شنطة عدة

[majed1111]

السلام عليكم

ياشباب ابي شوركم ناوي اسوي لي شنطه عدة للسيارة جديده وش ارقام المفكاات والسكاريب الي اخذها

[ANAS1994]

رح شارع الريل بالغرابي وهم بيفيدونك

ويمكن تحصل عندهم عدات جاهزه

او قول له ابيك تجهز عده للسياره

[الحربي 591]

اهم شي اصلي
اصلي
اصلي

التجاري راح يخدمك مره مرتين ثم السنون تنمسح

[رفيع المقام]

وعليكم السلام ورحمة الله وبركاته


بدايةً خذ شنطه عده فاضيه ، وجمع فيها العده على راحتك ..

لا انصح بشراء عده كامله ، لانو فيه أشياء ما راح تستخدمها أصلاً أضف الى ذلك ممكن تكون صناعتها مش ولابد.
كذلك موجود في السوق عدد مكتوب عليها ميد ان جيرماني وهي اصلاً صناعتها دبي ، أقول هالكلام من واقع رأيته .

[R I V A L]

نصيحتي كالتالي وانا مسويها بنفسي

اشتر شنطة عدة وعلى حسب رغبتك من ناحية النوعية والحجم
انا اخذتها بلاستيكية سهله وخفيفة

اما العدة فانصحك (( تلقوطها انت )) يعني تختارها بنفسك لانه المحلات يبيعون عدة جاهزة كثيييييييييييير من القطع منت محتاجها وتسبب لك زحمة فالشنطة ووزن
لذلك شف لك اشياء انت تحتاجها فعلا
مثلا تجيك السكاريب احيانا يجون مجموعه كامله مع بعض وعدة مقاسات
هذي حلوة

المفتاح الفرنسي (( الادجستبل ))
خذ نوعين نوع صغير ونوع وسط

المفتاح البلدي
خذ المجموعه تجيك يمكن 12 حبة مع بعض بكامل المقاسات

خذ همر مطرقة متوسطه الحجم
بخاخات (( كهربائي وميكانيكي ))
خذ ربطات بلاستيكية ( اللي تربط او تلم الاسلاك مع بعض )
لصقات كهربائية
سكروب او مفتاح كهربائي ( اللي يتأكد لك من وجود كهرباء في السلك اولا ) نسميه سكروب ابو لمبة
خذ علبة مسامير مختلفة الاحجام
صمغ او معجون صمغي
سكين او منشار صغير
مشرط
بصراحة اكتب لك هذي المعلومات وشنطتي جنبي اشوف اللي فيها واكتبه لك
ههههههههههه

يعني حاول تاخذ الاشياء اللي تحتاجها او يحتاجها اي سايق عند حدوث مشكلة فالطريق لا قدر الله
انا اسميها علبة اسعافات اولية للموتر
لانها فعلا اسعفتني واسعفت غيري كم مرة بفضل الله ثم هي

وبالتوفيق ياغالي

[majed1111]

الله يسعدكم ياشباب ويبيض وجيهكم ماقصرتو
فعلا. انا سبق وجبت العيد رحت ساكو واخذت لي 900 مفك وفي الاخير ما استفدت الا من اثنين منهم
هههههههه

[..mgood..]

ماقصرو الشباب فادوك وفادونى