هواية تجميع الاسلحه

[بلاك ستون]

ياخوان احد مرت عليه هالحاله الا وهي حب اقتناء السلاح حتى لو كان قديم

سرت بس ودي اتفرج فيها وقلبها

صدق من قال انها حلي الرجال

[ريان2002]

أعرف لك شايب عنده كذا قطعه وكل سته أشهر يطلعها من دولابه وينظفها ويزيتها ويتفقدها مع إنه مايستخدم منها إلا قطعه وحده ونادر مايرمي فيها
ومن شدة الحرص يكتب الموعد في التقويم وممنوع منع بات أحد يدخل عليه الغرفه وهو فارد عدته اللي يبغى منه شيء يكلمه من عند الباب (طبعا الباب مفتوح )
حتى أولاده حاولوا يشترون منه أو يهديهم ورفض يقول إذا مت توزعوها بينكم

[ذاكرة الغيم]

اذا حصلت علاج علمني تكفى
مدمن لدرجة اذا أي واحد بغى ينظف سلاحه أعطاني ازبطه له بس حب في الفرجه .

[( شميريخ )]

نفس شعور الاخوان اللي فوق :D

[ارثمس]

ما شاء الله تبارك الله اهنيك على هذا الحرص واتمنى من جميع الاخوان الحفاظ على صيانة السلاح كل فترة وعدم تمخشه لانه يخرب شكله

[مطر وسم]

سجلوني معكم اكبر مدمن اسلحه خاصة اسلحة الصيد القديم والجديد حب اقتنا واستعمال ومن كثر حبي لها اجلس اقلب فيها وافكك السلاح ثمن ابلش فيه معرف اركبه ثاني مره :D اروح استعين بصديق

[راعي-gx97]

معذور اخوي .
يقول الشاعر :

الثﻻث اللي تقطعك الخريمه الخوي القرم والماء ((والسﻻحي)))
ومعنى الخريمه: المكان الخالي بالصحراء .

[بلاك ستون]

عز الله انها تنحب بس اعوذ بالله غاليه

[talali]

وانا زيكم احب السلاح واحطه في جرابه

وبعد شهر تحصلني فاتح الجراب واقلب في البندق

وودي اشتري من كل نوع من الاسلحه

بس غلا اعوذ بالله

[عطيه الدوسي]

هههههههههههههههه
الله يشفينا
عز الله انه مرض مستعصي ولا له علاج ابد

[ابوصالح3]

اناا لي 30 سنه اجمع من الاسلحة القديمة ,,واشتري اي بندق اثرية بس تكون متماسكة

وباذن الله سبحانه وتعالى اني افتتح لي متحف عن قريب

أما اسلحة الصيد فالحمدلله عندي مجموعة كاملة منها ومالومك هذي ماهي بس هواية هذي المفروض يصدر فيها امر من ولاة الامر ,,بتعليم وتسليح الشعب وتدريبه ,,

حتى تصل قوة جيشنا في وقت الحرب الى 7 ملايين جندي ,,,بالله من يقدر علينا اذا كنا مدربين ومسلحين والله سبحانه وتعالى معنا فوق كل شي

[talali]

اناا لي 30 سنه اجمع من الاسلحة القديمة ,,واشتري اي بندق اثرية بس تكون متماسكة

وباذن الله سبحانه وتعالى اني افتتح لي متحف عن قريب

أما اسلحة الصيد فالحمدلله عندي مجموعة كاملة منها ومالومك هذي ماهي بس هواية هذي المفروض يصدر فيها امر من ولاة الامر ,,بتعليم وتسليح الشعب وتدريبه ,,

حتى تصل قوة جيشنا في وقت الحرب الى 7 ملايين جندي ,,,بالله من يقدر علينا اذا كنا مدربين ومسلحين والله سبحانه وتعالى معنا فوق كل شي

كلامك صحيح
والله يحفظ بلدنا
وانا موجودين في خدمة بلدنا في اي وقت