مشاهدة النسخة كاملة : دبل الفتك 2015
السلام عليكم
عندي استفسارين وابي شوركم
حصلي موقف في رباضه قبل فتره علق الموتر
الشي الاول بالدبل الخفيف يوم علق ما دار ولا كفر
مع العلم انه شابك الدبل وفيه حمل مو انه ما لقم
الشي الثاني عشقت الثقيل وبدا يمشي بس من بعد
ظغط 2
وبعد ربع ساعه تقريبا بدت الدعسه تشبك وتفصل
حدتني كل ما شد فصل وارتفعت الحراره لين النص
وطفيته وكانت حراره حقيقيه المويه الي بالقربه قامت تغلي وفورت
انا علمي بالنيسان 98 عادي بعته قبل سنتين
الي معي هالحين فتك 2015 تماتيك
ارجو الافاده وشكرااا
اليامي قطر
15/12/2014, 11:31 AM
شي غرررريب
بأنتظار اهل الخبره
اذا انت راعي بر على طول ركب مبرد قير خارجي وارتاح لان الاتوماتيك عيبة اذا تعرض لضغط ترتفع حرارته ويبرد عزمه على قولتهم وتوصل لدرجة ان الكفرات ما تدور اذا شفتها ما تدور وقف عن الدعس والسيارة معشقة فضها ب N وعطها كم دعسة حق دقيقتين كذا بعدها ارجع عشق وجرب مرة ثانية لانك كذا تخلي موية الراديتر تدور بسرعة ومروحة المكينة ما انها ميكانيكية في الفتك فتدور مع سرعة المكينة فتبرد المحرك والقير بسرعة وتريح الموتر ويجمع عزمة ويطلع وانا قلتلك اذا راعي بران على طول ركب له مبرد ولا بينكبك كل يوم في محل بالتوفيق لك
ذري المعاني
15/12/2014, 01:04 PM
2015 وترتفع حرارته في البر غريبه فيه شي
ابوسند9
15/12/2014, 04:10 PM
وعليكم السلام
اخوي هذا الفتك والوضع عادي بما انك طحت في رباضه وطولت وانت تحاول فيه
لكن خذها قاعدة دبل الفتك الاوتو في حال الغراز ضعيف بالحيل والسياره تحن بس ما تتحرك, فا دائما استخدم الدبل الثقيل في الغراز والسحب ,
اما الحراره المفترض انك ما طفيت السياره وخليتها شغاله حتى تنزل الحراره حتى لو هي على H ,فقط خله شغال 5 دقائق وبتشوف الحراره تنزل للربع , وبعد كذا في حال انك طحت في رباضه نزل الهواء ل 10 مع تحريك الدركسون يمن يسار من شان ينهض نفسه
اما تهريب المويه من القربه اللي امام السائق عادي جدا , وبعد ما تبرد السياره يرجع الماء للقربه اللي بجانب البطاريه
اما الدعسه تفصل وتشبك ,سواء للامام او للخلف فهذا شي عادي واطمئن وهذا بسبب ارتفاع حرارة زيت القير
اكرر كلامي لو حصل لك نفس الموقف فقط انتظر حتى تنزل الحراره والسياره شغاله
وهذا الموقف با الضبط صار لي ممكن خمس مرات والحراره وصلت عندي حول H
عزاه يا ٩٨ و ٩٧
ما قد سووهاا
مشكورين جميعاا
فتك08
15/12/2014, 06:50 PM
مازيد على كلام اخوي ابوسند
و هذا طبيعي بالفتك التماتيك مع الغراز القوي اذا طولت ترتفع الحرارة بسبب مبرد
زيت القير لانه بداخل الرديتر لكن اول مايطيح نسم و ريح مخك
ابو ساره العنقري
16/12/2014, 01:32 AM
وصلت للنص!!!
ياخي لو انت شاب نار بالكبوت ماوصلت للنص خص مع البرد
موترك ماهو صاحي رجعه للوكيل اكيد فيه خلل
مجالس الرجال
16/12/2014, 09:46 AM
مشكلة كثير من الناس يحاول يطلع موتره من رباضه او متعلق بالخفيف حتى يحوس الكلتشات ويحتمي موتره ويرتخي جنزير الدبل ثم يستخدم الثقيل ويزيد الحمل على السيارة والضغط المفترض من اول ماياقف موترك والمنطقه هيار او ربضات تعطيه الثقيل
لابد انك تجرب الموتر خصوصا الي مبعد عن النيسان
وعهده بالقديم
واشكركم جميعاا واستفدت منكم الله يحفظكم
رووس النايفات
17/12/2014, 01:11 PM
صدقوا الشباب .. الأصل من يوم تطيح في رباض لوه قير عادي انهض الموتر بالثقيل لين يعتق ثم فكه وعطه الخفيف أريح للموتر وأخف .
عاشق الغضا
18/12/2014, 09:53 AM
مشكلة كثير من الناس يحاول يطلع موتره من رباضه او متعلق بالخفيف حتى يحوس الكلتشات ويحتمي موتره ويرتخي جنزير الدبل ثم يستخدم الثقيل ويزيد الحمل على السيارة والضغط المفترض من اول ماياقف موترك والمنطقه هيار او ربضات تعطيه الثقيل
نفس الكلام
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir