سحاب نجد راعي شقراء
12/12/2014, 08:05 PM
السلام عليكم ورحمه الله وبركاته
يالله تحييهم ولياحيا كثرولياكثر تنثر:D
هلا بالغالين كلكم كبيركم وصغيركم ذكركم ونثاكم
تصدقون يناس اني قد اشتغلت كمفيره مبطي لا تظحكون خل اعلمكم وشلون بس كمفيره مره وحده بس قولو وش لون هماي يوم من الايام رحت عند ناس امهم عجيييز قويييظيه يعني قفش بس نشيطه وقبلها تظحك ولا في اثمها ولاسن يعني يدق لها الماء ولا ظحكت كن اثمها كوه باب الله يغمد رويحتها في عليين وميمتي وبيي وخيي وجدي بعد احبه المهم ذاالعجييز تحب تمزح معي قبل وحبيييبه وذاالكلام ونا صغيير جيت عندهم ذاك اليوم وقالت لي سحاب انت فيذا قلت ايه قالت تعال ابيك قلت ان شالله وكانت يوم تناديني هي في المجبب يعني في بطن البيت ونا في الحوش حقهم جالس عند الارانب حقتهم انا ظرها احط لها اكل ونا ظرالصغيرات الا طلعن وذكر ارانبهم كلهن بيض المهم وقوم وروح للعجيز قلت سمي شوفو وشلون ارد مهوب مثل عيال ها الوقت يقولون هاه المهم قلت سمي قالت تعال ياوليدي ابيك تصب علي الماء ابا اسبح قلت هااااااه قالت ابا اسبح وبيك تصب علي الماء ونا امك والله ان يدياتي ماتقوا ترفع المثعوبه قلت طيب وتروح في مكان عندهم يسمونه المغسل وتقعد على حصاه حقه ساريه انسميها حنا في شقراء خرزه ساريه وتصير مدوره هذي انتي يالحصاه بالله عليكم قد شفتواحد يتروش وثوبه عليه بصراحه ماله داعي يتروش ابد وهي ذا العجوزاخذت المثعوبه وقالت يالله ونا امك صب علي ويوم صبيت عليها وتغشا من الظحك وتقول يربيييه ياربييه يحييييك يحيييك بارد الماء ودلي اغرف من قدر وصب عليها تصدقون تفرك جسمها ياملا الجنه البارده وثوبها عليها انا مدري وشلون تبي تنظف ذي ولا فيه شمبومانعرفه معها صابونه وش كبرها الظاهر انها ام عنز حتى العنز لها صابونه منول هههههههههه وتفرك جسمها وش تفرك جسمها تفرك ثوبها ولا فيه احد يتروش وثوبه عليه ونا وش علي ابا اصب وبس يوم ذاك قالت اصبر ابا انقض جديلاتي وش ذاالجديلات ياسفاب الاسم عليهن كنهن اذناب فار ثنتين منا ذنيب ومنا ذنيب هذولا الجدايل ما يجن طول الاصبع ذا الجدايل وتدلي تفرك ذاالجدايل بالصابونه ولا ذاك قالت يالله صب علي وصب عليها بالمثعوبه ذيك الي يجي لها ثعبه مثل ثعبه الدله حقه القهوه المهم ويوم قظينا قامت وراحت لحجرتها وجابت ثوب تحسبونها لبست في حجرتها لا جابت الثوب وتقعد في الشمس في الحوش وقالت ياسحاب قلت سمي قالت لا تلتفت علي ونا امك ابا البس ثوييبي الله لا يباهزنا قلت طيب ونا هلحين اناظر الارانب وهي وراي ثمن قالت خلاص ونا امك لبست ثوبي بس قم جبلي تكفا المشط ذاك الخشب كانكم تذكرونه يالغالين وروح وجيبه ويوم جيت ولا ها تفرك راسها بالثوب الي توه مفصوخ مدري وشلون تبي تنظف ذي مهنا فوط منول ولا شي الا سبحتا البس على طول ثوبك وبس المهم عطيتها المشط ورحت عند الارانب وحسها تقصد قصيد وهي تكد شعرها بس والله اني مذكر وشي ويوم جلست شوي وتقول سحاب قلت سمي قالت تعال تكفا كد رويسي مقوا ارفع يديياتي انا مدري وش مصبرني قلت طيب وروح وجلس وراها ودلي اكرد في ذاالشعرتين وكل شوي تهوش علي اوووه ياوليدي معطتا رويسي منول يسمون شعر الراس رويسي وبس اصلن وش رويسي مالها الا ثلاث شعرات وكل كردي في سحله الراس علشان تدرون اني صادق مامسك المشط ولا شعره وتدلي تجدل رويسها ياااملا الفردوس الاعلا من الجنه وبس ويوم قظت من الجدايل وتقعد بالديرمانه تلوف خشيشتها لوف الظاهر هكا الليله وا عدها عودها بشي ماعلينا منهم بس الله من البربسه وبس ههههه وجي ابا اروح لبيتنا قالت سحاب قلت سمي قالت وين تبي تروح قلت ابا اروح لدارنا قالت تعال ابيك شوي ونا امك وجي قالت تكفا ياوليدي همز رجيلاتي انهن مايخلني امرح من الوجع الي فيهن ونا صاير بتاع كله طبعن رجيلاتي تقصد المواطي بس وقعد عند رجيلاتها وشتغل اخصائيه مساج هههههههه وكل ما رصيت رجلها قالت اصبررر لاتكود علي انت ماتوحيني اقولك مناب ارقد منهن يعني مانيب انوم منهن ونت ترهصهن رهص بشويش وحومت كبدي وقعد كني اعبط تمر هههههههه وهي مغير ووه يربيه ووه يربيه ارفق علي ارفق علي وتقولي اياني وياك تدغدغني يعني لاتحك رجلي من تحت يوم قالت خلاص عسا عييلك الا اعرستا وجاك عيال يبرون فيك وقوم وحك اسفل رجلها يعني الماطات وتنقز وهي تقول اقول ظربتن تظرب العدو وتغشا من الظحك ياملا الجنه وتمسكني وتدغدغني ونا اغشا من الظحك تلوموني في العجيزات الله يغفرلهن ويرحمهن والي حي منهن الله يمتعها متاع الصالحين ياربي ياكريم ويختم لهن في الفردوس الاعلى من الجنه ووالديني وخيي وجدي بعد ونا ونتم ووالديكم وكل مسلم
اذكرمره جالس اسولف وعندي ناس ومادريت الا يوم قامو وخلوني اسولف على روحي وضاق صدري
وقلت بيني وبين روحي كم بيت وقلت
باكـــر امـــوت ثمــن تحسف عليه
والله ماتـلــقا احــد فــي مـكـانــي
ربي عطاني الطيب مع صدق نيـه
ومالي هدف غير الي قاله لساني
قالــو تسولف قلت وش فـي يديـه
والــي مـظا منساه لـوهـو نساني
يسرح بــي الهـوجاس دنين خفيه
وذكــر قــديــم الوقت ويـرتاح بالي
وسـج سـجاتـن تـجـيـنـي قــويــه
وعيش ماظي الوقت لوني لحالي
سحاب نجد-راعي شقراء
يالله تحييهم ولياحيا كثرولياكثر تنثر:D
هلا بالغالين كلكم كبيركم وصغيركم ذكركم ونثاكم
تصدقون يناس اني قد اشتغلت كمفيره مبطي لا تظحكون خل اعلمكم وشلون بس كمفيره مره وحده بس قولو وش لون هماي يوم من الايام رحت عند ناس امهم عجيييز قويييظيه يعني قفش بس نشيطه وقبلها تظحك ولا في اثمها ولاسن يعني يدق لها الماء ولا ظحكت كن اثمها كوه باب الله يغمد رويحتها في عليين وميمتي وبيي وخيي وجدي بعد احبه المهم ذاالعجييز تحب تمزح معي قبل وحبيييبه وذاالكلام ونا صغيير جيت عندهم ذاك اليوم وقالت لي سحاب انت فيذا قلت ايه قالت تعال ابيك قلت ان شالله وكانت يوم تناديني هي في المجبب يعني في بطن البيت ونا في الحوش حقهم جالس عند الارانب حقتهم انا ظرها احط لها اكل ونا ظرالصغيرات الا طلعن وذكر ارانبهم كلهن بيض المهم وقوم وروح للعجيز قلت سمي شوفو وشلون ارد مهوب مثل عيال ها الوقت يقولون هاه المهم قلت سمي قالت تعال ياوليدي ابيك تصب علي الماء ابا اسبح قلت هااااااه قالت ابا اسبح وبيك تصب علي الماء ونا امك والله ان يدياتي ماتقوا ترفع المثعوبه قلت طيب وتروح في مكان عندهم يسمونه المغسل وتقعد على حصاه حقه ساريه انسميها حنا في شقراء خرزه ساريه وتصير مدوره هذي انتي يالحصاه بالله عليكم قد شفتواحد يتروش وثوبه عليه بصراحه ماله داعي يتروش ابد وهي ذا العجوزاخذت المثعوبه وقالت يالله ونا امك صب علي ويوم صبيت عليها وتغشا من الظحك وتقول يربيييه ياربييه يحييييك يحيييك بارد الماء ودلي اغرف من قدر وصب عليها تصدقون تفرك جسمها ياملا الجنه البارده وثوبها عليها انا مدري وشلون تبي تنظف ذي ولا فيه شمبومانعرفه معها صابونه وش كبرها الظاهر انها ام عنز حتى العنز لها صابونه منول هههههههههه وتفرك جسمها وش تفرك جسمها تفرك ثوبها ولا فيه احد يتروش وثوبه عليه ونا وش علي ابا اصب وبس يوم ذاك قالت اصبر ابا انقض جديلاتي وش ذاالجديلات ياسفاب الاسم عليهن كنهن اذناب فار ثنتين منا ذنيب ومنا ذنيب هذولا الجدايل ما يجن طول الاصبع ذا الجدايل وتدلي تفرك ذاالجدايل بالصابونه ولا ذاك قالت يالله صب علي وصب عليها بالمثعوبه ذيك الي يجي لها ثعبه مثل ثعبه الدله حقه القهوه المهم ويوم قظينا قامت وراحت لحجرتها وجابت ثوب تحسبونها لبست في حجرتها لا جابت الثوب وتقعد في الشمس في الحوش وقالت ياسحاب قلت سمي قالت لا تلتفت علي ونا امك ابا البس ثوييبي الله لا يباهزنا قلت طيب ونا هلحين اناظر الارانب وهي وراي ثمن قالت خلاص ونا امك لبست ثوبي بس قم جبلي تكفا المشط ذاك الخشب كانكم تذكرونه يالغالين وروح وجيبه ويوم جيت ولا ها تفرك راسها بالثوب الي توه مفصوخ مدري وشلون تبي تنظف ذي مهنا فوط منول ولا شي الا سبحتا البس على طول ثوبك وبس المهم عطيتها المشط ورحت عند الارانب وحسها تقصد قصيد وهي تكد شعرها بس والله اني مذكر وشي ويوم جلست شوي وتقول سحاب قلت سمي قالت تعال تكفا كد رويسي مقوا ارفع يديياتي انا مدري وش مصبرني قلت طيب وروح وجلس وراها ودلي اكرد في ذاالشعرتين وكل شوي تهوش علي اوووه ياوليدي معطتا رويسي منول يسمون شعر الراس رويسي وبس اصلن وش رويسي مالها الا ثلاث شعرات وكل كردي في سحله الراس علشان تدرون اني صادق مامسك المشط ولا شعره وتدلي تجدل رويسها ياااملا الفردوس الاعلا من الجنه وبس ويوم قظت من الجدايل وتقعد بالديرمانه تلوف خشيشتها لوف الظاهر هكا الليله وا عدها عودها بشي ماعلينا منهم بس الله من البربسه وبس ههههه وجي ابا اروح لبيتنا قالت سحاب قلت سمي قالت وين تبي تروح قلت ابا اروح لدارنا قالت تعال ابيك شوي ونا امك وجي قالت تكفا ياوليدي همز رجيلاتي انهن مايخلني امرح من الوجع الي فيهن ونا صاير بتاع كله طبعن رجيلاتي تقصد المواطي بس وقعد عند رجيلاتها وشتغل اخصائيه مساج هههههههه وكل ما رصيت رجلها قالت اصبررر لاتكود علي انت ماتوحيني اقولك مناب ارقد منهن يعني مانيب انوم منهن ونت ترهصهن رهص بشويش وحومت كبدي وقعد كني اعبط تمر هههههههه وهي مغير ووه يربيه ووه يربيه ارفق علي ارفق علي وتقولي اياني وياك تدغدغني يعني لاتحك رجلي من تحت يوم قالت خلاص عسا عييلك الا اعرستا وجاك عيال يبرون فيك وقوم وحك اسفل رجلها يعني الماطات وتنقز وهي تقول اقول ظربتن تظرب العدو وتغشا من الظحك ياملا الجنه وتمسكني وتدغدغني ونا اغشا من الظحك تلوموني في العجيزات الله يغفرلهن ويرحمهن والي حي منهن الله يمتعها متاع الصالحين ياربي ياكريم ويختم لهن في الفردوس الاعلى من الجنه ووالديني وخيي وجدي بعد ونا ونتم ووالديكم وكل مسلم
اذكرمره جالس اسولف وعندي ناس ومادريت الا يوم قامو وخلوني اسولف على روحي وضاق صدري
وقلت بيني وبين روحي كم بيت وقلت
باكـــر امـــوت ثمــن تحسف عليه
والله ماتـلــقا احــد فــي مـكـانــي
ربي عطاني الطيب مع صدق نيـه
ومالي هدف غير الي قاله لساني
قالــو تسولف قلت وش فـي يديـه
والــي مـظا منساه لـوهـو نساني
يسرح بــي الهـوجاس دنين خفيه
وذكــر قــديــم الوقت ويـرتاح بالي
وسـج سـجاتـن تـجـيـنـي قــويــه
وعيش ماظي الوقت لوني لحالي
سحاب نجد-راعي شقراء