ما خاب من استخار وما ندم من استشار

[فش فآآش]

بسم الله الرحمن الرحيم

والسلام عليكم ورحمة الله وبركاتة

وكيف حال الجميع ياهل المطاريش

العلم سلامتكم أنا رجال قليل خبره باالاماكن + مايلزم لطلعات وحاب استشيركم يا أخواني .

أنا رجال مقرار اعزم الشباب والشباب نصهم بالرياض ونصهم بالشرقية وحاب مكان يكون متوسط بينهم مع مراعات انه يكون مكان طلعه ومكان زين عليه العلم ويبيض الوجه لا جو فيه الرجال لاهو مكان يطلق الوجهه .

واحنا عددنا تقريبا 11رجال ايش الي يلزم من عدد وملتزمات كي تكون الطلعه مرتبه وعليها القيمة .

ولا يمنع ابداء الاقتراح ووضع لي برنامج لطلعه ثلاث أيام بالترتيب بحيث تكون الطلعه وناسه ولها برامج وفقرات وـألخ


الفزعه يا قدعان لا تبخلون علينا اخوكم في ورطه .
-
-

-

[ريف النشاما]

وعليكم السلام ورحمة الله وبركاته

وإن كان معك شئي هاته :D

-------------------------------------

أولا .... تعزمني على الطلعة لأني اعتبر نفسي بالنص بين الشرقية والرياض:D


ثانيا ... خلوها شختك بختك وتزبط :eek:



و لو إن شكلك راعي طويلة :D

==============

بناء على ما سبق يبدوا بأنك المعزب وأنك سوف تدبك لين تتفل العافية :D



الطلبات ...........

عزبة طبخ + عزبة قهوة (ممكن تستاجر إذا ماعندك متوفر )
لأن الدعوى طويله :f


المونه ...

1- تيس مقرمش أو هريفي منعنش
2- رز باب الهند ... أو أبو كاس
3 - فاكهة - تمر - خضار -
4- كم حبة دجاج الوطنية متبل حار وبارد
5- خضار
6- خبز + معلبات
7- بيز:D
8- لعدد عشرة اشخاص وفر ما يكفي لـ 4 أشخاص فقط :D
9- حطب من السوق وفره قبل تكشت
--------------------------------------------------



الخميس
تجمع + سلام وتراحيب + قهوة وشاهي + وجبة عشاء

الجمعة
وجبة غداء وعشاء

السبت
وجبة غداء

-------------------------------------------
المقترح الأول

خريم / تستأجر مخيم أو تختار الموقع وهم يبنون لك الخيمة .... نص الحمل طاح
التمشية المقترحة // الوجبات في المخيم قدام الخيام تبتون الفرشات وياسلام
الضحى // العصرية
تاخذون القهوة والشاهي في زمزميات وفرشات خفيفة
وتدخلون وسط الروضة في موقعين مميزة جلسة لمدة ساعتين وتمشيات على القدمين

الموقع الأول
25° 25.249'شمال
47° 14.660'شرق

الموقع الثاني
25° 22.382'شمال
47° 17.707'شرق

المقترح الثاني

روضة التنهات // الدهناء .....


المقترح الثالث

الصمان / أم المصران وما جاورها (ماجيتها بعد المطر)

[ابو صالح 871]

ماشاءالله تبارك الله والله يوفقكم

[الطبيعه 1400]

اهم شي الصلاة في وقتها

[شمالي و الهوا غربي]

ههههه
شكلك عزمت الزقرت وتورطت
انا رائي انها تكون قطيه علئ المجموعة.
العزبة وملحقاتها علئ واحد تكون مكلفة اكثر من ماتصور،لان كل شي غالي .
الاذا كنت هامور ولاتهمك الفلوس .عطني خبر واعلمك في كل التفاصيل،

[ابو يزيدالأول]

الله يعينك الرجال اذا عزم اتكل على الله اوصيك حسن النبا والترحاب اهم من الذبايح
دمت بصحه وعافيه بدون مبالغه بالشي

[فش فآآش]

وعليكم السلام ورحمة الله وبركاته

وإن كان معك شئي هاته :D

-------------------------------------

أولا .... تعزمني على الطلعة لأني اعتبر نفسي بالنص بين الشرقية والرياض:D


ثانيا ... خلوها شختك بختك وتزبط :eek:



و لو إن شكلك راعي طويلة :D

==============

بناء على ما سبق يبدوا بأنك المعزب وأنك سوف تدبك لين تتفل العافية :D



الطلبات ...........

عزبة طبخ + عزبة قهوة (ممكن تستاجر إذا ماعندك متوفر )
لأن الدعوى طويله :f


المونه ...

1- تيس مقرمش أو هريفي منعنش
2- رز باب الهند ... أو أبو كاس
3 - فاكهة - تمر - خضار -
4- كم حبة دجاج الوطنية متبل حار وبارد
5- خضار
6- خبز + معلبات
7- بيز:D
8- لعدد عشرة اشخاص وفر ما يكفي لـ 4 أشخاص فقط :D
9- حطب من السوق وفره قبل تكشت
--------------------------------------------------



الخميس
تجمع + سلام وتراحيب + قهوة وشاهي + وجبة عشاء

الجمعة
وجبة غداء وعشاء

السبت
وجبة غداء

-------------------------------------------
المقترح الأول

خريم / تستأجر مخيم أو تختار الموقع وهم يبنون لك الخيمة .... نص الحمل طاح
التمشية المقترحة // الوجبات في المخيم قدام الخيام تبتون الفرشات وياسلام
الضحى // العصرية
تاخذون القهوة والشاهي في زمزميات وفرشات خفيفة
وتدخلون وسط الروضة في موقعين مميزة جلسة لمدة ساعتين وتمشيات على القدمين

الموقع الأول
25° 25.249'شمال
47° 14.660'شرق

الموقع الثاني
25° 22.382'شمال
47° 17.707'شرق

المقترح الثاني

روضة التنهات // الدهناء .....


المقترح الثالث

الصمان / أم المصران وما جاورها (ماجيتها بعد المطر)


وااافي كلام كبير والله يعطيك العافيه

وانا طماع وقول لك هل من مزيد اتحفنا بالافكار اذا باقي بدمجتك شي .
-
-

[فش فآآش]

ماشاءالله تبارك الله والله يوفقكم

ويوفقك ويوفق الجميع شاكر لك مرورك وكم تمنيت ان يكون مرورك غير خجول وأن قمت بكتابة فكره او اقتراح او نصيحه .

وحياك الله منور متصفحي .
-
-

[فش فآآش]

اهم شي الصلاة في وقتها

جزاك الله خير والله يرفع قدرك ويكتب لك الاجر نصيحه طيبه من وجهة طيب .
-
-

[فش فآآش]

ههههه
شكلك عزمت الزقرت وتورطت
انا رائي انها تكون قطيه علئ المجموعة.
العزبة وملحقاتها علئ واحد تكون مكلفة اكثر من ماتصور،لان كل شي غالي .
الاذا كنت هامور ولاتهمك الفلوس .عطني خبر واعلمك في كل التفاصيل،

الله الله عزمنا الشباب وهي مو ورطه صراحه بحد ماني حريص تكون الطلعه كايفه وافيه غير ممله هي حرص على أن تكون العزيمة والطلعه ترسخ بالراس وتتذكرها النفوس .

والله مانيب هامور ولكن أنا ارخي الريال لرجال المشاكيل ورخيه لكرام الرجال لو نص الشهر نتسلف وهذا النوع من البشر هو الي دائما في شركات التقسيط ..هههههههههههههههههههه..
لكن على قولة الرجال
( بطنخ دامني حي واذا مت جثتي مدري من دفنها )

وعلى قولة الرجال
( ماقافينا غير الموت )
-
-
لكن اتحفنا وعطنا كل الي براسك وانا اخذ الي يسيره الله والي نقدر عليه والي مانقدر تعذرنا الرجال .
-

-

[فش فآآش]

الله يعينك الرجال اذا عزم اتكل على الله اوصيك حسن النبا والترحاب اهم من الذبايح
دمت بصحه وعافيه بدون مبالغه بالشي

الله يعين الجميع وأنا خوك

وحنا متوكلين على الله عز وجل في كل حركه ورهاصه وفي كل أمر

واشكرك على النصيحه واكيد طلاقة الوجهه اهم من ملي البطن .

[ابو البر]

عليك بروضة الخفس بجنب الغدران والمياه اللي تفتح النفس
وتقدر تتمشى على روضة الخفس الشماليه والجنوبيه وشعيب البسيتين الجنوبي تحت الطلح .
وقريب من البقاله اللي على الشارع العام (ربع ساعه ).
واهم شي ترى الأيام الجايه بيزيد البرد فالله الله بالحطب .

بالنسبه للضيوف فعلى كل واحد ياخذ احتياطه للتدفيه .
واي شي ثاني فالأمور سهالات وضيوف هالزمن ما عاد احد ياكل ويبرد القلب ...تلاقيهم لقمتين ويالله .
وسع صدرك والمثل يوقل (قابلني ولا تعشيني ) والبشاشه والترحيب نصف الضيافه وانا أخوك .
والله يوفقك .

[فش فآآش]

عليك بروضة الخفس بجنب الغدران والمياه اللي تفتح النفس
وتقدر تتمشى على روضة الخفس الشماليه والجنوبيه وشعيب البسيتين الجنوبي تحت الطلح .
وقريب من البقاله اللي على الشارع العام (ربع ساعه ).
واهم شي ترى الأيام الجايه بيزيد البرد فالله الله بالحطب .

بالنسبه للضيوف فعلى كل واحد ياخذ احتياطه للتدفيه .
واي شي ثاني فالأمور سهالات وضيوف هالزمن ما عاد احد ياكل ويبرد القلب ...تلاقيهم لقمتين ويالله .
وسع صدرك والمثل يوقل (قابلني ولا تعشيني ) والبشاشه والترحيب نصف الضيافه وانا أخوك .
والله يوفقك .


كلام طيب من وجهة طيب .

[FJ2]

اقترح الاماكن وانت اختار :
١- الدهناء
٢- روضة المسعودي روضة ام القطا << جيتها قبل اسبوعين كان الباذر طالع
٣- روضة خريم

ومن ناحية الاغراض اتوقع اخوي ريف النشاما ماقصر

وشكراً ،،