اهل الشوازن لدي مشكله فزعتكم

[talali]

السلام عليكم ورحمة الله ويركاته

لدي مشكله في الشوزن ام حبه اسبانيه

تعرفون الابره لما تفهق البندق وتضغط على الزناد انه الابره

تتقدم تضرب الفشق وترجع للخلف

المشكله لدي انه في بعض الاحيان ارمي الفشق واجي ابغى اكسرها بركب فشق ثاني

الناتوش يصقع في الابره والسبب انه الابره احيان ماترجع للخلف غير ادخل اصبعي ورجعها

عشان تنكسر

نبغى فزعتكم ماهو الحل وهل هو بسيط يتصلح

[الخزيمkzeem]

عليكم السلام اخي الشريط الداخلي ممكن مع تنظيف محل الابره

[talali]

عليكم السلام اخي الشريط الداخلي ممكن مع تنظيف محل الابره

هلا اخوي شكرا لك

وانتظر بقية الاخوه

[talali]

لكن ايش تقصد بالشريط الداخلي

[س ل ط ا ن sul]

صارت معي بأم سيلان فك الابرة ونظفها وزيتها و إن شاء الله تضط

[talali]

صارت معي بأم سيلان فك الابرة ونظفها وزيتها و إن شاء الله تضط

بارك الله فيك اخوي سلطان

وديتها محل يقولي المسمار حق الابره اللي يجي قدام الديك

المكان اللي يركب فيه متوسع بايز

هل المشكله هذي بسيطه تتصلح

[مطر وسم]

ايه بسيطه كل شي يتصلح ودها لواحد فاهم ويضبطها لك واذا انت بالرياض خابر لك باكستاني بسوق الزل بالديره محل الشايقي فنان مره دايم اصلح شوازني عنده ويرهم


موفق اخوي

[talali]

ايه بسيطه كل شي يتصلح ودها لواحد فاهم ويضبطها لك واذا انت بالرياض خابر لك باكستاني بسوق الزل بالديره محل الشايقي فنان مره دايم اصلح شوازني عنده ويرهم


موفق اخوي

بارك الله فيك اخوي عاشق ام سيلان
والله طمنتني انا خفت ماتتصلح
ليتني في الرياض انا مو من الرياض

[س ل ط ا ن sul]

المسمار وظيفته واحدة وهي إن الإبر ما تطيح أو تطلع يعني تروح وتجي والمسمار ماسكها علشان ما تطلع


و إنا أعتقد كلام المحل يوم يقول لك متوسع غير صحيح وراح يبين معك لما تفك المسمار هل المكان متوسع أو لا


جرب اللي قلت لك ماراح تخسر شي



جرب تفك المسمار وتسحب الديك بوضعية الإطلاق وتطلع الإبرة وبعدين نظفها من الوسخ وزيتها ورجع ركبها بس لا تشد على المسمار بالحيل

[س ل ط ا ن sul]

طبعا هالمشكلة صارت معي وسويت اللي قلت لك وماعندك اللحين أحسن منها


وشكرا

[ابو سلطانه]

اخوي الامر بسيط وهين كان انت تقدر تسويها سوها وان انت في الغربيه ابشر بالسعد


ابد فك المسمار الي يحجز الابره ولفه للجهه الثانيه بحيث المكان الي ماسك الابره من الخروج تغيره بمكان ثاني من المسمار (حاجز الابره) ضبطة الخير واهله ماضبطة طلع الابره وحط لها سبرنق صغير ( سسته )من الامام من جهت ضربة الفشقه بين الجرم والابره بحيث يرد الابره بدون

جهد وفالك التوفيق واي شي اخوك حاضر ..


ولاتنساني من الدعاء

[talali]

المسمار وظيفته واحدة وهي إن الإبر ما تطيح أو تطلع يعني تروح وتجي والمسمار ماسكها علشان ما تطلع


و إنا أعتقد كلام المحل يوم يقول لك متوسع غير صحيح وراح يبين معك لما تفك المسمار هل المكان متوسع أو لا


جرب اللي قلت لك ماراح تخسر شي





جرب تفك المسمار وتسحب الديك بوضعية الإطلاق وتطلع الإبرة وبعدين نظفها من الوسخ وزيتها ورجع ركبها بس لا تشد على المسمار بالحيل


بارك الله فيك اخوي سلطان راح افكها وانظفها

[talali]

اخوي الامر بسيط وهين كان انت تقدر تسويها سوها وان انت في الغربيه ابشر بالسعد


ابد فك المسمار الي يحجز الابره ولفه للجهه الثانيه بحيث المكان الي ماسك الابره من الخروج تغيره بمكان ثاني من المسمار (حاجز الابره) ضبطة الخير واهله ماضبطة طلع الابره وحط لها سبرنق صغير ( سسته )من الامام من جهت ضربة الفشقه بين الجرم والابره بحيث يرد الابره بدون

جهد وفالك التوفيق واي شي اخوك حاضر ..


ولاتنساني من الدعاء


هلا اخوي ابوسلطانه شاكر لك مرورك والله يوفقك ويسعدك

بس لسه مافهمت طريقة السبرنق

[س ل ط ا ن sul]

لا تفكر بالسبرنق نهائيا

[س ل ط ا ن sul]

الابرة يجي فيها سبرنق صغير وهذا دائما يطيح مادري ليش حاطينه

البنادق كلها ما فيهل سبرنق حق الأبرة دائما يطيح ولا منه فايدة

[س ل ط ا ن sul]

على فكرة الأبرة ترجع من الارتداد الحاصل بعد الرمية


بس سو اللي قلت لك و رد لنا

[talali]

برضه يااخوي ماراحت لما انزل البندق على تحت

تخرج الابره بدون ماارمي فهمتني

بحاول اصلح طريقة اخوي بلف المسمار عكس

او اني احاول احطله غراء من الاعلى عشان مايتحرك

[س ل ط ا ن sul]

أن جيت وسكر البندق خل فمها مايل لفوق على شأن الأبرة ترجع ورا

وترا المشكلة بسيظة بالمرة لا تقلق

[talali]

أن جيت وسكر البندق خل فمها مايل لفوق على شأن الأبرة ترجع ورا

وترا المشكلة بسيظة بالمرة لا تقلق

هلا اخوي سلطان

يقولي المحل اللي وديتها له وراني سوجن مافيها مشكله ووراني عملها الصحيح

الابره ماتطلع نهائيا الا اذا رجعت الديك للخلف ورميت

ووراني رمى بدون فشق الابره ظلت خارجه وذكر لانه رمى بدون فشق لما ترمي بفشق الابره

تضرب في الفشق وترجع للخلف

ووراني قدم الابره للامام والبندق مكسوره لما يجي يصكها النتاش يدف الابره للخلف

[قناص الوعول]

الابره يوجد فيها سبرنق صغير من وكالتها واتوقع انها قد فكت الشوزن قبل وانه نسى يركب السبرنق حق الابره وفايدة السبرنق يرجع الابره داخل بعد الرميه ونضام بندقك نفس نضام الونشستر الكسر والله الموفق

[talali]

الابره يوجد فيها سبرنق صغير من وكالتها واتوقع انها قد فكت الشوزن قبل وانه نسى يركب السبرنق حق الابره وفايدة السبرنق يرجع الابره داخل بعد الرميه ونضام بندقك نفس نضام الونشستر الكسر والله الموفق

شكرا اخوي قناص الوعول

معلومه مفيده

[المازن22]

السلام عليكم ورحمة الله وبركاته مثل ما قال اخوي ابو سلطان السسته او الاسبرنق ممكن تكون ضعيفه ماتسحب الابره للخلف اولا تاكد من نظافة الابره وبعدين غير السسته{الاسبرنق} وإن شاء الله تظبط. بالتوفيق

[talali]

السلام عليكم ورحمة الله وبركاته مثل ما قال اخوي ابو سلطان السسته او الاسبرنق ممكن تكون ضعيفه ماتسحب الابره للخلف اولا تاكد من نظافة الابره وبعدين غير السسته{الاسبرنق} وإن شاء الله تظبط. بالتوفيق

بارك الله فيك اخوي