التدريب على التلواح

[سالم الصقار]

سلام عليكم الجميع،
أثناء تدريب الطير على التلواح، كم هو الوقت الزمني المستغرق ، أو يمكن تقول عدد المرات التي يجي الطير على التلواح ولا يحصله ، قبل ما يتعب الطير أو يفقد الاهتمام، بالنسبة لي ثلاث إلى خمسة دقائق أشوفها مناسبة، إيش رايكم ؟
للتوضيح: متى تقرر كحامل للشلوة / التلواح إنك تعطيها للطير ؟ بعد كم مرة أو مدة معينة (زمن) ؟

[القصير111]

عليكم السلام ورحمة الله وبركاته
من تشوف الطير فتح بوزه عطه الملواح عشان لايوقع وبعدين يتعود على التوقيع

[(هزاع)]

وعليكم السلام ورحمة الله

كل صقار وله طريقه ويرى انها الافضل

والصقار هو اللي يحدد بنظره هل يكفي ام لا

عين الصقار دليله

بالنسبة لي انا اصوت على الطير وناديه باسمه وارى انه يزيد حماسه ولا انزل النظر عنه مقبل ومقفي

وراقب نزوله وبعد مرجاعه واقصى ارتفاع ولتفاتة الطير صوب الملواح لاقفى

وبعض الطيور بها مكر بحيث تعاقب الملواح وهو خطر على جناح الطير لو خبط به

وكما تعلم ويعلم اخواني بان الملواح لايسحب بأتجاه قدوم الطير لالى يخبط بالطير

وليس من اللازم ان تجهد الطير زياده الى ان يفتح بوزه ولكن بالمعقول ونت تعرف طيرك

واخواني اعلم مني لكن هذي وجهة نظري وطريقتي

وكره ان ارى من يلوح بحمامه حيه لما يحصل لها من عذاب التل والخبط والاصابات قبل ان تحلل

موفق باذن الله

[القصير111]

جزاك الله خير يابومشعل

أنت ذكرت نقطة مهمة وهي التلويح بالحمامة أو غيرها وهي حية

وهذا لايجوز شرعا وموجودة فتوى بهذا الخصوص

[الخالدي..]

ما قصروا الربع وبالنسبه لي احسب عدد مسحه ع التلواح يعني 40 او50 وكذا وافضل انه ما يفتح منسره واحاول اعطيه قبل وبنفس الوقت اراعي 1روف الطقس لو كان حر او هوا ولو كان هوا اخلي الطير يجي مناطح الهوا وﻻ اكثر له ملواح واصا شفته بيوكر اخليه يقرب من الشلو قد مقدر عشان يحتمي ع العلف وﻻ يوكر



وبالنسبه للطير الي ما يجي اﻻ على حمامه حيه وش الحل معه وماودي اتوثم بالحمام مع العلم بان اقرب مدعى لي ينفع افك فيه ما يقل عن100 كيلو وملواح السيارة ابد ما أايده لان فيه خطوره علي وعلى الطير و يعود الطير ع الموتر اكثر من الازم ليت اهل الخبرة يفيدونا

[القصير111]

يالخالدي
يعطيك العافية وماقصرت

بالنسبة لطيرك أربط الحمامة الحية وخله يجي ويذبحها ونسره منها شي بسيط وبعدين إعزله ولوح له بنفس الحمامة بإذن الله يلوح

وبعد كذا تصير تلوح له بالميت لكن نسره عليها وبعدين لوح حتى يتعود

[الخالدي..]

بيض الله وجهك يالقصير111

الطير لواحد من الربع وسويناها له جاء ثنتين وعقبها يوكر بعيد وﻻ يطقها حومه لين تطلع له جيه

[مشهور9]

لوح لطير باليل كم يوم ثم ارجع لوحلة بالنهار