مشكلة القارمن البحث عن نقاط الاهتمام البرية

[abuyad]

السلام عليكم

ياجماعة الخير عندي مشكلة بالقارمن لاجيت ابحث عن الفياض او قرى معينة بالخريطة البرية لم يتم العثور على نتائج،
جربت كل الخرائط ورغم انه لاتصفحت الخريطة كل الفياض موجودة بأسمائها والقرى حتى اختار البحث من قرب المنطقة وليس المكان الي انا فيه .

الخريطة المختارة وحده فقط وجربت على وحدة على حدى ، تفاصيل الخريطة الأكثر ، والتوجيه خارج الطريق وجربت الطريق الاسرع والمسافة الاقصر ولا شي ميح.

نقاط الوصول داخل الديره موجودة وتظهر بالخريطة ، ملف التقاطعات موجود . ماخليت شي ماجربته ولا اعرف وش السبب انها ماتظهر،

القارمن منزله على جوالي النوت 4 وشغال كل شي فيه 100% وعربي كامل لكن مشكلة البحث والفياض علتني

اذا تقدرون تفيدوني ياجماعة عن سبب المشكله وحلها اكون شاكر ومقدر لكم

[Tameem65]

و عليكم السلام

اذا تقصد برنامج قارمن فياقو، الطريقة تكتب اسم الموقع في مربع البحث مثل الصورة، بدون ما تدخل على الى اين

http://tapatalk.imageshack.com/v2/14/12/18/73554f7ecada55fa04624ecf22f097b8.jpg

[abuyad]

ماقصرت يابعدي لكن موب فياقو لا برنامج القارمن العادي ماغير

[هارون97]

اشور عليك اترك كل برامج القارمن في الجوال وشتر نوفي 3597 lmtوريح راسك انا مع نوفتيل اليوم كاشت يوم جيت اشغله رفض يشتغل وانا في البر بس الحمداالله معي قارمن نوفي لو انا معتمد علية كان ورطت

[abuyad]

الله يجزاك خير يالغالي، معي قارمن نوفي 50 وماشي حاله لكن عندي التابليت شاشته كبيره والقارمن عليه افضل من اي جهاز قارمن بدون وجه مقارنة وعندي بالجوال وين مارحت ولا عمره خانني ولله الحمد لكن بس خاصية البحث فيها اشكاليه ولو بغيت شي تصفحته بالخريطه ورحت له لكن متعبه الشغله شوي نوعاً ما لاصرت بروح منطقه اول مره اروح لها.

النافيتيل مايعتمد عليه نهائيا جربته من فترة وجداً سيئ

[ASD100]

الله يجزاك خير يالغالي، معي قارمن نوفي 50 وماشي حاله لكن عندي التابليت شاشته كبيره والقارمن عليه افضل من اي جهاز قارمن بدون وجه مقارنة وعندي بالجوال وين مارحت ولا عمره خانني ولله الحمد لكن بس خاصية البحث فيها اشكاليه ولو بغيت شي تصفحته بالخريطه ورحت له لكن متعبه الشغله شوي نوعاً ما لاصرت بروح منطقه اول مره اروح لها.

النافيتيل مايعتمد عليه نهائيا جربته من فترة وجداً سيئ

النافيتيل رائع جدا وأستخدمه من سنوات وأفضله على برنامج قارمن وبرنامج فياقو ( مع أنها موجودة كلها في جهازي الجالكسي ) .. وظهر هذه الأيام برنامج آخر منافس له ومشغل لخرائط الصحراء ، واستخدامه واضح للغاية والبحث فيه في غاية السهولة .. وتوجد نسخة منه لجميع الأنظمة المشهورة بما فيها الويندوز المكتبي وشاشات السيارات .. وتجد البرنامج على الرابط التالي :

http://www.mekshat.com/vb/showthread.php?t=663913

وللبحث عن كافة المواقع اضغط على : ( بحث ثم مكان ثم أخرى ..) ..

[abuyad]

الله يجزاك خير يابعدي
عندي سفن وايز مع الخريطة البريه ولا بأس به ، لكن انا مو مشكلتي مع برامج الملاحة انا مشكلتي اني ابي اشغل خاصية البحث عن الاماكن البرية يعني المشكله مو بالبرنامج ، البرنامج خاصية البحث بالمدن ممتازة ودقيقه ولا فيها اي مشكلة بس الاشكالية لا بحثت عن شي بالخرايط البرية يطلع لي نتايج قليلة مره او مايطلع شي خلقه .
في احد المواضيع شخص يواجه نفس المشكله ومعه جهاز قارمن يعني الاشكالية موب من الجوال