مشاهدة النسخة كاملة : طلب من الاخوة في القصيم
الاخوة في منطقة القصيم
ليتكم تعطونا تقرير واف عن الطقس عندكم ، كامل ، وش علوم المطر ، وين حده واكثر المناطق غزارة والسيول والشعبان .
لاننا سمعنا ان منطقة القصيم هالسنة ما جاها مطر مثل الرياض والمنطقة الشرقية ؟ الله يرزقكم بالمطر انه سميع مجيب ..
الاهل بالقصيم منتالي عجازين كامشين بها لمربعانية
أبــوريـــان
17/12/2006, 10:30 AM
والله ياخوي يجيب الله رزق
بنسبة لجنوب القصيم جتها امطار طيبة ولله الحمد ومشت الشعبان (الرس- البدائع -عنيزة- ام حزم - المذنب)
تقريباً جنوب القصيم جته خيرات طيبة ولله الحمد
اما شمال القصيم تقريباً من بريدة وشمال يجيب الله رزق مهنا شي هالسنة
ثعل البرد
17/12/2006, 11:48 AM
مثل ما قال أبو ريان ... الحمدلله جانا خير وبركة على الرس شماله وجنوبه ولا ننس سيول الجرير الشمالي شمال غرب الرس في بداية الوسم
جليس الخير
18/12/2006, 06:50 AM
وش دعوى ... نعمة الله ما تنجحد ولا تخفى ... ألا والله جانا خير على القصيم وخصوصا الحزوم ((الرس))
المسطره
18/12/2006, 11:39 AM
بارك الله فيكم
ونسأل الله الكريم من فضله
تقبلو تحياتي
ذيب الموشم
18/12/2006, 11:57 AM
في اول الوسم جت امطار على المحلاني سالت الاوديه وكذلك على قطن والجرير الشمالي وشمال صبيح سالت الاويه التي شرق الرحى ونسال الله العلي القدير ان يتبع لها وعموم اوطان المسلمين
فارس بريده
18/12/2006, 07:40 PM
اخوي الغالي sky2
كلام ابو ريان بالصميم اللله يحفظه
جنوب القصيم جاه خير الحمد لله
بريده نفس المدينه جاه خير طيب
لكن اللي شمال بريده يعني بالضبط من الاسياح وشمال الامور وسط
لكن ما على الله كايد ربك كريم يرزقنا
عين ابن فهيد التنومه حنيظل ابا الورود قبه وشمال البعيثه وشمال مره ما جاه شي
اسال الله من فضله
رش السحاب
18/12/2006, 07:58 PM
الأخ الكريم sky2 (http://www.mekshat.com/vb/member.php?u=8507) http://www.mekshat.com/vb/images/statusicon/user_offline.gif vbmenu_register("postmenu_607857", true);
شكرا اخي الكريم لسؤالك عن منطقتنا الحبيبه القصيم
ومثل ما ذكروا اخواني قبلي : جانا خير كثير من رب العالمين
اللهم لك الحمد والشكر وبعض الخباري لايزال الماء فيها ولله المنّه
لكن كما تعرف ويعرف اخواني ان كمية المطر لاتكفي وحدها بل الأهم
هو البركه ، فكم شاهدنا وسمعنا من الشواهد ما يثبت ذلك فكم من سنة لم تكن امطارها
غزيرة ولكنها مباركه فعم الربيع السهل والجبل ، والعكس كذلك صحيح واذكر ان احد السلف
من الأئمه يقول في تعريفه للقحط والأخذ بالسنوات : ليس معنى القحط ان لا ينزل المطر
بل ان ينزل المطر ولكن لا تُنبت الأرض !!
لذا نحن نبتهل الى العلي القدير ان يرزقنا من فضله وان يبارك لنا فيه وان يجعله
عونا لنا على طاعته
همسه :
هذي السنه ماهيب مثل العام ..... الخير طاح ونبتت الديره
تقبل مني خالص الموده
وفقك ربي ورعاك واثابك
مرتاح
18/12/2006, 11:20 PM
جنوب القصيم 80 /كلم الي 100/كلم
جهة ساجر و السر كله جاه سيول طيبه وبدا الباذر فيها
واخر سيله يوم السبت 25/11/1427على جنوب ساجر
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir