ملك القصائد
13/12/2014, 04:59 PM
سلطان شعري هام بالكـون جـوال = اكد حروف القافيه واسـرج الخيـل
القلـب للافكارمنـصـا ومـدهـال = لا اقفى شعاع الشمس واستوطن الليل
فكرت بالدنيـا علـى كـل منـوال = استعرض الحاصل دراسه وتحليـل
دنيـا مليـه بالبـلاوي والاهـوال = شطونهـا تسبـق هتـون الهماليـل
تحيى بها اجيالاً وتفنى بهـا اجيـال = وتذكر رجاجيلً وتنسـى رجاجيـل
النـاس والايـام راحـل ونــزال = قسـمً مدابيـرا ً وقسـمً مقابـيـل
هذي جموع الناس حـادي وجمـال = بالبر وامـواج البحـر بالاساطيـل
على طريق الغيب رجلـي وخيـال = ودروبهـم مزروعـةٍ بالمحابـيـل
والجاهل اللي قـال للنـاس جهـال = والنـاس معهـم للخفايـا درابيـل
يامدعـي مجـداً للاجـداد والخـال = تعيش في جيلٍ وناسـك لهـم جيـل
برهن على الاقوال في طيب الافعال = مالك ومال الناس والقـول والقيـل
ليت العقول تباع في روس الامـوال = من شان منهـا يشتـرون المهابيـل
استثني اللي جامـعً طيـب وهبـال = الطيب ترجح لـه جميـع المكاييـل
ولو يشتري صك الثنا اللاش بريـال = عليه من لبـس الملامـه دساميـل
كم واحداً يمدح مثل مـدح الابطـال = حظه يسوي له مع النـاس تفضيـل
وكم حظ مقروداً على المتن ينشـال = مجهول لو هو ثالث الجدي وسهيـل
ان ما تهيا المـدح والعمـر باقبـال = باقفاه يصعب والركايـب مهازيـل
كل الرجال رجال من حيث الاشكال = سوداً لحاهـم والشـوارب مفاتيـل
لاكن على منهو من النـاس تنقـال = كلمة رجل تبغـى دلايـل وتفصيـل
كم واحداً عايش على شكـل تمثـال = رقماً يكمـل بـه بالارقـام تكميـل
الفرق بالافعـال ماهـو بـالازوال = لو الفخر بالزول ما اكبر من الفيـل
من يقبل الحقران ماهـوب رجـال = الله لايعطيـه بالعـمـر تمهـيـل
مايفلـح الساحـر ولاعـاش دجـال = من عاش بالحيلات للفقـر والويـل
يعجبني الصادق ولو قال مـا قـال = وازعل من الضحكه خداع ٍ وتمثيـل
افهم على الطاير خفى كـل محتـال = لو جمّل المعنـى بالالفـاظ تجميـل
اهني المجنون في بعـض الاحـوال = فاقد عقل ما ميّـز العـدل والميـل
وامـوت ماجاملـت ذلاً لـلانـذال = ولا للردي عنـدي وقـاراً وتبجيـل
والكون لو صابه من الغيض زلزال = ثـارت براكينـه غضـابٍ مغاليـل
لو خربت الدنيا ولو صارت اطـلال = ولو يغرق الطوفان ناس ومحاصيـل
لو جا مع الدجـال مليـون دجـال = ولو قامت الساعة ونـادى اسرافيـل
ما للبشر فيها سوى حصر الاعمـال = اقـدار مـا للنـاس فيهـا مداخيـل
العولمه حطت على الارض بظـلال = شراً شريـر وزرع فتنـه وتظليـل
باسم الحضاره حللوا ذبـح الاطفـال = وين البطولـه يـا دعـاة الاباطيـل
في مشهـدً هـز البسيطـه ولا زال = والمشكلـه مالـه مبـرر وتآويـل
محمد الـدره وغيـره لـه امثـال = تفتك بهم فـي دم بـارد إسرائيـل
لو بالمحطه ينقطـع بـث الارسـال = اخير من شوف القهـر والغرابيـل
دمع اليتامى لو تناثـر ولـو سـال = لا حـرك الرحمـه ولا زود النيـل
نقفور كلب الـروم وافـاه مرسـال = وبالعنجهيـه مارضـخ للمراسيـل
لا اشتدت الازمـه وميزانهـا مـال = وتجمعت كـل النشـب والعراقيـل
للضيـق فـراج ٍ وللعقـد حــلال = يأتي لها من حالـت الميـل تعديـل
في لحظة ً ماهيب تطري على البال = الله يبـدّل كـل صعبـاً بتسهـيـل
القلـب للافكارمنـصـا ومـدهـال = لا اقفى شعاع الشمس واستوطن الليل
فكرت بالدنيـا علـى كـل منـوال = استعرض الحاصل دراسه وتحليـل
دنيـا مليـه بالبـلاوي والاهـوال = شطونهـا تسبـق هتـون الهماليـل
تحيى بها اجيالاً وتفنى بهـا اجيـال = وتذكر رجاجيلً وتنسـى رجاجيـل
النـاس والايـام راحـل ونــزال = قسـمً مدابيـرا ً وقسـمً مقابـيـل
هذي جموع الناس حـادي وجمـال = بالبر وامـواج البحـر بالاساطيـل
على طريق الغيب رجلـي وخيـال = ودروبهـم مزروعـةٍ بالمحابـيـل
والجاهل اللي قـال للنـاس جهـال = والنـاس معهـم للخفايـا درابيـل
يامدعـي مجـداً للاجـداد والخـال = تعيش في جيلٍ وناسـك لهـم جيـل
برهن على الاقوال في طيب الافعال = مالك ومال الناس والقـول والقيـل
ليت العقول تباع في روس الامـوال = من شان منهـا يشتـرون المهابيـل
استثني اللي جامـعً طيـب وهبـال = الطيب ترجح لـه جميـع المكاييـل
ولو يشتري صك الثنا اللاش بريـال = عليه من لبـس الملامـه دساميـل
كم واحداً يمدح مثل مـدح الابطـال = حظه يسوي له مع النـاس تفضيـل
وكم حظ مقروداً على المتن ينشـال = مجهول لو هو ثالث الجدي وسهيـل
ان ما تهيا المـدح والعمـر باقبـال = باقفاه يصعب والركايـب مهازيـل
كل الرجال رجال من حيث الاشكال = سوداً لحاهـم والشـوارب مفاتيـل
لاكن على منهو من النـاس تنقـال = كلمة رجل تبغـى دلايـل وتفصيـل
كم واحداً عايش على شكـل تمثـال = رقماً يكمـل بـه بالارقـام تكميـل
الفرق بالافعـال ماهـو بـالازوال = لو الفخر بالزول ما اكبر من الفيـل
من يقبل الحقران ماهـوب رجـال = الله لايعطيـه بالعـمـر تمهـيـل
مايفلـح الساحـر ولاعـاش دجـال = من عاش بالحيلات للفقـر والويـل
يعجبني الصادق ولو قال مـا قـال = وازعل من الضحكه خداع ٍ وتمثيـل
افهم على الطاير خفى كـل محتـال = لو جمّل المعنـى بالالفـاظ تجميـل
اهني المجنون في بعـض الاحـوال = فاقد عقل ما ميّـز العـدل والميـل
وامـوت ماجاملـت ذلاً لـلانـذال = ولا للردي عنـدي وقـاراً وتبجيـل
والكون لو صابه من الغيض زلزال = ثـارت براكينـه غضـابٍ مغاليـل
لو خربت الدنيا ولو صارت اطـلال = ولو يغرق الطوفان ناس ومحاصيـل
لو جا مع الدجـال مليـون دجـال = ولو قامت الساعة ونـادى اسرافيـل
ما للبشر فيها سوى حصر الاعمـال = اقـدار مـا للنـاس فيهـا مداخيـل
العولمه حطت على الارض بظـلال = شراً شريـر وزرع فتنـه وتظليـل
باسم الحضاره حللوا ذبـح الاطفـال = وين البطولـه يـا دعـاة الاباطيـل
في مشهـدً هـز البسيطـه ولا زال = والمشكلـه مالـه مبـرر وتآويـل
محمد الـدره وغيـره لـه امثـال = تفتك بهم فـي دم بـارد إسرائيـل
لو بالمحطه ينقطـع بـث الارسـال = اخير من شوف القهـر والغرابيـل
دمع اليتامى لو تناثـر ولـو سـال = لا حـرك الرحمـه ولا زود النيـل
نقفور كلب الـروم وافـاه مرسـال = وبالعنجهيـه مارضـخ للمراسيـل
لا اشتدت الازمـه وميزانهـا مـال = وتجمعت كـل النشـب والعراقيـل
للضيـق فـراج ٍ وللعقـد حــلال = يأتي لها من حالـت الميـل تعديـل
في لحظة ً ماهيب تطري على البال = الله يبـدّل كـل صعبـاً بتسهـيـل