مفتاح الغاز لقز بريموس انكسر .. وش الحل ؟

[شاص]

عندي قز بريموس أحمر .. وانكسر مفتاح الغاز اللي يطول الشعلة ويقصر عليها .. وبحثت عند محلات الرحلات ولم أجد له قطع غيار .. وين ألقى له بديل ؟

[خالد الخطير]

انت اي منطقه ؟!

اذا مانت بالرياض لعلي ابحث لك بالمحلات

واذا انت بالرياض هل مريت محل بيتي والرحله لان موقدهم التكسبورت مشابه للبريموس الاحمر

وكذلك هل كلمت المرباع ؟! لانه جابه فتره فلعل عنده باقي قطع

عموماً هذي كوارث الصيني عدم توفر قطع غيار

على ان السويدي الي مقطوع من سنوات فيه باقي قطع غيار او تقدر تولف له قطع هنديه تركب عليه بديله

هذا الكلام ماهو دعايه للسويدي لان اسعاره العاليه مازالت غير مبرره !!

وفيه الكوري بديل جيد نوعاً ما يقوم بمقامه

[شاص]

مشكور ومجمل أخوي خالد .. أنا بالرياض مريت بيتي والرحلة وبرق الحيا والبرية ما عندهم تواصلت مع المرباع مارد علي

ومثل ما تفضلت هذي مشكلة أن الواحد يشري قز بمبلغ وقدره ولا يلقى له قطع غيار ..

[Mohammed5d]

اخوي اذكر عندي مفتاح في السياره شاريه احتياط وبعت القز الاحمر تواصل معي على الخاص وان شاء الله ادوره واعطيك اياه

[Mohammed5d]

لقيتك ارسلي رقمك على الخاص موقعي مخرج ١١حي القدس

[خالد الخطير]

جزاك الله خير اخ محمد على مساعدة اخوك

[قناص الوعول]

دافورين يقومن مقامه واحسن منه وارخص

[أبوأسامه...]

لحم عليه اي مفتاح وراح يخدمك طول العمر




لو تنزل صوره يكون افضل

[شاص]

مشكور أخوي محمد .. تم التواصل على الخاص .. من وين شريته ؟

[شاص]

قناص الوعول .. أبوأسامة .. شكرا لكما

فكرة تلحيم مفتاح واردة كحل أخير

[أبوصالح9]

عند المرباع بعنيزة - بس مدري كم سعره - شفه قدام الكاشير - واذا تبي الشور لحم مفتاح افضل - اخوي غيرها ورجعت خربت مرة ثانية

[شاص]

مشكور على المعلومة وعلى الشور يابوصالح .. جزاك الله خير