الباترول ترتفع حرارته اذا طعست ويضعف عزمه

[ابو محمد797]

[SIZE="6"][السلام عليكم

سيارتي باترول موديل 92 قير اوتوماتك

مشكلة السيارة/ اذا طعست فيها ترتفع الحرارة وتصل النصف تقريبا ويضعف الدبل ويغرز ولا يطلع الا بعد ما اطفي السيارة واخليها تبرد.


ماهو الحل تكفووووووووون. /SIZE]

[حسين2002]

وعليكم السلام ورحمة الله وبركاته

هلا اخي الكريم

هل انت مواضب على تغيير زيت القير ؟

[تزبطي]

وش ترجي من باترول

لا وتماتيك بعد ماخليت شي ..!

الحل انك تشوف لك سياره ثانيه التماتيك مايصلح
موفق

[ابو محمد797]

وعليكم السلام ورحمة الله وبركاته

هلا اخي الكريم

هل انت مواضب على تغيير زيت القير ؟





ايه نعم الزيت جديد ماله شهر.

[ابو محمد797]

وش ترجي من باترول

لا وتماتيك بعد ماخليت شي ..!

الحل انك تشوف لك سياره ثانيه التماتيك مايصلح
موفق


اللي مايعرف الباترول يجهله.

التماتيك عيبه بس.

[حسين2002]

ركب مراوح كهرب

وديلكو الكتروني

[خيال الغلبا]

الباترول ماهو حق بر

لاند او هايلكس دبل

[حسين2002]

الباترول ماهو حق بر

لاند او هايلكس دبل

عاد هذي جديدة:D

[تزبطي]

اللي مايعرف الباترول يجهله.

التماتيك عيبه بس.



ﻻ اعرفه زين ونا اخوك عندي اثنين ولله الحمد 91 ربع و97 صالون
مير مابالحمظ احد

موفق

[راعي النياسين]

وش ترجي من باترول



لا وتماتيك بعد ماخليت شي ..!


الحل انك تشوف لك سياره ثانيه التماتيك مايصلح

موفق



والله ياخوك مهوب تعصب

لكن عز الله انك جاهل

دكتور النفود وش يرجي منه الله المستعان بس

[راعي النياسين]

شيك على الرديتر يبي له تسييخ او المراوح او تماتيك المروحه

بالنسبه للعزم عندك كلتشات القير تعبانه وتضعف مع الحرارة وتأثر على عزم الموتر

الله يعيينك وييسر امورك

[4200]

يا جماعة الخير صلو على النبي
انتم رحتو تتكلمون عن السيارات والرجال طارح استفسار عن عطل لا انتم الي اعطيتوه حل ولا انتم الي تركتو الناس ترد

[ابوسند9]

الباترول ماهو حق بر

لاند او هايلكس دبل
ههههههههه اي والله جديده
اما هيلوكس دبل والله ومن ثقل الطينه وسرع القلبه

[4200]

اخي العزيز الحراره مصدرها كثير يمكن تماتيك المروحه يمكن الاديتر اشيتء كثيره لا يمكن حصرها راجع في قوقل مكشات عن المواضيع الي تكلمو فيها الاخوان وبالتوفيق

[ابوسند9]

اخوي ابو محمد
الحراره صعب حصرها
لذا انت سيخ الاديتر ممكن انه متسخ وغيربلف حراره اصلي , واذا السياره ما فيها بلف حراره ركب بلف
واذا فكيت الاديتر خلي الورشه تفك طرمبة المويه وتشيك على ريش الطرمبه

[ابوسند9]

اخوي 4200 ما اعتقد ان التماتيك في مشكله ولو فيه مشكله كان اتوقع الحراره تكون مرتفعه على طول بتعطيس وغيره

[SGL]

أفادوك الرجال الله يعطيهم العافية
وأقولك مثل ماقالو تركب بلف ضروري تشيك على نظام التبريد طرمبة ماء غطى رديتر والرديتر ﻻزم تنقص بهوا الكفرات وضروري تركب مبرد قير خارجي + مراوح خلف الشبك ﻷن هذي الحرارة راح تضر بالقير إنتبه وإنت قلتها بنفسك عزمه يموت يوم ترتفع الحرارة يعني زيت القير يطبخ مولع :)

[شاق النفد]

ههههههههههه يا حليلهم اهل التويوتا اجل لاند ولا هايلكس قطعت كبدي يا رجل هههههههه
والثاني يقول اللباترول ما في الحمض احد
والله يالباترول خصوصا الفتك انه ما احد ينطحه لا في نفود ولا خط
اما الجديد هذا عاد سالفة لحاله

[ابو محمد797]

الله يبيض وجيهكم على ردودكم كلكم بلا استثناء.

وبإذن الله يزبط واعلمكم وش يصير.

مشكورين على مروركم الرائع.

[هويدي]

شكلك ما تنسم الكفرات او ان كفراتك يابسه

وش نوع الكفرات

اذا حسيت الموتر يالله يمشي

عطه نمره قويه 1 او 2 حسب الحاجه

[ابو محمد797]

شكلك ما تنسم الكفرات او ان كفراتك يابسه

وش نوع الكفرات

اذا حسيت الموتر يالله يمشي

عطه نمره قويه 1 او 2 حسب الحاجه



نعم ما انسم كفرات والكفرات دنلوب بس قديمه.

البلا ان الدبل الخفيف والثقيل ماعاد تسوي شي اذا ارتفعت الحراراه.

تقول كأن الدبل مو شغال ابد.

وفوق ذلك تغريزه عاديه وبسييييطه جدا ولكن دون جدوى تطلع السيارة الا بعد ما اطفي السيارة ربع او ثلث ساعة لين تنخفض الحرارة وبعد ذلك تطلع السياره بالدبل الخفيف على مهلها.

[ابو محمد797]

شيك على الرديتر يبي له تسييخ او المراوح او تماتيك المروحه

بالنسبه للعزم عندك كلتشات القير تعبانه وتضعف مع الحرارة وتأثر على عزم الموتر

الله يعيينك وييسر امورك

اتوقع من مبرد القير

[بحااااار]

ركب رديتر جديد
و مراوح سوبارو
وانسى الحراراه باذن الله

[hail_ksa]

أفادوك الرجال الله يعطيهم العافية
وأقولك مثل ماقالو تركب بلف ضروري تشيك على نظام التبريد طرمبة ماء غطى رديتر والرديتر ﻻزم تنقص بهوا الكفرات وضروري تركب مبرد قير خارجي + مراوح خلف الشبك ﻷن هذي الحرارة راح تضر بالقير إنتبه وإنت قلتها بنفسك عزمه يموت يوم ترتفع الحرارة يعني زيت القير يطبخ مولع :)



:good::good::good::good::good::good::good::good::g ood:

[hail_ksa]

نعم ما انسم كفرات والكفرات دنلوب بس قديمه.

البلا ان الدبل الخفيف والثقيل ماعاد تسوي شي اذا ارتفعت الحراراه.

تقول كأن الدبل مو شغال ابد.

وفوق ذلك تغريزه عاديه وبسييييطه جدا ولكن دون جدوى تطلع السيارة الا بعد ما اطفي السيارة ربع او ثلث ساعة لين تنخفض الحرارة وبعد ذلك تطلع السياره بالدبل الخفيف على مهلها.


هنا حليت مشكلتك بنفسك

[ابو ساره العنقري]

ههههههههههه يا حليلهم اهل التويوتا اجل لاند ولا هايلكس قطعت كبدي يا رجل هههههههه
والثاني يقول اللباترول ما في الحمض احد
والله يالباترول خصوصا الفتك انه ما احد ينطحه لا في نفود ولا خط
اما الجديد هذا عاد سالفة لحاله

لاتطري الفتك يجيهم خرعه 😂

[ابو محمد797]

ماقصرتوا جميع الله يعطيكم العافية ومشكورين على ارائكم الطيبة.

[الصخرة]

نسم وجرب هذا حل مبدئي ممكن يفكك من الكثير من المشاكل .....

لابد من التنسيم حتى يرتاح الموتر ويرتاح الراكب والسائق ....

[ابو محمد797]

نسم وجرب هذا حل مبدئي ممكن يفكك من الكثير من المشاكل .....

لابد من التنسيم حتى يرتاح الموتر ويرتاح الراكب والسائق ....


والله انك صادق التنسيم مهم جدا لدرجة انك احيانا ماتحتاج تشغل الدبل.