استفسار يا اخوان تاهو 2011

[تاهو ابو عزوز]

السلام عليكم ورحمة الله وبركاته
عندي تاهو 2011 وصاير مايستجيب للدعسه الا لما ادعس زياده ويصرف بنزين اكثر من اول ورحت اشتري بواجي حصلت اسي ديلكو وكاله ب 260 كرتون واحد فيه 8 حبات ،وحصلت اسي ديلكو اصلي ب 130 كرتونين كل كرتون في4 حبات ، ومحتار وش اخذ وهل لازم اغير الاسلاك او لا واسف على الاطاله

[ريان2002]

وعليكم السلام ورحمة الله وبركاته
بالنسبه للمشكله اللي ذكرتها ما أقدر أفيك فيها ولكن حبيت أعلق على البواجي
إذا السياره لها مده معك وقد مشيت عليها أكثر من الأربعين ألف ومالاحظت مشكله في هالمده من البواجي فخذ حبه من اللي راكبه في المكينه وأشتري مثلها بنفس الرقم
إذا السياره مالها معك فتره فالكثير من الأخوان ينصحون ببواجي ngk لأغلب السيارات وكيلها البابطين لكن ما أعرف له فرع والنوع المناسب لك بتلقى رقمه في الكتلوج لو هو عندك
الأمر الثالث والأخير فيه نوع ممتاز إسمه دلفي وهي شركه لها فروع عندنا تنتج بعض قطع غيار السيارات الأمريكيه بجوده أفضل بكثير من ac delco وهي فرع لشركة التوكيلات العالميه وإذا إنت بجده وصفت لك فرعهم
الخلاصه حاول قد ماتقدر إنك ماتأخذ بواجي آي سي ديلكو إلا إذا كانت نفس النوع اللي عندك لو هو مناسبك
بالنسبه للأسلاك خل الكهربائي يكشف عليها وإذا تعطي شراره كويسه لا تغيرها
أطلت الرد لتتضح لك الصوره فالمعذره

[1824]

علامة المكينة طالعة اول ولا لا والسيارة كم ماشية وش المشاكل الي عندك كلها عطني وصف كامل لحالة السيارة الحالية والسابقة واي شيء سويته او صار للسيارة