الكبد بعلوم الاحباب
اللي لهم في القلب ريف مزرع
واللي تحرى نظمي اجيه محضاب
يلقى صدى صوته لذيذ يجرع
وانا اتبرع والله لبذل لك اسباب
وورد المشتاق ما اشتاق يكرع
ازهل وانا عباد حاضر لمن غاب
ذاك الردي باللوم راسه يقرع
يا عود ياللي تارد الطيب مشراب
ياشوق منهو باسود الليل فرع
اسند وانا عينيك يفداك من خاب
هاب المساري من ظلامه تخرع

ارجو قبول مدتي المتواضعة امام بحركم المتلاطم
واعتذر عن جرأتي عليك في كل مرة ;)
ولكن من يصبر وانت :good2:
مـــوفــــق

الله الله الله الله الله الله الله الله الله

الله الله الله الله الله

الله الله الله

الله

صح قلبك وكل كيانك يالغالي مليار في مليار

ابدااااااااااااااااااع وامتااااااااااااع حتى النخااااااع

والله كفو . تقول وتطول لاخليت منك يالحبيب

يفداك اللاش واللي مافيه عراش يالقرم

عز الله ماقصرت وبيض الله وجهك

وتمون على المتصفح وراعيه . وهذا الشرف بعينه

لاهنت ولاهان غاليك ومغليك

وياهلاااااااااااااااااااااااااااااا

0
مثلك غدير الطيب الى طافحه راب=يشوش راسه ماتعذر تذرّع

...:good2:....:good2:

[ابوذيبان]

سلمت يالغالي




والله يعجل بالجمعة



والنبهاني مايصلح نرسله شف غيره



اللي طاحت الخيمة منه....كبر قريح....ولا درى



محاولة



الغضنفر



أو



حيوان



المدرع



المدر,,,,سكن



مد....القلم...يشرب الحبر ولا عمره كرّع


أمين وامين وامين


هههههههههههه:pهههههههه

ههههههههههه:pههههههههه

يارجال ــ كوده ينمسك <<<:p

اما الخيمة . بصراحة ارتاحت من المطامر :p
ـــــــــــــــــــــــــــــ


يالغالي ، اقصد بقولي

الاولي يشرب ولايوم كرّع

اي للمقصود في اللغز . ( الحل)

لانني قلت . الملتجي في اوله واخره جاب ـــ جيشٍ ولا ني واصفه بالمدرع

لاني هنا فصلت في الاسم . واحببت العودة للاسم في اللغز وقلت الاولي يشرب..الخ

مع مراعاة باقي الرموز الهامة


الف شكر على المحاولة والمجهود الواضح والمبارك

اسلم لنا يالغالي

وانتظر القاتلة

المحب

0

[ابو ما بغى]

السلام عليكم ورحمة الله وبركاته
صباح ومساء الخير يالمنهل
محاوله مدري عن اعتباره حي
كوكب
موفق

[ابوذيبان]

وعليكم السلام ورحمة الله وبركاته

صباحك سعيد يالغالي ـ حبيب الكل

حي حي . مايحتاج .

مازال اللغز يتنفس

اسلم وسلم

0

[ابو ماجد 2]

صح لسانك يامنهل الابداع
رمعه ينقصها التركيز
وهالايام لانملك وقت للتركيز
سلمندر
سلم شجر يشرب ماقيل كرع للشرب
در اي جاب
اوله السلم نوب مورق نوب بلا اوراق وشائك بالاشواك كالفخ

[ناصر العلي]

سلمت يالغالي

نعاود المحاولة

الهامستر

[عيد القضيب]

ممكن يكون الوشم او الكوي تحياتي وشكرا للجميع

[ابوذيبان]

صح لسانك يامنهل الابداع

رمعه ينقصها التركيز
وهالايام لانملك وقت للتركيز
سلمندر
سلم شجر يشرب ماقيل كرع للشرب
در اي جاب
اوله السلم نوب مورق نوب بلا اوراق وشائك بالاشواك كالفخ



صح قلبك يالغالي ـ ابوماجد ولاهنت

الله يعين . مع تحسن الاحوال الجوية اصبح الوقت ضيق

والاغلبية . اهل طلعات وعلوم سفرة شرواكم

..

تفكير رائع . لكن لاتتعمق واجد . فديتك شيباتك ;)

انتظر مطيرة النوم .....;)

وهلااااااااااااااااااااا


0

[ابوذيبان]

سلمت يالغالي




نعاود المحاولة



الهامستر


سلمك الله من الشر يالمعالي

عودتك او كل عودة لك تزيد من جمال المتصفح . ;)

انظر ردي على القدوة .غير مأمور

وياهلااااااااااااااا

0

[ابوذيبان]

ممكن يكون الوشم او الكوي تحياتي وشكرا للجميع

ياهلا بالغالي ـ عيد القضيب

انظر ردي لزعيمنا ـ ابوماجد . فضلا

وياهلااااااااااا

0

[غريب طيبة]

:lr السلام عليكم ورحمة الله وبركاته :lr
:lr شكرا ً لكم على هذا عملكم الرائع :lr
أخوكم الصغير :
محمد بن عبدالله الخضيري
أبو عبدالله
المدينة المنورة
أنتم ضيوفنا إذا قدمتم المدينة المنورة
0598620878

[النبهاني]

طيب يالمنهل الى قلنا بعد مانمسي عليك بالخير
مايصير
لوز هندي
اليك تحليل الدميجه الحليل
اوله لوز لاجيه بالحلق
اخره جاب جيش - الهندي بمعنى كثرة سكان الهند


الخيمه بعناه هي والرحول = حلفت انا ماتنزل من سلته
اسقيه الديزل وكنه يشرب بلول = خله يولي هو مثل قلته

[ابوذيبان]

هلابكم..........

[ابوذيبان]

:lr السلام عليكم ورحمة الله وبركاته :lr
:lr شكرا ً لكم على هذا عملكم الرائع :lr
أخوكم الصغير :
محمد بن عبدالله الخضيري
أبو عبدالله
المدينة المنورة
أنتم ضيوفنا إذا قدمتم المدينة المنورة
0598620878

وعليكم السلام ورحمة الله وبركاته

العفو . والشكر لمرورك الكريم يالغالي ـ ابوعبدالله

مايستغرب الطيب من اهل الطيب

اهل المدينة . على ساكنها افضل الصلاة والتسليم

عساكم على القوة

وياهلاااااااااااااا

0

[ابوذيبان]

طيب يالمنهل الى قلنا بعد مانمسي عليك بالخير



مايصير
لوز هندي
اليك تحليل الدميجه الحليل
اوله لوز لاجيه بالحلق
اخره جاب جيش - الهندي بمعنى كثرة سكان الهند



الخيمه بعناه هي والرحول = حلفت انا ماتنزل من سلته


اسقيه الديزل وكنه يشرب بلول = خله يولي هو مثل قلته

الله يمسيك بكل خير وهناء يالقرم

تحليل عقلية كبيرة وخبيرة . تبارك الله ماشاء الله عليك

وتعمق جميل .

ملتجي . وليس لاجي. ;)

اما تشبيهك بالجيش وكثرة عدد الهند جميل جميل جدااااااااا

لكن ابعد كثييير

ــ

اما الرحول والخيمة . ياخسارة ههههههههههههه

ههههههههههههههههههههههههههههههههه


ــ

وصح قلبك على الابيات يالقرم

وانتظر القاتلة وياهلاااااااااااااااااااااااااااااااااااا

0

[عليق بري]

صح لسانك يا مبدع ..


يمكن : عاذر ..

[ابو ماجد 2]

صح لسانك يا مبدع ..


يمكن : عاذر ..

ماشاء الله تبارك الله
رمعة داهيه
واللغز داهيه
عاذ ملتجي
ذر جاب الجيوش
العاذر ريحته كريهه عند الاشعال
يشرب بدون مايكرع
دخولي من الجوال والكتابه تدبل الكبد لكن هاللغز يضطرني ويجبرني على الاسهاب

[ابوذيبان]

اجتمعوا الدهاة على لغزي المسكين

[ابوذيبان]

صح لسانك يا مبدع ..


يمكن : عاذر ..

https://encrypted-tbn2.gstatic.com/images?q=tbn:ANd9GcQ3FXHnvVQRJ3vpZz4CVIQVhroZk5mWL 9-tlyXgBY9pzy54KxPV

كفوووووووووووووووووووووو

يالكفووووووووووووووووووو

عليق بري او معلق الالغاز

تبارك الله ماشاء الله عليك

كفوووووووووووووووو

الحل ـ العاذر

http://r24.imgfast.net/users/2416/35/88/84/smiles/1276048125.gif


http://forums.graaam.com/up/uploaded14/265416_21225357362.gif

اللغز....

ياويش حيٍ بالاسم نال الاعجاب= نبات العاذر ـ اسمه جميل ومعناه الشطر التالي

معنى يغض الطرف لالا تفرّع=يغض الطرف عن الزلل والخطأ ويعذر كثيرا

معنى العاذر هناااااااا
(http://www.almaany.com/ar/dict/ar-ar/%D8%A7%D9%84%D8%B9%D8%A7%D8%B0%D8%B1/)

الملتجي في اوله واخره جاب= عاذ بالله من الشيطان التجأ اليه انظر هنااااااا (http://www.almaany.com/ar/dict/ar-ar/%D8%B9%D8%A7%D8%B0/)

جيشٍ ولا ني واصفه بالمدرّع = اخر الاسم جاب لنا ذر جيش في كامل صفاته كثرة العدد

الترتيب الغزو الدفاع التفاني تبادر الادوار باقي له مدرعات ويصبح جيش حقيقي وعالم الذر
النمل كبير وعظيم فسبحان ربي

وان كان تبغى وصف رايق وجذاب=;)

الاولي يشرب ولايوم كرّع= الاولي الذي بنيت عليه اللغز يشرب الماء نبات العاذر ولايكرع

غثيث مثل الفخ من جربه تاب= العاذر من نبات الدهنا واغلب المناطق الرملية وهو خطير

جدا على كفرات السيارة اعواده اشد من المسامير وكم من مرة تسبب في البنشر لنا ولغيرنا

وهو كريه الرائحة عند الاحتراق انظر هنا في مكشات الرد رقم 22 (http://www.mekshat.com/vb/showthread.php?t=446402)

شفته مجعد لا وشفته مقرّع = ذو جمال واخضرار وشفته مقرع بدون هدب او وريقات

هذا نبات العاذر ياحلو اسمه وشين فعله فخ يعني فخ;)

http://www.m5zn.com/uploads2/2011/10/2/photo/100211131028ab8og0m1ixgc.jpg



انتهى ..........
http://r24.imgfast.net/users/2416/35/88/84/smiles/1276048125.gif

كفوووووووووووووو

يالغالي / عليق بري كفوووووووووو

بيض الله وجهك وكل من شارك

http://r24.imgfast.net/users/2416/35/88/84/smiles/1276048125.gif

[ابوذيبان]

ماشاء الله تبارك الله
رمعة داهيه
واللغز داهيه
عاذ ملتجي
ذر جاب الجيوش
العاذر ريحته كريهه عند الاشعال
يشرب بدون مايكرع
دخولي من الجوال والكتابه تدبل الكبد لكن هاللغز يضطرني ويجبرني على الاسهاب

ياحبي لك يالقدووووة

:good2::good2::good2::good2::good2:

تايييييد الواثق الخبير يعني تأكيييييييييييد وختم الجودة

http://r24.imgfast.net/users/2416/35/88/84/smiles/1276048125.gif

http://r24.imgfast.net/users/2416/35/88/84/smiles/1276048125.gifhttp://r24.imgfast.net/users/2416/35/88/84/smiles/1276048125.gif
http://r24.imgfast.net/users/2416/35/88/84/smiles/1276048125.gifhttp://r24.imgfast.net/users/2416/35/88/84/smiles/1276048125.gifhttp://r24.imgfast.net/users/2416/35/88/84/smiles/1276048125.gif

[ابو ما بغى]

السلام عليكم ورحمة الله وبركاته
صباح الخير والخيرات يالمنهل
صح لسانك
شفت حضورك وتغانمت هالفرصه للسلام عليك
يستهل الكفو المبدع - عليق بري
وكذلك المؤيد له الفارس ابو ماجد2
كفوكم الطيب كله يالدهاة الثلاثه عزالله ما فيكم الضعيف الا لربه
موفقين

[ابوذيبان]

يامساء وصباح الخيرات يالغالي ـ حبيب الكل

الله يسلمك من كل شر يالحبيب

مرورك الغنيمة يالغالي

تستاهل الطيب ياراعي الطيب

رفع الله قدرك في الدارين

وياهلااااااااااا

0