معلومات للي عايشين في مناطق الجبلية مثل الطايف والباحة ومكة ضروري تقراها

[1824]

السلام عليكم ورحمة الله وبركاته

بسم الله الرحمن الرحيم

لاحظت اليوم وانا مار بمنطقة الغربية الطايف ومكة والنزول الشديد في هذه المناطق وروائح الفرامل منتشرة في الجبل الكامل من كثرة استخدام الفرامل في النزول وكثرة الناس الي واقفة تشم رائحة فرامل سيارته والناس الي تفلت سيارتهم في النزول بسبب النزول بالاعتماد على الفرامل وهذا خطأ كبير جداً لانك كذا تقتل نظام الفرملة بأجمعة من الضغط الشديد الذي يتعرض له

اكيد سؤالكم وش تبي توصلنا صح انزلو تحت معي

















اولآ نبدأ بأصحاب السيارات الامريكية الجموس والفورد بشكل اساسي الي فيها زر سحب او نظام 1 2 3 D

اضغط الزر السحب قبل النزول وخل الكمبيوتر يتدخل ويرجع نمر اثناء النزول عشان يمسك لك السيارة بدون اي ضرر على المحرك او القير لا تقلق ليس لها ضرر واذا كان زر السحب غير كافي قم بالتدخل بنفسك وانزل عصا القير الى مستوى اقل مثل 2 او 1 حتى اذا دعت الضرورة ولاكن عادةً يكون زر السحب كافي في النزول والطلوع ايضاً لا تنسى الطلوع استعمال الزر السحب ليرجع نمر افضل من تطلع بنمرة قاتله للمحرك يثقل كاهله ويرفع حرارته بسبب الضغط على السيارة وعداد دورات المحرك منخفض .


لاصحاب الياباني والكوري وغيره نفس النظام ولاكن عادةً لا يوجد زر سحب فيها

بهذا ما نفعل تنزل عصى القير الى نمرة اقل اغلب السيارات الياباني اما فيها S + - واستعمله لارجاع الى نمره مناسبة للنزول او يكون فيها L 2 3 D او L 2 3 4 D وترجعها الى 2 او 3 حسب ما تراه الحاجة بدون اي ضرر على المحرك او القير والاهم من هذا كله سلامتك وسلامة الفرامل هي المنقذ بعد الله .



ان شاء الله اكون افدتكم بالي اقدر عليه وجعل الله يحفظنا ويحفظ جميع خلق المسلمين بالتوفيق لكم

[ابو سليمان بن]

الله يجزاك خير وكلامك صحيح

[laurel_200L]

والقير العادي !!

[1824]

والقير العادي !!

حطه بالثاني او الاول وخله عليه لين ما ينتهي النزول حسب ما تراه وتستوجب له الضرورة

[I2.7]

زر السحب تقصد الاوفر درايف ؟؟
وبالنسبة للعايدي .. مو شرط تحطها فنمره معينه لاجيت تهدي رد نمرة ..

[1824]

زر السحب تقصد الاوفر درايف ؟؟
وبالنسبة للعايدي .. مو شرط تحطها فنمره معينه لاجيت تهدي رد نمرة ..

لا الاوفر درايف يجي بعد النمرة الاخيرة في الخط السريع زي السيارة الي فيها 5 نمر اتوماتيك الاوفر درايف تريحية نهايئية هي الطنجرة تقفل مع المكينة بحيث دورانهم يصير واحد ويقل عدد دورات المحرك مثل انت تمشي 120 او ما يعشق النمرة الاخيرة يصير دورات المكينة 2000 RPM وبعدها ينزل شوي 1800 RPM هذا هو الاوفر درايف زر السحب يجي في السيارات قيرها علاق من الجنب على اليمين في نفس العصا اتمنى وصلت المعلومة http://blogs.cars.com/.a/6a00d83451b3c669e201a73e19d1ce970d-800wi


http://www.ford.com/ngbs-services/resources//ford/chassiscab/2015/highlights/ccc15_highlight_lg_towhaul.jpg

[I2.7]

فاهم قصدك اخوي ؟؟ لكن ف الفورد الفكتوريا الزر اللي ع اليمين الاوفر درايف مافي شي اسمه سحب !؟

[1824]

الفكتوريا مو من الي قصدتهم انا اقصد الكبار عرفت الجموس والاكسبيدشن الفكترويا نزل العصا 1 او 2 حسب الوضع الى ان ينتهي النزول ورجعه D وانت تمشي عادي ما تضر بالتوفيق لك وان شاء الله المعلومة وصلت

[سفاري 95]

فاهم قصدك اخوي ؟؟ لكن ف الفورد الفكتوريا الزر اللي ع اليمين الاوفر درايف مافي شي اسمه سحب !؟


اخوي هذا يسموه اوفر درايف زر السحب يستخدم ف الجموس عاده اذا فيه عربه او مشابه لها للسحب على مسافات بعيده او طلوع او نزول منحدر لانه يريح الجربكس من كثره التغييرات
وللفوردات ايضا ف النزول او الطلوع لمن تكبس الزر حتحس ان السياره تشحن او ترجع نمره في حال النزول القوي ... والله اعلم
ان شاء الله اني افدتك ي غالي

[الاشهب 507]

القير العايدي
في النزول القوي مره
خلك على لول واذا شفت
الضعط مرتفع ساعده بلفرامل
خفيف او باثنين أنا في موتر
مامسك الفرامل ابد وطريقنا
كله نزول قوي وطلوع اقوى
في النماص عندنا كلها طلوع
ونزول واقرب مثال عقبة سنان
نزول قوي مره واغلب اهل النماص
ينزلونها كل اسبوع جمعه وسبت
ولزم تعرف تتعامل معى القير
والقير التماتيك قليل الي ينزلون به
بس الي يجي قير تماتيك وعايدي ينزل عادي
المشكلة ان الفرامل تهوي علشان كذا
نكون حريصين على أنا مانستخدمها كثير
موتري 4 سنوات والفرامل باقي فيها نص
اقصد الاقمشة ياما نسمع حوادث
ماساويه في نزول المحدرات بسبب تسخين الفرامل
وزيت الفرامل لزم تكون حريص تغيره كل 3 شهور
او 4 شهور وهذى شيء اساس لزم
الي ساكنين في مناطق وعره وطلوع ونزول يعرفون كلهم
حن شيباننا علمونا السواقة والتعامل معى القير
من البدايه إلى النهايه وكنا نسأل وش فايدة إلى نسويه
بدل مانمسك فرامل ويوم كبرنا عرفنا السبب من خرتهم في
هل امور والله يجزاهم عنا كل خير
الأشهب 507

[1824]

للرفع للفائدة

[وين الصيد]

جميع السيارات متاحة لك باستخدام النمرة الثقيلة
سوى عادي او التماتيك
ولكن تختلف من سيارة الى اخرى حسب الماركة والموديل

وأنا بالنزول الحاد اعمل مناصفة بين الفرامل والقير خاصة عند الانحدار الحاد اذاكانت المسافة طويل
والوقت حار

[الحربي 591]

زر السحب ما يفي بالغرض من تجربه
زر السحب يطول التعشيق لكن ماهو مثل D 1 2 3
احطها في دي 2 أفضل واريح


وفيه ناس يستخدمون الفرامل بكثره في النزول ويسرع ثم يفرمل
انا اقول له احذر الفرامل راح تجمر ومن ثم تشب عليك نار 🔥 وانت تدفى فيها:p

[1824]

زر السحب ما يفي بالغرض من تجربه
زر السحب يطول التعشيق لكن ماهو مثل D 1 2 3
احطها في دي 2 أفضل واريح


وفيه ناس يستخدمون الفرامل بكثره في النزول ويسرع ثم يفرمل
انا اقول له احذر الفرامل راح تجمر ومن ثم تشب عليك نار 🔥 وانت تدفى فيها:p
صادق حربي الحذر ثم الحذر القير يتحمل الفرامل لا تتحمل وتهوي بك الى الموت لا قدر الله بالتوفيق للجميع

[الشواوي]

قبل اسبوعين كنت نازل من كرا بالطايف ومخلي القير على الدي وكل منحدر امسك فرامل غشيم اول مره انزل معها ولما انتهيت من النزول وقفت وقاعد اناظر في الكفر الي وراء والله واشوف الدخان طالع تقول محترق وانتظرت الى ان بردت الهوبات

[عبادي09]

تعليق بسيط
اخواني فيه بعض الجبال تنزل فيها بالساعات
وهذا خطير البعض غشيم مايعرف كيف يتصرف
اذا جلست حاط رجلك على الفرامل
راح تاخذ فتره تلاحظ السياره تنزل بقوه وماعاد تنفع معك الدعسه على الفرامل تحس ان الفرامل مفلوته هذا بسبب التسخين
لانها تسخن وممكن حتى تولع عليك السياره وتحترق بالاضافه الى ان السياره لو فلتت منك يمكن تهوي بك من الجبل لا قدر الله وتروح فيها لذلك اي نزول حط في بالك اولا تحط السياره في نمره ثقيله سواء قير عادي او اوتماتيك
وحاول ماتمسك فرامل الا اذا لزم الامر
هذا اولا ثانيا
اذا لزم الامر انك تمسك فرامل فحاول انك تمسك بشكل قوي وسريع وترفع رجلك بسرعه
يعني تضغط الفرامل بقوه في خلال اربع ثواني الين تحس السياره بتوقف وترفع رجلك بسرعه وتضغط مره ثانيه وترفع وهكذا عشان اذا ضغطت وطولت عليها راح تسخن بسرعه
بس كل ماضغطت بقوه وبسرعه مايمديها تسخن وتعطيك نتيجه حلوه ومعقوله
وصلى الله على نبينا محمد