مطلوب دلة تلقيم (تبهير) قهوة مثل اللي في الصورة

[ابو رواف]

السلام عليكم ورحمة الله

حياكم الله جميعا

يالربع اللي يخبر لنا مثل هالدلة اللي على يسراكم في الصورة

(الصورة مقتبسة من الأخ المبدع دهران)

وجزاكم الله خير

للتواصل ابو ابراهيم / 0504483033


http://i247.photobucket.com/albums/gg130/dehraan/1433h/ommregibah/a24.jpg

[ابوعمر الشمري]

وعليكم السلام

هذي ياطويل العمر ترهيم قبل يومين مريتهم عندنا برهم راس وممسك والقمقوم من عندي قال بخمس ميه قلت اشتري لي طقم دلال ابرك لي

[لاح البرق]

هذي من سوق الدلال بحايل حسب موضوع اخونا اللي كان منزله على مكشات ومايحضرني الرابط واعتقد ان سعرها كان حليو..

[لاح البرق]

تذكرت صاحب الموضوع الاخ احمد الشبعان وهو موجود معنا بالمنتدى وهو اللي شراهن وبيفيدك ان شاءالله موب مقصر..

[ابوعمر الشمري]

تذكرت صاحب الموضوع الاخ احمد الشبعان وهو موجود معنا بالمنتدى وهو اللي شراهن وبيفيدك ان شاءالله موب مقصر..

لاتعبك نفسك معه ع ماطلعت من كلام الاخوان مايرد ع هذا الاستفسار لكن اذا بغيت استفسر لك اكثر واريهم زي الي بالصوره ابشر يابو رواف

[لاح البرق]

لاهنت يابو عمر وانا لي فتره ابجي لحايل لشغل ومنها باخذ لي دله ومبهره مثلها او قريبه منها وانتظر ردك ان شاءالله

[أبو ريان 2080]

أنا أدور مثله بعد ماحصلت مثل هالملقمه

[فهد الخالدي]

لاتعبك نفسك معه ع ماطلعت من كلام الاخوان مايرد ع هذا الاستفسار لكن اذا بغيت استفسر لك اكثر واريهم زي الي بالصوره ابشر يابو رواف
صدقت انا مره استفسرت منه عبر الرسائل الخاصة ولم يرد لحد هذه اللحظة

[(هزاع)]

وعليكم السلام

لقيهن مع احد الشقرديه من اهل العارض دلتين ومطباخ

شاريهن من حايل

الدلتين ب 1600 يعن الدله ب 800

والمطباخ ب 1200

[ابوراكان تبوك]

هي جميله فلا لكن مبالغ في قيمتها بقوه

1600 تجيب لك عزبه من الصدام للصدام هههههه وفوقها ذبيحه

[الفريح1]

كني شايفها عند السوريين وانت طالع من الرياض ..خط سدير القصيم

[حزم نجد]

كني شايفها عند السوريين وانت طالع من الرياض ..خط سدير القصيم


نعم صحيح موجوده عند الباعه السوريين وسألت عنها قبل تقريبا ب250 ريال
صناعها سوريه ولها اسم مايحظرني

[ابوعدي]

اللي عند السوريين تختلف عن اللي بالصورة اللي عندهم نحاس وخفيف
والمطلوبه جرمها معدن وغطاها يختلف .
موفق خير والله يسهل امرك

[ابو رواف]

جزاكم الله خير جميعا

[الكونترولCONTROL]

فيه ملقمة مطعمة بالنحاس
و غطاها مشابه لهذا الغطاء الذي تتداولونه
حليوة ب 90 ريال ؛ لقيت منها حبة واحدة عند محل سلع مخفضة
اسمه يا سلام على شارع ( خالد بن الوليد رضي الله عنه ) "انكاس"
قرب فرع بنك الراجحي
ثقيلة بوزن الملقمة الهندية المعدنية مرتين الى ثلاث مرات
وخامتها ممتازة و صناعة هندية
اتوقع لا يعلى عليها ،، ولست من اهل تنويع و تجميع الدلال
و الا كان ما تعديتها ؛؛ طبعا انا تركتها ما اشتريتها
اذا تبي اصورها لك تامر امر

[عبدالرحمن305]

السلام عليكم
الامر سهل جدا
اخذ لك مفواحه قهوه هنديه
وشوف لك دله ماتبيها نحاس
ورح اقرب ورشه ورهم على كيفك
موفق خير