مكينتي تطلبكم الحل وتبي فزعتكم!!

[abdulrhman-20]

السلام عليكم ورحمة الله وبركاته ..

حياكم الله يا اخوان ,,

الحمد لله على كل حال قدر الله علي مكينتي وخبطت ,, موتري لاندكروزر موديل 2003
6 سلندر
القير : اوتو

ابي استشيركم يارجال وين افضل ورشة توظب مكاين ,, وهل تنصحوني اغير المكينه !!
يعني مكينة مستعملة !!

للمعلومية واكون معكم صادق , مالي اي خلفيه عن المكاين وغيرها ,, يعني ممكن يلعب علي اي شخص وهو يظحك بعد في هالناحية ,,

ما ودي اطول عليكم ,, استفساري هو .. ابي ورشه ممتاااااااااااااااااااااازة فالتوظيب ,,

فيه ناس نصحوني ب واحد في صناعية ام الحمام ,, والخوف يجيني واحد يحوق علي الدنيا كلها ,, علما ان المبلغ اللي بدفع له يظيق الصدر شوي ,, ف ودي ادفع المبلغ على واحد شغله ممتاز
فقلت اصبر شوي واستشير اهل الخبرة ..


وافيدونا يا اخوان .. انتظر ردودكم

اخوكم ابو عبدالله ..

[ms662]

السلام عليكم
الله يعوضك اخوي
شيك على تششليح الياباني في الصناعيه القديمه
يجيبون مكائن نظيفه بعد توفيق الله

[ابوسند9]

وعليكم السلام
اخوي ابو عبدالله
الله يعوضك غير ان شاء الله
انتبه توظب عند شخص ما تثق فيه , لان هناك فيه قطع تجاري واصلي ,, ويا ليتك وضعت كم التكلفه؟
وعلى العموم تكلفة التوظيب ما تتبين حتى تتفك المكينه لانه هناك شي اسمة خرط سرندل وهناك قطع ما تحتاج تغيير وهناك راس يحتاج تبديل واموار واجد , واللي يعطيك سعر التوظيب قبل يفك المكينه هذا اسمح لي انه ما احترامي له انه نصاب
اما استبدل المكينه فجيب عليك انك تعرف صاحب التشليح وتعرف موديل المكينه وكم ما شيه
فا انتظر حتى يفيدوك الزملاء
واخيرا اعلم ان سبب تخبيط السيارات هو فلتر الزيت لدى بعض البناشر , وعدم شراء الفلتر من الوكاله

[شايل الظبي]

السلام عليكم ورحمة الله وبركاته
أسعد الله صباحكم جميعاً
أخوي اذا السياره تمشي أنصحك تغيرها بتشليح الكويت ( السكراب ) 120 كيلو من مدينة الخفجي
سياراتهم نظيفه واستخدامهم لها قليل ) وأن شالله سعرها مو غالي
وإذابتوضبها غير جميع القطع اللي بالماكينه كامله لأن كل قطعه لها عمر إفتراضي حتى لو قال لك سليمه بدلها إذا تبي التوظيب 100%
والله يعوض عليك
أخوك / أبو تركــــي

[ateeq7]

قبل اي شي مر السكراب او التشليح اذا حصلت محرك شوف سعره مع التبديل معاك بالمحرك القديم و وهل في احد عندة يغير المحرك من طرفة و بكم ممكن تحصل سعر اقل من الكرجات و الضمان مهم و فاتورة المحرك الجديد لتغير رقم المحرك
و بعدين فكر بكم يكلف التوظيب

[I2.7]

شوف وانا اخوك بالنسبة لي والافضل توظيب المحرك لانك صاحبه واخبر باللي فبطنه
وماتدري يمكن تطب لك فمكينة معدومه .. ولا موظبه توظيب بقطع تجارية .. وتبلش بها وكانك يابو زيد ماغزيت
فمن الاول خذ القرار المناسب .. واذا قررت التوظيب دور شخص ممتاز والناس تمدحه والقطع اصحى ثم اصحى تخليه هو يجيبها انت تشتريها بنفسك عشان تضمن انها اصلي .. وكل يوم وانت ناط له فالورشة مو تخليه يشتغل بكيفه لان بعض العماله ماتنضمن مهما وصل المدح فيهم .. اتمنى ان كلامي اضاف لك شيء وافادك
تحياتي اخوك ابو خالد

[اسدهم]

اشوف اذا انت تبي تستخدم وتحس الموتر باقي فية شدة انصحك بتوضيب

[متقاعد مبكر]

حصلت لي نفس المشكله في لاندكروزر فكس ار 8 سلندر وتسعرت القطع مع شغل اليد طلع واجد وكذلك الميكانيكيه ماني مقتنع في شغلهم لانه انعدمت الامانه ومستحيل تقعد عنده كل الوقت حتى يركب وكذلك العده بدائيه يعني فك وركب فقمت اخذت مكينه من التشليح مركبه على سياره مقلوبه والحمد لله انفكيت من مشاكل الاوله الي عيت تنتهي نصيحه خذ لك واحد عنده خبره في المكائن ورح التشاليح اصرف لك واسرع لك هذا مجرد راي والله يعوض عليك

[ك و ح]

مر لك ورشة عين الصيانة في صناعية الدائري وانشد صاحب الورشة السعودي تراه رجالٍ نصوح يقال له ابو محمد ووصفه ادخل مع شارع الثلاثين اللي عليه مكتب تقديرات الحوادث ووجهك شمال الى ان تصل مكتب التقديرات ثم لف يمين بع التقديرات مباشرة مع شارع عشرين يمين ثم استمر الى قبل ماينتهي الشارع هو يصير اخر مظلتين على يسارك ماريته سيارات اسعافات عنده ا اسم الورشة عين الصيانة حالياً الطيران سابقاً

[ابو البر]

صناعية العروبه
اسأل عن عمر التركي ونم .
ترا ورشته في صف العماره اللي فيها وكالة هوندا
ورشته واجهه غربيه .

[ابو البر]

شوف وانا اخوك بالنسبة لي والافضل توظيب المحرك لانك صاحبه واخبر باللي فبطنه
وماتدري يمكن تطب لك فمكينة معدومه .. ولا موظبه توظيب بقطع تجارية .. وتبلش بها وكانك يابو زيد ماغزيت
فمن الاول خذ القرار المناسب .. واذا قررت التوظيب دور شخص ممتاز والناس تمدحه والقطع اصحى ثم اصحى تخليه هو يجيبها انت تشتريها بنفسك عشان تضمن انها اصلي .. وكل يوم وانت ناط له فالورشة مو تخليه يشتغل بكيفه لان بعض العماله ماتنضمن مهما وصل المدح فيهم .. اتمنى ان كلامي اضاف لك شيء وافادك
تحياتي اخوك ابو خالد
كلامك عين العقل
وانا نصحته يروح لصناعية العروبه
فيه ميكانيكي تركي معلم صح وانسان راقي في تعامله بما تعني الكلمه ومتعامل معه من سنين .
ويعطي ضمان وشغل سريع ومرتب .

[AASEM]

جب القطع بنفسك ولا تشتري الا من الوكاله غاليه بس اصلي صح مب زي محلات القطع الاصلي اللي في المحلات اقل من اللي في الوكاله

[cadillac911]

اخوي اذا بغيت تجيب قطع من الوكالة بس ارسلي على الخاص لأَنِّي أخذ خصم حلو اشتريها لك وأرسلها لك وين ما بغيت حتى لو أوصلها ما عندي مشكلة
اهم نقطة اخوي رقم الهيكل ( الشاصي -VIN ) مع ذكر القطع المطلوبة

اذكر الله تكسب حسنة