اقرب طريق من بيشه الى القصيم

[الزير5559]

السلام عليكم ورحمة الله وبركاته
اسعد الله صباحكم بكل خير
عندي استفسار بارك الله فيكم عن اقرب طريق من بيشه الى القصيم
واتمنى تحديد المسافات والمدن والهجر اللي راح امر عليها
علما اني راح امشي على طريق بيشه - الرين الجديد
افيدوني بارك الله فيكم جميع

[عاشق الصمود]

اول شي اسعد الله صباحك ومسائك ثاني شي لاتروح مع طريق الرين رح مع طريق رنيه ثم الخرمه ثم اطلع لطريق الرياض الطايف السريع تدخله تقريبا من من عند ضلم بعدين رح كن متجع لرياض لين يجيك كبري عفيف خذ معه يسار وادخل عفيف وبتل سيده بعد ماتطلع من عفيف يجيك مفرق مسكه وضريه ادخل معه سيده تمر ضريه ومسكه والهمجه وناسي لو فيه قرايا ثانيه المهم انت بتل سيده لين يجيك حرف تي خذ ايمين عاد تدخل الرس وانت شف المكان الي انت تبي بالقصيم

[عاشق الصمود]

طبعا المسافه اضنها بحدود الف وميه

[مدرس في نجد]

بيشة رنية الخرمة ظلم عفيف ضرية الرس القصيم
بيشة رنية الخرمة المويه حفر كشب مهد الذهب المدينة المنورة القصيم وهو الاطول
لو طلعت طريق الرين مرجعك لعفيف فأفضل لك طريق رنية الخرمة ظلم
المسافة من بيشة إلى الرين 400 كم ثم تطلع على عفيف 250
هي المسافة من بيشة إلى عفيف 420 كم وأقل وأوفر

تحياتي

[ابو البر]

مثل ماقالو الاخوان واخرهم
مدرس الوفاء والاخلاص ( ابو بدر) مدرس في نجد الحبيبه.

[الزير5559]

الله يعطيكم العافيه جميع ويسعدكم في دنياكم واخرتكم
اشكر الله اولاً ثم الاخوان عاشق الصمود - مدرس في نجد - ابو البر وكل من مر على استفساري
فيه عن طريق القويعيه ومزعل او مزعله والله اعلم وللاسف ما اعرفه
هل هو الافضل او اللي عن طريق رنيه الخرمه

[مدرس في نجد]

الله يعطيكم العافيه جميع ويسعدكم في دنياكم واخرتكم
اشكر الله اولاً ثم الاخوان عاشق الصمود - مدرس في نجد - ابو البر وكل من مر على استفساري
فيه عن طريق القويعيه ومزعل او مزعله والله اعلم وللاسف ما اعرفه
هل هو الافضل او اللي عن طريق رنيه الخرمه




الله يعافيك
إني لك من الناصحين
شوري الأول لاتغيره بيشة رنية الخرمة ظلم عفيف ضرية الرس القصيم
ولو كان استفسارك للطريق اللي تعنيه
فهو بيشة الرين مزعل القرنة ساجر بريدة وأعتقد أنه طويل مرررررررررره
تحياتي

[الزير5559]

يعطيك العافيه يابو بدر وتشكر يا غالي ان شاء الله امشي على الخط الاول ونآخذ بنصيحتك

[LampLamp]

موفق بأدن الله