فزعتكم بالبرازيليه

[نايف الشيباني]

السلام عليكم ورحمة الله وبركاته

انا عندي خرازة برازيليه ماجتيك 7022 ، وشعيرتها الاماميه مقطومه ولا لها حامي
اللي يعرف احد يوفر لي الشعيرة الاماميه والحامي، او عنده لايبخل علي ، صح ان الدربيل طيب ويوفر رصاص لكن النفس ماترتاح له .
للمعلوميه الشايقي يوفرها ترهيم وانا مابي الترهيم .

والله لايهينكم

[نايف الشيباني]

سبحان الله
للحمدلله
لا اله الا الله
الله اكبر

[ارثمس]

عليكم السلام ورحمة الله وبركاته والله ونا خوك ما عندنابالسعوديه وكيل لها ولا حتى دول الخليج فلذلك لا صيانه لها ولا قطع غيار فاحمد الله واشكره ان الشايقي يولفلك بس اشرط عليه انه يضبطه 100%

[نايف الشيباني]

عليكم السلام ورحمة الله وبركاته والله ونا خوك ما عندنابالسعوديه وكيل لها ولا حتى دول الخليج فلذلك لا صيانه لها ولا قطع غيار فاحمد الله واشكره ان الشايقي يولفلك بس اشرط عليه انه يضبطه 100%

افا .
طيب يا ارثمس لو اطلبها من موقع امازون ظنك تمسكها الجمارك :D
وكم الحكم اذا صادوها :D

[ارثمس]

والله ونا خوك ما عندي علم

[نايف الشيباني]

والله ونا خوك ما عندي علم

مشكور يا ارثمس ع التفاعل ولاهنت

[ارثمس]

العفو لاشكر على واجب

[صريح المقال]

السلام عليكم ورحمة الله وبركاته :)


افا .
طيب يا ارثمس لو اطلبها من موقع امازون ظنك تمسكها الجمارك :D
وكم الحكم اذا صادوها :D

سلمك الله ومن يقرأ إذا القطعة صغيرة وغير واضح وش تكون فالغالب انها بتمشي بس أهم شي ان العلبة أو الظرف الي بتجي فيه ما يكون مكتوب عليه التالي:
gun parts يعني قطع غيار سلاح
أو
gun part قطعة غيار سلاح

هذا أهم شي لو تضمن انهم ما يكتبونه اطلب وبإذن الله تمشي :D
وتقدر تضيفها مع طلبية تشمل اكسسوارات جوال مثلاً أو شي تحتاجه ثاني المهم مراسلة البائع والتأكيد عليه بعدم كتابة ما يشير إلى علاقة المنتج بالأسلحة :good2:


والشحن المباشر أضمن شي الشركات ملاقيف ويدققون في الشحنات بزيادة ..

طبعاً أي شحنة يكتب عليها من الخارج وصف أو تعريف بالمحتويات بشكل عام يعني لو كان يتعلق بالكمبيوتر بيكتبون اكسسوارات كمبيوتر..
ونفس الشي لو كانت للجوالات..
الغالب يكتفون الجمارك بالوصف بس لو شك بشي يفتح ويفتش والطريقة عشوائية لكثرة البضائع ..
يعني مسألة ان شحنتك توصل ولا يمسكونها عطها نسبة 50% بالضبط وشف إذا النسبة تنفع معك اطلب .


وللمعلومية ممنوع طلب أي قطعة سلاح حتى الدربيل ممنوع وعليه غرامة وتعهد هذا الي نسمعه والله أعلم :)

وأنا مابعد طلبت شي ممنوع يعني ما عندي تجارب في هالمجال لكن لو تبحث بتحصل ناس مشت امورهم وناس قفطوهم :D


هذا ما لدي فإن أصبت فمن الله وحده، وإن أخطأت فمن نفسي والشيطان.

والسلام عليكم ورحمة الله.