ماتبي خيه.....................الحل:رمعة اللغز....حله:نجم القوافي

[عيد القضيب]

نوايا والنوايا تسند الزير وينك اليوم ياصافي النية
ياويش بنيه باسم امير بنيه قويه ماشفت زيه
لطلبوها والسواعدمشامير تخفت باميرها ماتبي خيه

[ابو ما بغى]

يصح لسانك اخوي عيد
عطاء وتميز - ماشاء الله وبارك
موفق

[عيد القضيب]

شكرا اخي على المتابعة وبارك الله فيك

[ice.cube]

صح السانك اخوي
عيد القضيب

وش رايك

بخرامة الورق

او
الدباسه

تحيتيوتقديري
ابوسليمان

[عيد القضيب]

مالك لوى اخي شكرا على المتابعة خيرها بغيرها

[ice.cube]

تكفى

قائلها هو الشاعر محمد الدحيمي الشهري والملقب بــ ( أخو تكفى )


يقول فيها


علم العفا وعفاك .. يا وافي الكيـل


بساطه أبشّرك .. في خيـر وعفـا


نكفي بعضنا ,, وانتكافا على الشيل


واللي تعب من الحطّ والشيل يكفـا


من ذاق حرّ القايلـه يعشـق الليـل


ومن شبّ ضّوه ليلة البرد .. يدفـا


لاعاد ليلٍ ٍ نمت به في حرى سهيل


وخايلت نوضٍٍ يخطف العين خطفـا


امسيت من جيل ٍ ولاهوب ذا جيـل


واصبحت ... والاّ ديرتي شبه منفا


كنّا على فـال الشحـم والمعاميـل


ونفوسنا انقى من نقى العدّ .. واصفا


وانا ولو راحت بقولـة : تساهيـل


صلف وصروف الوقت تحتاج صلفا


ياترج جدّاني .. زحول الرجاجيـل


يحرم فلا لي عنك ياتـرج .. مقفـا


إمّا لطمنا العيل .. والاّ الطم العيـل


مادام شبّ النار منـدوب الأطفـاء


خل ابرهه الأشرم على ذمّة الفيـل


وانظر لشيٍ .... مايوصفّه وصفـا


ياذيـل والله ماتجـي راس ياذيـل


علمٍ ماهو يغبـى ولاهـوب يخفـا




واللـي حمـا بيتـه بطيـرٍ ابابيـل


ماجيتـك ادوّر لمـن راح واقـفـا


ولا جيتك اطلب منك بن ٍ ولا هيـل


جيتك وجرح الظلم .. غاديه يشفـا


جيتك بكلمة .. كنّها صعقـة الويـل


إن قلت تكفـا ... لا تهـاون بتكفـا


تكفا .. تراها كلمـةٍ تقطـم الحيـل


لا بالله الا تنسـف الحيـل نسـفـا


تكفا .. ماهـي لمعقبيـن الفناجيـل


تكفا لصلف وعـادة القـرم صلفـا


تكفا .. ترى تكفا لها هـدرة السيـل


في صدر حرًّ .. ينتف الطيب نتفـا


تكفا .. ترى تكفا لها تسرج الخيـل


إن كان لك باالخيل سرج ٍ و عسفـا


تكفـا .. تبيّـن كـلّ لاشٍ وحلحيـل


تسمع لهـا بالصـدر هبـدٍ ورجفـا


تكفـا .. وتكفـا ماتسـاق لمهابيـل


تكفا .. تخلي القـرم لاشٍ وهطفـا


تكفا .. تجنّبني هل القـال والقيـل


مانيب من ينكف علـى كـل ملفـا


تكفا .. تراني من قـروم ٍ مشاكيـل


حمّاية الساقـه .. بسيـفٍ وشلفـا


تكفى تــــــــرا تكفى تهز الرجاجيل


ولولا صروف الوقت مــا قلت تكفى


تكفى يـــــا مزيد ما يبا العلم تفصيل


المشكلـــه كبرت على عماش تكفى


مــــا قلت تكفى غير من فترة الحيل


وانتـــــه ولد من يفعل الطيـب تكفى


انخاك من كثــــر العنـــــا والبهاذيل


الفقر حطمني .. وانــا ازريت تكفى


غديت مثل اللي بــرك ضامه الشيل


تضحك بي ضعوف الرجاجيل تكفى


يــــومٍ لك وقفه .. وجاه .. ومداخيل


مــــــا غنتني عن مثل شرواك تكفى


افزع تــــــــرا وقتي غدى كنه الليل


والعلم مــــــــــا يخفاك يالقرم تكفى


مـــــا عاد بي شده ولا عاد بي حيل


ضدتنـــي الايـــام ... والـقــلّ تكفى


اروح وارجع مــا حصلي محاصيل


والرجل بادت .. يا فتى الجود تكفى


واليوم عندك يـــــــا رفيق المشاكيل


العذر مـــــــــــا ينفع وانا قول تكفى


حيثك من اهل الطيب واهل المفاعيل


يـــــــا زبن من جاله ومن قال تكفى


الجيب فـاضــــــي .. واليالـي مقابيل


عجزت اعيش مع الرجاجيـــل تكفى


والراتب المحدود .. يـــــروح تحويل


من الاداره .. لاهـــــــل الديـن تكفى


حتى عيالــي مـــــا قدرت الهم الكيل


والازمــــه لا جـــات .. صديـت تكفى


ارجـــى الفرج والله يجيـب التساهيل


واعيش فـــي راحه مع الناس تكفى


والله كريــــــــم .. يبـــدل الحال تبديل


ومــا قلّ دلّ .. وصامـل الهرج تكفى

[صقر السديرات]

يرفع ليرنع

[عبدالهادي 10]

يعطيك العافيه

[صقر السديرات]

يرفع ليرنع

[ابو صالح 4]

الفيصليه بنيه بنايه باسم امير عيال فيصل

[عيد القضيب]

الفيصليه بنيه بنايه باسم امير عيال فيصل

اسلم اخوي مالك لوى تحيتي وتقديري

[عيد القضيب]

يرفع ليرمع
والا نحله بعد اذن مشرفنا
تحياتي للجميع

[عطري]

صح لسانك و بدنك أخوي عيد

مشرفنا ما ياذن لأحد ، ما عنده إلا ضلع .

اصبر قليلاً يجيك الفرج بإذن الله.

عندي رمعتين وحدة مدحدرة والثانية مقلعة ، لعلي أبدأ بالمدحدرة:

طفاية الحريق.

كل الشكر و التقدير لشخصك الكريم،،،

[عيد القضيب]

صح لسانك و بدنك أخوي عيد

مشرفنا ما ياذن لأحد ، ما عنده إلا ضلع .

اصبر قليلاً يجيك الفرج بإذن الله.

عندي رمعتين وحدة مدحدرة والثانية مقلعة ، لعلي أبدأ بالمدحدرة:

طفاية الحريق.

كل الشكر و التقدير لشخصك الكريم،،،


ياهلا بمن لافانا بعطره=ريحة الورد والمسك فواح
المدحدره ماهي رمعة قشره=هات المقلعه يمكن بها نرتاح
ياهلا ومسهلا بعطرنا اشرقت الانوار بمقدمك يالغالي الف تحية ومليون وردة

[القناص سالم]

صح لسانك اخوي عيد

محاوله

الدره

درة امير المؤمنين عمر بن الخطاب

[عيد القضيب]

صح لسانك اخوي عيد

محاوله

الدره

درة امير المؤمنين عمر بن الخطاب

هلابك القناص ماصابت وماله علاقة بالدين ولاالصحابة رضوان الله عليهم انتظر مرماعك تحياتي وتقديري

[صقر السديرات]

يرفع ليرنع

[مالكم لوى]

صح لسانك

وش رايك بالسحابة ؟
نسبة للأميرة سحاب بنت عبدالله

[ف ف]

الله الله

طلع المستخبي ههههه


صح اسانك ياعيد


رنعه عجله
وش رايك بموقدة حاتم

[عيد القضيب]

صح لسانك

وش رايك بالسحابة ؟
نسبة للأميرة سحاب بنت عبدالله

صح بدنك اخي مالكم لوى والرمعه ماصابت يالغالي الف تحية ومليون وردة

[عيد القضيب]

الله الله

طلع المستخبي ههههه


صح اسانك ياعيد


رنعه عجله
وش رايك بموقدة حاتم

هلابك ابوثامر وصح بدنك والله اني قلت هاللغز راح للمحلول لكن ابوفيصل يعطيه العافية رجعه يوم شافني ماطرحت جديد بسبب انشغالي والرمعه ماصابت يالغالي انتظر القاتله وتراه سهل ولاهو بعيد حولنا وبخيمتنا الف تحية ومليون وردة

[عيد القضيب]

يرفع ليرنع

يعطيك العافية مشرفنا الغالي
الله يذكرك للشهادة
الف تحية ومليون وردة

[نجم القوافي]

هلابك ابوثامر وصح بدنك والله اني قلت هاللغز راح للمحلول لكن ابوفيصل يعطيه العافية رجعه يوم شافني ماطرحت جديد بسبب انشغالي والرمعه ماصابت يالغالي انتظر القاتله وتراه سهل ولاهو بعيد حولنا وبخيمتنا الف تحية ومليون وردة



نوايا والنوايا تسند الزير=وينك اليوم ياصافي النية
ياويش بنيه باسم امير=بنيه قويه ماشفت زيه
لطلبوها والسواعدمشامير=تخفت باميرها ماتبي خيه

يسلام يسلام ومن اين ظهر ها المزيون
ما يكون صاحب السمو اللغز
والأميرة الرمعه مدري مدري



إسم من قد هويته =ظاهر في صروفه
فإذا زال ربعه =زال باقي حروفه

[عيد القضيب]

صباح الخير للجميع
كفوووووووووووووومليون كفوووووووووووونجمنا المحبوب
الحل رمعة اللغز
الف تحية ومليون وردة للجميع

[نجم القوافي]

صباح الخير للجميع
كفوووووووووووووومليون كفوووووووووووونجمنا المحبوب
الحل رمعة اللغز
الف تحية ومليون وردة للجميع

كفوك الطيب يالغالي
ورحم الله والديك
سلمت يالغالي
تحياتي

[ف ف]

هلا هلا
صح الله لسانك يانجم يامتختل ختلة هاللغز المستعصي كفووووو