عاجل امطار وسيول قوية على ضرماء [الأرشيف]

راعي طويق

16/12/2006, 04:35 PM

بسم الله الرحمن الرحيم

السلام عليكم ومساكم الله بتالخير

الآن سيول قوية على ضرماء

السد 2,20م وحفرة جامعة الملك سعود (مشروع الملك فهد رحمه الله لتصريف مياه السيول الى المجاري السطحية في باطن الأرض) الى الآن ارتفاع السيل فيها حدود متر ونصف تقريبا ومرشحة للزيادة

شعبان النخيل القديمة كلها ماشية وسيلها طيب

شعيب بوضة ماشي ممشى قوي ومزاع الأمير سلطان رويانه سيل طيب اول مرة هذه السنة

الحيسية ماشية ممشى قوي ومن فوق الطريق وللأخوة اصحاب السيارات الحذر من السيل

شعيب غددة ماشي ممشى وسط

الصور معي في الجوال ولا اعرف انزلها في الموقع

الله يطرح البركة

أمير البيان

16/12/2006, 04:39 PM

جزاك الله حيرا...

لكن متى وأي ساعة أنت تقصد...

ولد العشاق

16/12/2006, 04:40 PM

مشكوووور ياراعي العلوم الطيبه ..ليتك واصلت شمال تعطينا علوم السيل على شعبان العويند وأبو صفي والبره والثرماني ولو تعطينا علوم شعيب الشمس ؟

اتمنى تزودنا با لأخبار الطيبه يرا عي البطين وفقك الله :):):)

راعي طويق

16/12/2006, 04:45 PM

بدأت الأمطار القوية الساعة 10 صباحا مطر يقال عنه قوي بالحيل

ثم توالت المخايل كل نصف ساعة او ادون مخيلة قوية تستمر من 10 دقائق وحولها

وكل سحابة تقول اقوى من الي قبلها والمساحات معاد تشيل

الى بعد صلاة الظهر ثم هدأت الأمطار ويجي رش خفيف بين كل ساعة والي وراها

والسحاب زين والله يريد بنا خير ويرحمنا برحمته وينزل البركة

تميمي888

16/12/2006, 04:50 PM

يعطيك العافية راعي طويق

راعي طويق

16/12/2006, 04:52 PM

السد واصله الساعة وحده الظهر والسيل 2,20م

والعبارات مفتوحة للنخيل والسيل في زود

والظهر مشت الحيسية عقب الصلاة ممشى طيب ثم زادت الى القوي مع صلاة العصر

وشعيب غدده مامشى الا مع اذان العصر وسيله موسط

شعيب بوضة ماشي قوي بالحيل

ابوصفي جايه مطر طيب ولاسيل ووارضه رويانه والبرة كذلك

شعيب الشمس ماوصلته لكن من مسار السحاب ماضنيته يسيل

والغزيز جايه مطر طيب من قبل الظهر ومسيل ومزارع الأمير مشعل النعة جايها سيل من الراس طيب بالحيل

ولد العشاق

16/12/2006, 04:55 PM

بارك الله فيك ياراعي طويق

يا ليت لو عندك ماسنجر تضيفني

Mohajer_kk@hotmail.com

ولد العشاق

16/12/2006, 04:57 PM

ما قصرت وعلمك غانم ووفيت

ياليت تضيفني على الماسنجر

Mohajer_kk@hotmail

راعي طويق

16/12/2006, 05:04 PM

ولد العشاق عندي ماسنجر بس والله يالغالي ما افتحه الا كل اسبوع مره منيب حريص عليه

فارس بريده

16/12/2006, 05:15 PM

الله يبشرك بالجنه يا غالي

راعي طويق

16/12/2006, 06:34 PM

جزاك الله حيرا...

لكن متى وأي ساعة أنت تقصد...

اليوم السبت 25/11/1427 هـ من الساعة 11 الى الآن المغرب وكل الشعبان تمشي

راعي طويق

16/12/2006, 06:36 PM

راعي طويق

16/12/2006, 06:38 PM

يعطيك العافية راعي طويق

ويعافيك ياتميمي

راعي طويق

16/12/2006, 06:43 PM

الله يبشرك بالجنه يا غالي

الله يجزاك خير دعوة طيبة من وجه طيب الله يقبل منك ويجعل ووالدي ووالديك واموات المسلمين في جنات النعيم

سنعوسي111

16/12/2006, 06:51 PM

ياليت تزودنا بصور عن امطار ضرما
بيّض الله وجهك
اللهم صيبا نافعا

راعي طويق

16/12/2006, 07:51 PM

ياليت تزودنا بصور عن امطار ضرما
بيّض الله وجهك
اللهم صيبا نافعا

هلابك يالسنعوسي
الصور يالغالي موجودة في الجوال ولا اعرف انزلها في المنتدى
وحاولت بتوصيلة الجوال مع الكمبيوتر ولا عرفت انزلها
والا شعيب غدده مصوره وهو مقبل ومصوره يوم وصل ومصور السد
وكثير من الشعبان بعضها فديو وبعضها صور
لكن ابتعلم انشاء الله ليفضيت من السيول والخير

راعي طويق

16/12/2006, 07:58 PM

سحابة طيبة بالحيل على ضرماء الساعة 7:15 الى الساعة 7:30 مساء بعد صلاة العشاء والآن رش خفيف

بن سعيّد

16/12/2006, 08:04 PM

سؤال للمختصين بعد الشكر لصاحب الموضوع

هل هذا المطر يعتبر في منطقة وادي عبيثران من اعلاه ام لا ؟؟

راعي طويق

16/12/2006, 08:13 PM

سؤال للمختصين بعد الشكر لصاحب الموضوع

هل هذا المطر يعتبر في منطقة وادي عبيثران من اعلاه ام لا ؟؟

حياك الله يابن سعيد

وابشرك الآن الساعة 8:10 سحابة طيبة بالحيل

والشعبان الى الآن وهي تصب في النخيل واتوقع تصبح وبعضها يمشي

الا يابن سعيد وادي عبيثران ذا وينهو فيه ماعندنا في البطين كله وادي عبيثران

تميمي888

17/12/2006, 12:33 AM

وادي عبيثران في المحمل حول ثادق بعيد عن ضرماء

راعي طويق

17/12/2006, 02:16 AM

آخر الأخبار من ضرماء الدفاع المدني سكر عبارات السد عن ضرماء الساعة 12:30 صباحا الأحد

وشيولات البلدية صارت تسد النخيل الي ضهر سيلها على البيوت

وسكر اهل النخيل مزاليف السيل وخاصة شعيب الحميض

والنخيل مليانه بالحيل والشعبان الشرقية من الديرة تمشي لهالحين ممشى طيب

اما الحيسية الساعة 2:00 تمشي وهي ردية وغدده كذلك

المرقاب

17/12/2006, 08:57 AM

مطرنا بفضل الله ورحمته

اللهم لك الحمد حتى ترضى ولك الحمد اذا رضيت ولك الحمد بعد الرضى
اللهم لك الحمد حمداً كثيراً طيباً مباركاً فيه
اللهم لك الحمد في الأولى والآخرة
اللهم لك الحمد كما ينبغي لجلال وجهك وعظيم سلطانك

الله يبيض وجهك أخوي دنيا وآخرة والله يسعدك أخوي دنيا وآخرة

راعي طويق

17/12/2006, 12:33 PM

جزاك الله خير يالمرقاب
آخر الأخبار السيول ركدت ماعدا شعيب المرير لايزال يمشي حتى هذه اللحظة 12:30 ظهر الأحد
لكن امس مامشى الا مصيف مع المغرب

salllh

17/12/2006, 12:40 PM

ما قصرت وعلمك غانم......... ووفيت .

salllh

17/12/2006, 12:42 PM

ما قصرت وعلمك غانم......... ووفيت .

ابوفهد5599

17/12/2006, 01:05 PM

ولد طويق وش اخبار روضه سمحان والخراره والمحليه يا ليت تعطينا علومه لو سمحت:j

راعي طويق

17/12/2006, 01:25 PM

ما قصرت وعلمك غانم......... ووفيت .

صالح ماعليك زود طال عمرك ومشكور على المرور الكريم

راعي طويق

17/12/2006, 01:34 PM

ولد طويق وش اخبار روضه سمحان والخراره والمحليه يا ليت تعطينا علومه لو سمحت:j

روضة سمحان سالت سيل طيب من السيل الأول ومن سيل البارح

والحمد لله اطرافها باذرها بين

اما الخرارة ماوصلتها لكنها بالذكر سايلة من السيل الأول والبارح ماعلم عنها شي والوكاد انه واطيها مطر طيب

اما المحلية ماذكرت سايله وواطيها مطر زين

لكن الربيع والحيا بأذن الله هالزمان ان الله طرح البركة فهو من تفرق على ضرما من الخط السريع وانت مغرب كله بأذن الله بينبت نبات طيب ان الله فكه من البرد

واليلة الله واعلم ماعنا وعن الصفر هبت شمالية تروع

اخوك راعي طويــــــــــــــق

hwe3646

17/12/2006, 01:57 PM

تسلم ياراعي طويق

اشهد انك وفيت وكفيت والله يرحم والديك ان تواصل ولا تحرمنا علومك الزينه الله لايحرمك من الجنه ونعيمها

راعي طويق

17/12/2006, 03:56 PM

تسلم ياراعي طويق

اشهد انك وفيت وكفيت والله يرحم والديك ان تواصل ولا تحرمنا علومك الزينه الله لايحرمك من الجنه ونعيمها

الاخ الغالي hwe3646
السلام عليكم ومساك الله بالخير
جزاك الله خير على ماتفضلت به والله يرحم والدي ووالديك واموات المسلمين
والله يجمعنا جميعا في مستقر رحمته ويرزقنا الجنة ونعيمها ولاهنت طال عمرك
والحقيقة ان الرجال مايتعب ورى العلوم الغانمة الا كرامة للرجال في هالمنتدى الي كل علومهم تشرف
واسئل الله العلي القدير ان ينزل البركة وان يجعله نازل برضى منه علينا وان لايحرمنا خير ماعنده

راعي طويق

18/12/2006, 06:08 AM

ترفع مع الصور

اسير الغربة 1

18/12/2006, 06:24 AM

هاذى العلوم اللى تفرح القلب
يعطيك العافيــــه
اخوك ابوســــــــــــــعـــــــــد
خيال العنقاء شراب المنقاء

راعي طويق

18/12/2006, 06:28 AM

هلا بك يابوسعد وحياك الله والصور في موضوع مستقل آخر لأن الموضوع هذا كان نقل مباشر في نفس وقت السيل والاحداث المصاحبه له

ابوفهد5599

18/12/2006, 11:19 AM

اول شىء انا اسف غلطت ب الاسم 0ثاني شىء مشكور على التقرير المزود با الصور 0 الحامض سايل ولا لا0 :j

fahad900

18/12/2006, 11:44 AM

الله يعطيك العافيه والله صور تفتح النفس

راعي طويق

18/12/2006, 01:00 PM

اول شىء انا اسف غلطت ب الاسم 0ثاني شىء مشكور على التقرير المزود با الصور 0 الحامض سايل ولا لا0 :j

حياك الله يابوفهد والخطاء وارد جزاك الله خير
اما بالنسبة للحامض فهو سال سيل طيب بالحيل :good:
وتراه على خبرك نباته خفيف