اريد حل للكتمة في الجكس آر 2003

[فايح الراس]

السلام عليكم ورحمة الله وبركاته :
السيارة جكس ار 2003 قير أوتوماتيك .
المشكلة أحس بكتمة مع الدعسه إذا هديت ورجعت ادعس يكتم بعدين يفز طبعا مثل لو أهدي عند مطب او اديور او اهدي في زحمه وادعس يكتم بعدين يفز ..
أحيانا يصير فيه زي النتعه من التغير من النمره الأولى إلى الثانية .
طبعا في العموم عزمها ضعيف او بالا صح أحسها ثقيله و مكتووووومه ..
تم عمل تصفيه كامله بواجي مع الأسلاك وتنظيف البخاخات مع المنظم وتغيير فلتر هواء وصفاية بنزين ، بالإضافة إلى زيت وفلتر قير وتنظيف حساسات القير ..
فلم اجد فائدة تذكر ومازالت المشكلة .
بعد ذلك فحصت كمبيوتر لدى شركة جيركو وقالو توظيب كامل !!!!! أوجست في نفسي خيفة

بعده فحصت لدى البازعي طلع معي المهندس الفلبيني وقال عادي الأمر طبيعي السيارة سته سردنل قلت ماكانت كذا من قبل قال الأمر عادي .. أجابه غير مقنعة ..

بعد ذلك ذهبت لمركز جوانا بالروضة بناء على مدح الناس له .. فحص كمبيوتر وقال عندك حساس السرعة في البدي بلف ( داخل القير ) يبي تغيير وتشييك على باقي الحساسات بس تجيني بعد يومين ..

الحقيقة اعتذر على الإطالة ولكن أحببت أن تكون المشكلة واضحة لإبداء الرأي حولها لأني والله محتار ،، ومليت من التنقل بين الورش دون فائدة ..

اشكر لكم سلفا تجاوبكم ،،

[يالبى الهلا]

مساء الخير ياعزيز اسف علي الرد السريع
مشكلتك طرمبة البنزين تحتاج تغيييييير مع تغييير الفلتر الداخلي الصغير داخل التانمي مشبوك بالطرمبة
وﻻافضل تركيب طرمبة فكسار اسرع واطول عمراااااا
ونصيحة ابعد عن بنزين 91 يعدم االبخاخات والطرمبة
عبئ دايما 95 غالي بس سعرة فية وجرب والتجربة اكبر برررهاااااااان

[الصيادالمليح]

عاين دبة التلوث غالبا تلقاها شبه مسدودة وتحتاج تغيير موديل سيارتك مضى عليها اكثر من عشرة سنوات فاكيد دبة التلوث صارت شبه مسدودة

اللي سوى لك تصفية مكينة ما فك دبة التلوث وعاينها

[فايح الراس]

أشكرك أخوي ( لبى الهلا ) الله يبيض وجهك ما قصرت ..

بالنسبة لطرمبة البنزين حاطها بقفص الاتهام إلا أن الكمبيوتر طلعها بريئة
ومن ناحية البنزين ما اعبي غير ٩٥ ..
لكن برايك نتيجة فحص الكمبيوتر الأخيرة غير صحيحة وان سالفة جهاز الفحص مجرد مصيدة

والشكر موصول لك أخوي ( الصياد المليح ) الله يبيض وجهك
سبق لي وان فحصت دبة التلوث وقال العامل ان مافيه دبه يبدو أنها مشيوله بحكم أني مأخذ السيارة مستعمله ..

[الشلفا]

أخوي شفت كلام يالبى الهلا
طبقه بالحرف وبتعين خير بإذن الله
عن تجربة مريرة
وما قصر جزاه الله خير كفى ووفى بالعلم الصامل
وموفق اخوي

[فايح الراس]

لا هنت أخوي ( الشلفا ) بيض الله وجهك علمك وافي

دامك صاحب تجربه ياليت تفيدني لا هنت :
* هل طرمبة الفكسار افضل من ناحية العزم او العمر .
* الصرفية بتزيد او نفس الأول
* هل تحتاج ترهيم او تركب على طول وأي ميكانيكي
وأخيرا افهم من كلامكم أن نتايج الفحص السابقة مبالغ فيها ..

واعتذر لو ثقلت عليك بأسئلتي جزاك الله خير ..

[ابوراكان تبوك]

أشكرك أخوي ( لبى الهلا ) الله يبيض وجهك ما قصرت ..

بالنسبة لطرمبة البنزين حاطها بقفص الاتهام إلا أن الكمبيوتر طلعها بريئة
ومن ناحية البنزين ما اعبي غير 95 ..
لكن برايك نتيجة فحص الكمبيوتر الأخيرة غير صحيحة وان سالفة جهاز الفحص مجرد مصيدة

والشكر موصول لك أخوي ( الصياد المليح ) الله يبيض وجهك
سبق لي وان فحصت دبة التلوث وقال العامل ان مافيه دبه يبدو أنها مشيوله بحكم أني مأخذ السيارة مستعمله ..

نعم انا تفقد بنفسي ولم اجد دبات تلوث
دام موترك تماتيك
قيور اللاند ماتخرب بسهوله
النتعه
يا من طرمبة البنزين
او حساس العصفوره يلعب في فتحته اغلاق الثروتل
او تماتيك المروحه ماهو مضبوط
لان التماتيك يقيس التبديلات على اشياء منها ضغط المكينه والتماتيك حق المروحه اذا خربان او خفيف زياده او العكس مايعطيك صفاوه في الدعسه والتبديلات
+
افصل اصابع البطارية وردها لعل وعسى اسهل شيء ابدأ فيه

[ateeq7]

السلام عليكم
لي صديق عنده فكسار 99 كان يعاني بكثره من زيادة صرفية البترول وضعف القوه كل ما يفحص كمبيوتر ما يبين شي كان شاك في الضفيره يقول كان كم واير مقطوع فيها بس مش متاكد رح كم كراج اول مايشيكون على السيارة يقولون له المحرك في صوت الفالفات او الصبابات طقطقه قالوله اول حاجه شوف موضوعها و بعدين نشيك على الباقي راح اكثر من كراج كلهم قالوله نفس الكلام راح وفك وجه المكينه و المفاجاه قاله الميكانيكي كيف تمشي هذه السيارة قاله ما اخلي مكان الكربون عادم الصبابات و بعضها تشقق فيه قالوله انته محضوض ما انكسر الصباب في المكينه

شيك على الصبابات او استعمل منظف اولا تغير فلتر البترول و افتح البلاكات اذا فيها كربون كثير نظفها او غيرها
اما بخصوص مضخة البترول هذه تقدر تفحصها بيركبون عداد نفس الخاص بضغط المكيف و بين اذا الضغط مناسب ولا ضعيف

[فايح الراس]

أشكرك أخوي ( ابو راكان تبوك ) على إبداء رأيك وهو محل اهتمام بارك الله فيك ونفع بك ..

وأشكرك أخوي ( ateeq7 ) على ردك الجميل ونفع بك وسبق ان عملت تصفيه كاملة للسيارة دون جدوى كما ذكرت أعلاه ..

والحقيقة مازلت أطمع في الاستزادة من آراء أهل الخبرة والتجربة لكي أقوم بعمل الصيانة آخر الأسبوع ان شاء الله ..
وأريد كرما الإجابة حول طرمبة البنزين للفكس ار ..
وهل الفحص بالكمبيوتر يعتبر غير مجدي ، ونتايجه غير صحيحة ..

بارك الله فيكم جميعا وجعل ماتقدمونه في ميزان حسناتكم ..

[1824]

اتوقع شيء من اثنين من كلامك حساس الهواء او الثروتل بدي او طنجرة القير بالتوفيق لك

[craino]

حياك يا فايح
هل لمبة مكينة السياره مولعه
اذا مولعه كم رقم الكود
هل احد قاس لك ضغط الطرمبة حقت البنزين , هل احد شاف لك قراءات حساس القربه ماف, هل احد قرأ لك وفحص حساس الثروتل
انا ما عرف هالورش شايلين اجهزة فحص وما يعرفون لها ليش
وكم ممشى السياره لا هنت.

[ابوعبدالله172]

اخي الغالي غير البواجي واسلاكها وتظبط امورك ان شاءالله

[فايح الراس]

اتوقع شيء من اثنين من كلامك حساس الهواء او الثروتل بدي او طنجرة القير بالتوفيق لك

أشكرك أخوي على إبداء رأيك ..
المشكلة قلت لأكثر من ورشه الطنجرة وقالو لو فيها خراب صوتها بيكون واضح !!!!
أما حساس الثروتل كيف اعرف انه خربان لو فحصته بنفسي ..

[فايح الراس]

حياك يا فايح
هل لمبة مكينة السياره مولعه
اذا مولعه كم رقم الكود
هل احد قاس لك ضغط الطرمبة حقت البنزين , هل احد شاف لك قراءات حساس القربه ماف, هل احد قرأ لك وفحص حساس الثروتل
انا ما عرف هالورش شايلين اجهزة فحص وما يعرفون لها ليش
وكم ممشى السياره لا هنت.

ياهلابك أخوي وما قصرت ..
من ناحية اللمبه إذا تقصد بالطبلون مالك لوا ماو لعت . أما ان كان تقصد في جهاز الفحص فكل اللي فحصو يقولون المشكلة بالقير بس المصيبة مافيه تحديد دقيق للمشكلة
أما فحص الطرمبه يقولون مابين في الجهاز وهذا دليل أن مافيها مشكله من وجه نظرهم

والحساسات اللي ذكرتها إذا الفحص باليد والعين محد فحصها لان الاعتمادية على الجهاز
وبصراحة مثل ما تفضلت الظاهر ما يعرفون للأجهزة او أنها غير دقيقه وأخشى أنها مجرد مصيدة للزباين ..

شاكر اهتمامك ..

[فايح الراس]

اخي الغالي غير البواجي واسلاكها وتظبط امورك ان شاءالله

ما قصرت أخوي ( ابو عبدالله )
الحقيقة كل شي مغيره بس بدون فايده للأسف ..

شاكر مرورك ..

[ابوراكان تبوك]

طيب التانكي الاحتياطي جربت تمشي عليه

تأكد من الهوز الكبير الموصل من علبة فلتر الهواء للثروتل هل به شقوق او ماهو مشدود زين

وماهو نوع البواجي اللي انت غيرتها

[x.ls1.x]

شوف ياعزيزي انا سبق ان تاثر عزم موتري وسويت اغلب الاشياء من تصفيه وامور لكم مافيه تغير كبير بعدها ركبت قيج يقيس ضغط طرمبة الزيت واتضح انه منخفض اكثر من اللازم وتم استبدالها واختلف الموتر بشكل كبير للافضل

[فايح الراس]

طيب التانكي الاحتياطي جربت تمشي عليه

تأكد من الهوز الكبير الموصل من علبة فلتر الهواء للثروتل هل به شقوق او ماهو مشدود زين

وماهو نوع البواجي اللي انت غيرتها

ياجعلك تسلم يابو راكان ماقصرت انت والإخوان الله يجزاكم خير ..

التبديل للتانكي الثاني نفس الكلام الكتمه تكون موجوده إلا إذا كانت جميع الطرمبات ضعيفة

أما الخرطوش يظهر لي مافيه شي ..
والبواجي مغير الأصلية اللي تجي برأسين ..

[فايح الراس]

شوف ياعزيزي انا سبق ان تاثر عزم موتري وسويت اغلب الاشياء من تصفيه وامور لكم مافيه تغير كبير بعدها ركبت قيج يقيس ضغط طرمبة الزيت واتضح انه منخفض اكثر من اللازم وتم استبدالها واختلف الموتر بشكل كبير للافضل

أشكرك أخوي على مداخلتك ووضع تجربتك الله يبارك فيك وفي حلالك ..
بس لو تكرمت ما وضحت أي طرمبة تقصد طرمبة زيت القير او المحرك ( الماكينة )

[ابوراكان تبوك]

ياجعلك تسلم يابو راكان ماقصرت انت والإخوان الله يجزاكم خير ..

التبديل للتانكي الثاني نفس الكلام الكتمه تكون موجوده إلا إذا كانت جميع الطرمبات ضعيفة

أما الخرطوش يظهر لي مافيه شي ..
والبواجي مغير الأصلية اللي تجي برأسين ..

ومن قال سلم

مشكلة الهوز تحدث كثير ياليت تفكه وتعيد تركيبه لانه اكثر من مشكله للكتمه قريتها هنا يتظح في الاخير بان الهوز مشقوق او به تنسيم

البواجي فيه نوعين تويوتا ماتنفع
ngk :good2:

عندك هذا الحساس اللي بالصوره فيه لسان من الداخل يتحكم باغلاق الثروتر وكثير مايعلق ولا يغلق الفتحه كامله او يلعب في توازنها

فكه نهائي وجرب بدونه
http://www.mekshat.com/pix/upload03/images138/mk42634_100_0875.jpg

[ابووهب]

السلام عليكم حياك الله اخوي
كان عندي نفس مشكلتك
ثقل ب العزم ونتعه بعض الأحيان
وكنت اقول القير لدرجة ان الموتر مابه عزم مررره
وعن طريق الصدفه كنت مغسل الموتر ومهلي الوطيات الله يكرمك غندهم تغسل ب الماء
ومتعود علي الدعسه واركب الموتر وادعس الا الموتر يطير ويفحط واروح أخذ لفه عليه صار مضبوط
وش صار المشكله ان الوطايه كبيره وعريضه و داخله تحت دعست البنزين ولا تعطيها مجال اخذ الدعسه المناسبه يعني مايمدي الا ادعس ربع الدعسه فقط وخرت الوطايه والحمد لله العزم بطلل
اتكلم من باب تجربه
موتري لاند 2003

آسف على الإطالة
محبك ابووهب
ماشاء الله تبارك الله