خيمة غطاوينا ضحى اليوم جيناه=وجيناها ليلٍ والغطاوي ركايد...الحل.نذر.حله.صقرالسديرات

[ابو ماجد 2]

بسم الله الرحمن الرحيم

السلام عليكم ورحمة الله وبركاته

ياربعنا همتكم الخيمه تشهد خمول مخيف


خيمة غطاوينا ضحى اليوم جيناه=وجيناها ليلٍ والغطاوي ركايد
فيما مضى هالوقت لامن حسبناه= اربع لغوزٍ وارداتٍ جدايد
اربع لغوزٍ والبواريد تتناه=بدعٍ ورمعٍ سايد الجو سايد
واليوم خيمتنا تواجه معاناه=بعض الربع فيها زهايد زهايد
عق وجفا من بعضنا ماهقيناه=لكن لها يبقى قرومٍ ولايد
ياربعنا هالخيمه اللي بنيناه= حتى غدت معلم امام الشهايد
الياتهاوت كل ابونا خسرناه=الياتهاوت ماتفيد الضمايد
هذا ولغزي للجدايد طرحناه=لغزٍ ولا ظنيت دونه لدايد
كلمه وكلمه مافرقن لاكتبناه=يامن فكاك الغطو عندك عوايد
وليابغيت شرحٍ يبين لمعناه=نوب المعاني لو تمعَّن ضدايد
هذا عنى اللي كل ابونا تركناه= هذا عنى اللي نلتزم به وكايد
ثلاث حروفٍ ونقطتينٍ حصرناه=لاناقصٍ ولا حرف زايد



مع تحيات ابو ماجد

منتديات مكشات . خيمة الالغاز

[ice.cube]

وعليكم السلام ورحمة الله وبركاته
صح السانك وبناك ويديم لك صحتك ونشاطك
اخوي
ابو ماجد
والربع الله يعقلهم سالمين غانمين

وش رايك بكلمة
قطع
قطع الشي جزه
قطع على نفسه وعدا التزم بوعده

تحيتي وتقديري
ابوسليمان

[يمكن شاعر]

عليكم السلام يالغالي
وصح لساااانك ملاييين لاهنت
والله يجيبهم بالسلامه

[صقر السديرات]

صح لسانك ملايين ابو ماجد
والخيمة قايمة ما قام عسيب
بجهودك وجهود الاخوة المباركين
تمرض صحيح بس تموت لا ان شاء الله تضل خيمتنا شامخة
وكل عذره معه بس انت خابر يا ابو ماجد مع هالبرد والحالات الجوية الكثير ينشغل لكن ترى مايسرك ان شاء الله
دمت بخير

[صقر السديرات]

محاولة
يمكن
نذر
دمت بخير

[ابوذيبان]

الله الله الله

صح قلبك يالغالي ـ ابوماجد . ملاييييييييين

اثرت الشجون . ياراعاك الله

الخيمة تفتقد الكثير من اهلها . . والله المستعان

وكما تعلم يالشيخ . اذا غاب الرماع والمشارك ، من الطبيعي يحصل فتور في البادع المؤلف .!!

وكما تفضل الغالي ـ ابوفيصل . في مثل هذه الاجواء الكثير ينشغل ويغيب مع الاشغال الاخرى .

جدي تقول في اخر بيت ..
ثلاث حروفٍ ونقطتينٍ حصرناه = لاناقصٍ ولا حرف زايد

اخر شطر . فيه نقص كلمة كاملة . لاناقصٍ حرفٍ ولا حرف زايد

انت انقصت كلمة كاملة الكبر شين وبس هههههههههههه


رمعة . ياعم

عـقـد . ثلاث حروف ونقطتين

عقد فترة من العمر . وهي عشر سنوات وكل ابونا تركناه

عقد ـ بين متعاقدين مثل الزواج والعمل وغيره الكثير ....من العقود . ويجب علينا الالتزام بالعقد


واسلم وسلم

المحب

0

[ابو ما بغى]

وعليكم السلام ورحمة الله وبركاته
ويصح لسانك الى ما لا نهاية
نداء مود - لجمعة مباركة - الله يجمعهم على طاعة
احسنت احسن الله اليك يالقدوة - قرع الجرس طيب
والظروف حاكمات - ولا بد ما تزين وهي والله زينه مع العافيه ولله الحمد
لا هنت ولا هان غاليك - دمت سابقاً لكل طيب
المنهل ما قصر مع التفصيل يسلم فكره
موفقين

[ابو ماجد 2]

وعليكم السلام ورحمة الله وبركاته
صح السانك وبناك ويديم لك صحتك ونشاطك
اخوي
ابو ماجد
والربع الله يعقلهم سالمين غانمين

وش رايك بكلمة
قطع
قطع الشي جزه
قطع على نفسه وعدا التزم بوعده

تحيتي وتقديري
ابوسليمان


هلا ومليون هلا
هلابك يابو سليمان
صح بدنك يالغالي
والله ياخيي انا ماقلت هالابيات الا خوفي على الخيمه
والسبب اني عايست المنتديات متى ماتعثر المنتدى من الصعب نهوضة مرة اخرى
شرفتنا يالغالي
والرمعه جميله وحضورك دائما جميل

[ابو ماجد 2]

عليكم السلام يالغالي
وصح لساااانك ملاييين لاهنت
والله يجيبهم بالسلامه

هلا بشاعرنا المتمكن
هلا بابن الكويت الحبيبه
صح بدنك يالغالي
وان شاء الله يعودون كما عهدناهم
شرفتنا يالغالي

[ابو ماجد 2]

صح لسانك ملايين ابو ماجد
والخيمة قايمة ما قام عسيب
بجهودك وجهود الاخوة المباركين
تمرض صحيح بس تموت لا ان شاء الله تضل خيمتنا شامخة
وكل عذره معه بس انت خابر يا ابو ماجد مع هالبرد والحالات الجوية الكثير ينشغل لكن ترى مايسرك ان شاء الله
دمت بخير

صح بدنك يامشرفنا ومحافظنا ومبدعنا
وان شاء الله الخيمه تستمر قائمه في ظل اشرافكم انت ونحلة مكشات وتواجد هالنخبة الله لايفرقنا
وماعليش من ممارستي مع منتديات الالغاز اذا مرضت بالغالب تموت
وانا عارف ان مثل هالفترات يحصل فيها جمود لكن ليس الا هذا الحد
تصور من عقب صلاة الظهر حتى العشاء لم يتحرك المنتدى وهذا مؤشر خطير
لكن بجهودكم وهمتكم نرجع ان شاء الله كما كنا

[ابو ماجد 2]

محاولة
يمكن
نذر
دمت بخير

ماشاء الله تبارك الله
كفوووووووووووووو كفووووووووووووووووووووووو كفوووووووووو
نعم
نذر
ولشرح اللغز

خيمة غطاوينا ضحى اليوم جيناه=وجيناها ليلٍ والغطاوي ركايد
حقيقة ياجماعه هالفترة لم يتحرك فيها المنتدى
فيما مضى هالوقت لامن حسبناه= اربع لغوزٍ وارداتٍ جدايد
عادة هالوقت يطرح فيها حروة اربعة الغاز من غير الترميع والمشاركات
اربع لغوزٍ والبواريد تتناه=بدعٍ ورمعٍ سايد الجو سايد
واليوم خيمتنا تواجه معاناه=بعض الربع فيها زهايد زهايد
عق وجفا من بعضنا ماهقيناه=لكن لها يبقى قرومٍ ولايد
نعم هالخيمه اعتدنا ان كل من راح وقلنا صعب تعويضه عوضنا الله بمايوازيه ويبقى بهالخيمه قروم ولا يد ينهضون فيها
ياربعنا هالخيمه اللي بنيناه= حتى غدت معلم امام الشهايد
الياتهاوت كل ابونا خسرناه=الياتهاوت ماتفيد الضمايد
وان شاء الله لاتتهاوى
هذا ولغزي للجدايد طرحناه=لغزٍ ولا ظنيت دونه لدايد
كلمه وكلمه مافرقن لاكتبناه=يامن فكاك الغطو عندك عوايد
نذر . نذر
وليابغيت شرحٍ يبين لمعناه=نوب المعاني لو تمعَّن ضدايد
نوب معناهن ضد بعض
هذا عنى اللي كل ابونا تركناه= هذا عنى اللي نلتزم به وكايد
نذر بمعنى نترك . نذر نلتزم بالوفاء به
ثلاث حروفٍ ونقطتينٍ حصرناه=لاناقصٍ ولا حرف زايد
لايحتاج شرح

[ابو ماجد 2]

الله الله الله

صح قلبك يالغالي ـ ابوماجد . ملاييييييييين

اثرت الشجون . ياراعاك الله

الخيمة تفتقد الكثير من اهلها . . والله المستعان

وكما تعلم يالشيخ . اذا غاب الرماع والمشارك ، من الطبيعي يحصل فتور في البادع المؤلف .!!

وكما تفضل الغالي ـ ابوفيصل . في مثل هذه الاجواء الكثير ينشغل ويغيب مع الاشغال الاخرى .

جدي تقول في اخر بيت ..
ثلاث حروفٍ ونقطتينٍ حصرناه = لاناقصٍ ولا حرف زايد

اخر شطر . فيه نقص كلمة كاملة . لاناقصٍ حرفٍ ولا حرف زايد

انت انقصت كلمة كاملة الكبر شين وبس هههههههههههه


رمعة . ياعم

عـقـد . ثلاث حروف ونقطتين

عقد فترة من العمر . وهي عشر سنوات وكل ابونا تركناه

عقد ـ بين متعاقدين مثل الزواج والعمل وغيره الكثير ....من العقود . ويجب علينا الالتزام بالعقد


واسلم وسلم

المحب

0

هلا بمنهل الابداع
صح بدنك
وهذا نتاج الحرص وحبي لهالخيمه واهلها
ياحبي لك هاللغز كتبته وكان مع المقدمه يمكن ستة ابيات
وكنت مواعد الهيل يمر علي عندنا طلعة مع زملاء كنا شله قبل اكثر من ثلاثين سنه
المهم كتبته وكل شوي اسوي تعديل بزيادة بيت لغايه ماامغط واصبح شوفة عينك قرقه واجد
ومن بين الابيات التي زدتها الاخير ومع العجلة سقطت كلمة حرف والهيل عند الباب وحتى انا اقول في نفسي تقل قضيت من هالبيت بسرعه ماشاء الله علي
هههههههههههه
اثري طامر كلمه
شرفتنا يالغالي والرمعه طيبه والحل عند ابو فيصل

[ابو ماجد 2]

وعليكم السلام ورحمة الله وبركاته
ويصح لسانك الى ما لا نهاية
نداء مود - لجمعة مباركة - الله يجمعهم على طاعة
احسنت احسن الله اليك يالقدوة - قرع الجرس طيب
والظروف حاكمات - ولا بد ما تزين وهي والله زينه مع العافيه ولله الحمد
لا هنت ولا هان غاليك - دمت سابقاً لكل طيب
المنهل ما قصر مع التفصيل يسلم فكره
موفقين

هلا ومليون هلا
هلا بجم الابداع
وانت من الاشخاص اللي اتوا متأخرين ونفخر بتواجدهم معنا
فانت رامع وبادع وشاعر تطبنا كلماتك
نعم انا خابر ان الغالبيه لديهم ظروف ولكن هو تخوف محب
المنهل ماقصر والرمعه طيبه والعقد تركناه ومقبلين عليه ان عطانا الله عمر
لكن نذر تاتي بمعنى ندع ونترك
والحل عند ابو فيصل

[ناصر العلي]

سلمت ياأبوماجد

وصح لسانك

وماألوم منهو مثلك لو قلق

لكن فترة وراح تعدي بإذن الله

وكفو والله ياأبوفيصل

ولله درّك يالغالي

دمتم بخير

[ابوماريا]

عليكم السلام ورحمة الله وبركاته
صح السانك يابو ماجد
وشكرا على حرصك باستمرار تجمعنا
وبالنسبة لي اعترف بالقصور ولكن ماهو عزوف من الخيمة وأهلها
يمكن بيات شتوي هههههههههه
لكن نبي نلبي النداء وخصوصا انه من نور المنتدى وزعيمها
وأبشر بالخير

وكفووووومليون كفوووووووو
يابو فيصل

[ابو ما بغى]

يصح لسانك يالزعيم
ويستاهل الكفو ابوفيصل ويسلم فكره والله
ولا هنتوا جميع
موفقين

[عبدالهادي 10]

يعطيك العافيه