المساعد الشخصي الرقمي

مشاهدة النسخة كاملة : كشته وتمشي عصريه وتعلقت البنيه )


المترو
16/12/2006, 12:31 AM
السلام عليكم ورحمة الله وبركاته
العائله لها الحق بالاستمتاع بوقتها بصحبة الاب كما له الحق بذلك اثنا الذهاب للخليان لذلك المفروض اننا نرتب للاهل والعائله وقت يعني مثلا

اسبوع للاولاد واسبوع لك ؟؟ مع العلم ان هناك تجاوزات احيانا لكن لا تكون دائماً :j

و هذه طلعه للاولاد بشرق الرياض مكان جميل وخالي ومربع الشغايا مخضره على حفيف عصر الخميس من الاسبوع الماضي بجيلان الطوقي الشرقيه

وتخلل الطلعه شوي للذره وطراطيع ابو فروه و قصدير وشوي وبعض الدروس لعمل القهوه للوغدان وتمشي وملاحق لابا لحصين رجليه طبعاً




وتعلقت احد البنيات لها بجال وانقذها اخوها ناصر بالوقت المناسب ؟؟!!

وبعض محاولات التسلق الخطره وكانت غلطه كبيره السماح للاولاد بذلك لكن الله سلم

الاولى

الطلحه الوحيده للظل


http://www.mekshat.com/pix/upload/images24/mk3016_toqi1mk.jpg



الثانيه


http://www.mekshat.com/pix/upload/images24/mk3016_toqi3mk.jpg





الثالثه

وش مطلعك فوق يا الملقوفه وكله عشان تبي تشوف الحصني (الثعلب ) شجاعه ما شالله مثل ابوها ما تخاف من ابا الحصين ؟؟؟؟؟؟؟؟؟؟؟:D



http://www.mekshat.com/pix/upload/images24/mk3016_toqi5mk.jpg



الرابعة


تعليقه وقد انقذ الموقف سرعة الابن ناصر الله يحفظه

http://www.mekshat.com/pix/upload/images24/mk3016_toqi7mk.jpg



الخامسه


بداية المنشاء للخيال قبل الغروب
http://www.mekshat.com/pix/upload/images24/mk3016_toqi8mk.jpg




وختاما لكم وافر الود والمحبه
الشاص
16/12/2006, 12:36 AM
مشاء الله عليك اخوي المترو

ووسع الله صدرك بالعافيه والعائله لهم حق في الوناسه وطلعة البر وشمة الهواء

بس براي ان العوائل المفروض الواحد يبعد عن العالم والفياض المعروفه والى دايم تمتلي بالناس عشان الحريم ياخذن راحتهن

ويطلقن رجيلتهن بعكس الاماكن المزحومه الى ماتعداء الفرشه

والاطفال يجب العنايه بهم كثير في طلعة البر ومساعدتهم في بعض النشاطات مثل التسلق وتعليمهم بعض المهرات الى يحتاجونه بالبر

ولك تحياااااتي اخوي المترو
مسافر1
16/12/2006, 06:16 AM
ما شاء الله ..
العدل زين ..
الله يصلح ويربح ..
تشكر أخي أبو ناصر . وتلك رسالة للبعض ممن يجعل جميع الرحلات والكشتات خاصة ..
أو ذو قسمة ضيزى .
مشعل_1001
16/12/2006, 12:05 PM
ماشاء الله يابو ناصر يابو ناصر مافيه غير سلامتك اقول خطابة خطابة جيناكم خطابه نبي البنت للولد اذا ماعندكم واحد من عيال عمها امحجرها لأن الي عندي اقرد منها ويصلحون لبعض وش رايك موافق قل تم ونعزم :director: كل المكاشيت ونسوي الحفلة في البر بعد .:redcar:
بنت الرياض
16/12/2006, 01:09 PM
المترو

لو انصف الرجال اهاليهم مثلك لما كرهن النساء البر

بارك الله فيك وحفضك لاهلك واولادك ورزقك برهم

تحياتي لك :

بنت الرياض
الاتصال السريع
16/12/2006, 02:00 PM
ماشاء الله

الله يصلح ويبارك

صورة جميلة
الله يخليهم لك يابو ناصر ويخليك لهم ويستاهلون
ابوعزيزm
16/12/2006, 02:31 PM
السلام عليكم

مشكور المترو على السواليف :)

صراحة يعجني الشخص الذي يذهب بالعائلة إلى أماكن البر . . لك حق وعليك حق

صراحة فيه واحد ما شاء الله عليه يكشت في العائلة في كل مكان وداهم لأم أرقيبة تصدقون أني لقيتة بالصدفة راييح هو وأعيالة(لأم دبابة)أيام زمان :)

صراحة أني من المعجبين ومن الداعين إلى التنزة بالعائلة في البر :)
سندباد الخليج
16/12/2006, 02:40 PM
الله يخليلك العيال ويصلحهم ويجعلهم ذخر لوالديهم

بارك الله فيك .. انت الاب المثالي للاسره
laith
16/12/2006, 02:44 PM
الله يبارك لك في ذريتك ويصلحهم ان شاء الله

بس ايش هالقلب اللي يخليك تصور والبنت على التلف

ولاتحرمنا من جديدك وسوالفك
المرقاب
16/12/2006, 02:45 PM
ماشاء الله تبارك الله

الله يخليك لهم ويخليهم لك ويبارك لكم ويكفيكم كل مكروه

بصراحه أنت :good:
رش السحاب
16/12/2006, 02:46 PM
ماشالله تبارك الله يابوناصر


ابدعت في التصوير وفي التعليق :)

والأبن ناصر الله يحفظه ( ابلقبه المنقذ :) ) يلزمنا نستنجد فيه في اللحظات الحرجه :)

بس كفو والله عليه هاب ريح مثل الوالد :)

وفقك ربي واسرتك ورعاكم يابوناصر
منصور 1
16/12/2006, 02:48 PM
ما شاء الله ابو ناصر الله يصلح لك النية والذرية
ويعطيك العافية
bigman
16/12/2006, 04:32 PM
اب مثالي ما شا الله من متى يا الزكرت ............:no2:
منتعش
16/12/2006, 04:57 PM
الله يعطيك العافية يا أخوي الغالي : المترو
وصدق طبقت الحديث إن شاء الله
( خيركم خيركم لأهله )
الله يحفظ لنا ولك الذرية وأن يجعلهم قرة عين لوالديهم
والله يرعاك
أبو فراس
17/12/2006, 03:03 AM
السلام عليكم ورحمة الله وبركاته

ما شاء الله عليك يابو ناصر

والله عدل

يوم للربع

ويوم للاهل
أبو عابد1
17/12/2006, 04:23 AM
رحلة موفقة

والحمد لله على السلامة

ويحفظ لك العيال ويجعلهام قرة لك


بالتوفيق في الرحلات الجاية
عروان
17/12/2006, 07:56 AM
وافي أبو ناصر

ما شاء الله عليك

بس متى كان المقناص؟؟

ما دامك أرضيت الاهل هالاسبوع, الاسبوع الجاي وين تبينا نكشت؟؟

سلامي لأبوفيصل
BASSAM
18/12/2006, 08:47 AM
الحمدالله على السلامه يا ابو ناصر

وماتشوفون شر


نشوفك قريب ان شاء الله



بسام
القرم
18/12/2006, 09:53 AM
بارك الله فيك يا المترو ... كل خميس ما تلقى لك مكان تتغدا فيه من كثر العوايل الي كاشتة كلن يبي يمشي عيالة ويطلعهم يتنفهون والكشته مع العايلة ممتعة لكن لها اعتبارات خاصة من حيث المكان والزمان..

دمت بعافية
هاوي مقناص
18/12/2006, 10:03 AM
السلام عليكم ورحمة وبركاته .

كلامك علي متمه يالغالي ، وفكر ه جميله .

وحمدالله علي سلامت ، البنت .

واهم شي يالغالي الاحتياطات اللازمه واخذ الحذر يالغالي .

ودمت .

اخوك: هاوي مقناص .
حفرلوجيا
18/12/2006, 01:13 PM
الحمدلله على سلامة البنية يابو ناصر .. وسلامة دايمة إن شاء الله..
واللي يشوفك مطامر كل اسبوع يقول إن مخالفاتك كثيرة .. وأظن ناصر واخوانه ( ياحول ) يبي يصومون عقب هالعصرية ..إلى بعد العقارب ..:rolleyes: