استفسار بسيط وهام

[شراع]

سلام عليكم ..


صبحكم الله بالخير جميعا ..

حبيت اسالكم يالربع انا بشتري طير قريب
وودي اسال بعض الاسىله المهمه الي هي :

1-معرفة عمر الطير للحرار بالذات القرانيس
2-معرفة صحة الطير هل هو خالي من الامراض او لا

واتمنى منكم الاجابه لان مثل هالاسئله تتكرر دائما

ولاهنتوا ,,

[راعي القراميش]

و عليكم السلام و رحمة الله و بركاته

الحر البكر تلقى في ظهره و صدره من بقايا ريشة الفرخ و من يوصا عمره الثنو و فوق ريشته وحده و صعب تعرف عمر الطير لكن من خبرة الطير جرناس الثنو و ثلاث و اربع تلقى ريل الطير و باذرته سليمه مب متقشرة الا اذا من مرض.. و ان شوب الطير و وصل العشر و حولها تيبس ريله و باذرته تطول بوضوح

اما الطير مريض او صحيح هذا من عند الله لكن لا بغيت تشتري طير انتبه للاشياء التالية:
الطير لازم انه عديد مب ضعيف مزري
و انتبه لعيونه الثنتين عن فيه عمى
و رجوله الثنتين عن فيها قرح او سومار طالع اسفل الرجل
ريش الطير مهم عن الفضغ و التكسير
و قوة خفيق الطير و وقفته

اما الامراض الداخلية الله يعلم بها و راجع به عيادة الطيور البيطرية
و ان كان دود بطن و كوكسيديا و ما شابه ف علاجها يسير باذن الله
و ان وجد الرداد في رئة الطير فارجاع الطير افضل..

معظم الطيور اللي اشتريها مشروطة على الفحص (فحص الرداد)


و بالتوفيق