ليش الدينمو مايتصلح

[مدرس بالغصب]

عندي ماركيز 2006 الدينمو يشتغل ويوقف مره تولع لمبة البطارية وتستمر عدة ثواني ثم تنطفئ
فحص الكمبيوتر قال الدينمو باخر عمره
السؤال لماذا لا يصلح الكهربائيين الدينمو كلهم يقولون جب جديد
السؤال الثاني حتى الوكالة اللي عندهم مجدد وليس جديد والسعر واحد ب1200 وواحد ب800
هل من حل ومن مرة عليه هذه المشكلة

[ريان2002]

نوع العطل اللي في الدينمو هو اللي يحدد يتصلح أو لا
فحمات الدينمو تتغير وحتى لو مالقيتها في قطع الغيار تلقى مايشبهها في المقاس وتركبها
الكتاوت لليوكن مثلا ماتحصله لوحده في قطع الغيار نهائيا فإذا خرب لازم تغير الدينمو كامل ومبلغ وقدره لأنه قطعه أساسيه في السياره ولأن الوكيل لو جاب كتاوت ما أحد راح يشتري دينمو
الخلاصه لو فيه قطع غيار لكل أجزاء الدينمو بيتصلح

[أصيل حجآ زي]

.

.

.

تعـلم كـيـف تفحص / تصلح / توضب مولد الكهرب بسيآرتك { الشآحن } بالأشرطة والعجة ؟؟؟ (http://www.mekshat.com/vb/showthread.php?t=377512)

.

.

.

[شنطة عده]

انصحك تشتري من التشليح ....اي دينمو غير شد البلد ما راح يعيش
والدينمو الي يقولون ما يصلح والله لو تنزله عند اي كهربائي
بعد ساعه وهو مصلحه ويبيعه على زبون ثاني

خرابات الدينمو اما الملف او الكتاوت او الرمان

دائماً لا تترك القطع القديمة عند المصلح
اخذها معك وارميها في برميل الزباله

[الحربي 591]

ما اظن راح تسويه الا بصعوبه

كان عندي ماركيز 98 كل شهرين او ثلاث اغير الدينمو
والمشكله اغلبها مجدده

[مدرس بالغصب]

حسب كلام اللي يبخصون ان التشليح اغلى من الوكاله ولا يضمن لك القطعه

[Taiif SS]

اذا كنت لمبه البطاريه تشتغل وتنطفي وخاصه اذا خليته على الفاضي ودعست بنزين تنطفي هذي فحمات زي ماصار معايه بس سيارتي كورلا

ورحت واحد او اثنين مااتذكر يقولون لازم يتغير ومااقتنعت الحمدلله ورحت عند واحد فاهم وغير لي الفحمه

[SGL]

معروف الخلل دايم من الكتاوت وأحيان من الفحمات إذا فحمات تغيرها لحالها فقط مع الحذر في تركيبها ﻷنك تتعامل مع أوصخ كتاوت :mad: وإذا ماضبط بعدها إعرف إنه الكتاوت وهنا المشكلة بكل دينمو فورد ﻷنه ماينباع أصلي ينباع فقط تجاري ماركة أبو صقر وماعندك أحد وماركة ثانية ونفسها ماعندك أحد ألف واحد يركب منها واللي يضبط معه شخص فقط ﻻغير والباقي خسر فلوس والنتيجة صفر دينمو يشحن ولمبة بطارية معلقه والثاني مايشحن خير شر وكلام كثييييييير بس عندي ملاحظة إذا نويت على الكتاوت التجاري إنتبه للمعلومة ذي اللي مايعرفها سباك ولا محل قطع الغيار ودايم يكررون هالغلطة وهي إن كتاوت دينمو 2005وتحت لونه رصاصي ومن2007وممكن من 2006وفوق لونه أبيض يعني ﻻزم تركب الكتاوت المطلوب لنفس الموديل وإن شاء الله يضبط معك :good2:

[الحربي 591]

حاول تركب دينمو فورد بوليسي ممكن يفلح
((ما جربت لكن ممكن تنجح وترتاح))

[salih100]

الدينمو يتكون من فحمات وكتاوت وبوبينه ولفة النحاسات

اغلب ما يخرب الفحمات وهذا الي عندك

والكتاوت والبوبينه على حسب هي بعد الفحمه يعني اذا احترقت الفحمه او غلقت احياناً يحترق الكتاوت

ع العموم اذا انت في الرياض رح للصناعيه القديمه طريق الخرج خذ يمين من عند قزاز السالم ووجهك الحين شرق رح سيدا تعد الاشاره الاولى رح بيجيك تي خذ معه يمين بيجيك تي ثاني مره شفهم في وجهك الي يصلحون الدنموات

معلومه كل الفحمات تركب على بعض خاصه حق الامريكي على الامريكي
اغلب الكتاوتات تركب على بعض بس اهم شي نفس الامبير يني 110 حاول تركب 120 او 110

[سيف وقلم]

أنا مصلح الدينمو

عندي النحاسات خربت، وصلحه الكهربائي.