المساعد الشخصي الرقمي

مشاهدة النسخة كاملة : محاولة وابي رايكم


حر اليدين
15/12/2006, 11:08 PM
في الحقيقة محاولة صغيرة وهي عبارة عن رسالة جوال لواحد من الاصدقاء المقربين اجدد الذكرى معه برحلة كانت في العام الماضي كانت صملتنا على ليلة نمسي في البر واستمرت اربع ايام بدون مانشعر من فرط الوناسة

وهي عبارة عن رسالة جوال اول شي صورة سفاري
والابيات :
وجدي ووجدك يابدر قطع الجراهد والفياض ...الخير يذكر من ورى الصمان والخد ارتوى
البال رايق يابدر ايضا والقلب هاض ....فوق السفاري اللي ماسمعنا معه شخف الهوى
لعل قلبك يالخوي مثل خويك استهاض ...ان كان لك طاري من الطواري خويك نوى
نجدد الذكرى من العام في ذيك الفياض ...النية انا وياك والثالث ابو عامر سوى


وسلامتكم ارجوا عدم مجاملتي في الابيات
اسال الله ان يجيب الكسر في البيوت ولا يجيبها في العظام ههههههههههه

اخوكم حر اليدين
هواوي
15/12/2006, 11:52 PM
بغض النظر عن اي شي في الوزن والقافيه التى لا اعرف عنها شي الا ان القصيده اعجبتني كثيرا

جمعك الله انت وبدر وابو عامر في رحله تكتبون القصائد فيها بالكمرات وليست بالاقلام ونشاهدها هنا في هذا المنتدى العامر ((على وزن ابو عامر))
بيرق التوحيد
15/12/2006, 11:58 PM
اخوي الحبيب حر اليدين

ارى والله اعلم أن الأبيات فيها تكسر بين

كثيراً من الأبيات مكسور

ورأيي ان ترسل له كتابه نثر افظل من الشعر

إلا إذا انك بتكتب شي موزون


وعلى العموم تعتبر بدايات بالشعر طيبه جداً جداً وواصل بارك الله فيك

هذا الرأي بدون مجامله كما طلبت اخي الحبيب

تقبل محبت اخوك بيرق التوحيد
زقم
16/12/2006, 12:14 AM
يوم قريت البيت الأول ... قلت الرجال شاااااعر

بس خربتها بالباقي.... خصوصا اذا طرى لك طاري ولا نويت ولا شي .....!!!!
زقم
16/12/2006, 10:09 AM
ايه معليش عشان ما تزعل مني وتدري اني معجب بالبيت الأول أبكتبه

وبحط من عندي بيت على نفس الوزن وأنت كمل ...

وجدي ووجدك يابدر قطع الجراهد والفياض *** الخير يذكر من ورى الصمان والخد ارتوى


سجيت مع نفسي وسرحت ياحلوها ذيك الرياض *** قمت اتذكر ما مضى وارجع بأ فكاري ورى

أخوك زقم
سليمان المطرودي
16/12/2006, 10:11 AM
محاولة جيدة في رايي طالما انك التزمت بالقافية
لكن مثل ما قال الاخوان الوزن معدوم

تستطيع التغلب على مشكلة الوزن بقراءة الشعر الجيد وخصوصا الشعر القديم ، وعليك بقصائد مرشد البذال وابن سبيل والسديري وابن شريم والقاضي وغيرهم كثير ،

لا تكتب على بحر طويل فانه صعب على المبتدئ
حاول تكتب على المسحوب والهجيني فربما يكون اسهل عليك من غيره

اتمنى لك التوفيق

مع وافر التحية
حر اليدين
18/12/2006, 07:52 AM
السلام عليكم ورحمة الله
الاخوان هواوي و بيرق التوحيد والاخ زقم وكذلك الاخ المطرودي
الله يعطيكم العافية على النقد البناء وانا اعتبره بناء واللي مايستقبل النقد مايتقدم انا في الاولة اعجبني البيت الاول وهو اللي خلاني اكمل هههههههه
لكن ان شالله ابجيب لي بيتين ماتقولون فيها شي وراح اخصهم فيها


اخوكم حر اليدين