مشكلة بتانكي البرادو الخليجي

[جول قميري]

السلام عليكم ورحمة الله وبركاته
اللهم صل وسلم على نبينا محمد و على اله وصحبه وسلم

اخواني عندي مشكلة بالتانكي الاظافي

يطلع بالعيار او الامبير ان فيه الربع ويقطع الموتر ويطفى واذا رحت للمحطه اعبي ما ياخذ الا 135 لتر
وديت السيارة للورشة وقال ان المشكلة بغطاء التانكي لان النقل بين التانكي الاظافي والاساسي هو ضغط الهواء داخل التانكي.. يعني مافيه مضخة بنزين..
فيه احد مرت عليه المشكلة وش تتوقعون الحل؟؟

تحياتي للجميع


Sent from my iPhone using Tapatalk

[ابوعبدالله172]

جميع الخليجي فيه هذه العله لاتقلق واتركه على وضعه

[Almana_M1]

يالاجودي اعرف 2 معهم برادو 2014 خليجي يفضي الى اخر خط (اخر الانبير ) واذا جاء يعبيه وهو تو الموتر ماقطع يعبيه 140 الى 145 لتر

[جول قميري]

اخوي ابو عبدالله غيرت الغطاء و ان شاء الله انه ضبط.


Sent from my iPhone using Tapatalk

[جول قميري]

المعنا
موديل ???? ياخذ ??? لتر
من موديل ???? وتحت ياخذ ??? لتر
لكن غيرت غطا التانكي وان شاء الله انه ضبط .


Sent from my iPhone using Tapatalk

[جول قميري]

المعنا

موديل 2014 ياخذ 150 لتر

من موديل 2009وتحت ياخذ 180 لتر

لكن غيرت غطا التانكي وان شاء الله انه ضبط .



Sent from my iPhone using Tapatalk

[mesh.3]

السلام عليكم و رحمة الله و بركاته
أخوي صاحب معرف جول قميري
لي تجربة بالبرادو سابقا وشريت كذا برادو وكلهن خليجي تانكيين
و موديلاتهن 2009 وتحت
والتانكيين يشيلن 180 لتر
وعند رغبتي زمان بالشراء لأول برادوا
سمعت أنه يقولون التانكيين به مشكله مثل ماتفضلت
ولكن والله من دون حلف لم أرى هذه المشاكل أبد
كله كلام ناس ماجربو أو
يسمعون كلام و وكالت يقولون
ولما مرة سألني واحد أعرفه يطقط بالسيارات وقالي كيف البرادو معك
وسألني عن المشكله هذه بالتحديد قلت مابه إلا العافية
وايضا مشكله ثانية يقول عن الوصلة اللي بين التانكيين يخرب نفس اللي
ﻷنه البرادو مضخة وحدة بالتانكي الأساسي والإضافي يصب فيه
قلت له من وين لك الكلام ذا قال سمعت .

و زي ماتفضلت البرادو من 2009 وتحت تانكيين نفس الحجم 90 لتر * 2
يعني 180 لتر
و لعبيت فل كل التانكيين طبعا مدخل واحد للتعبئة و عداد واحد في لوحة العدادات
بالطبلون
ينزل معك العداد لين النصف ثم ينتهي الخزان الثاني ***
ثم يرتفع العداد لين الفل من جديد وتطلع لك علامة 90L خضراء فوق عداد البنزيم
و بكذا تعرف إنه معك التانكي الأساسي فقط
ولإنتها الخزان ينزل لين الأخير حرف E

أما الجدد من 2010 وطالع الظاهر يجي تانكي واحد فقط 150 لتر

*** عشان كذا أعتقد يقولون به مشاكل ﻷن العداد في التانكي الإضافي أو الثاني ماينزل لين E إذا انتهى
يعتبر النص هو بمثابة ال E في التانكي الثاني
فممكن يحسبونه خربان أو شي من هذا القبيل


حبيت أفيدك و تقبل مروري
أبو عبدالعزيز

[جول قميري]

وعليكم السلام ورحمة الله وبركاته
حياك الله اخوي ابو عبدالعزيز
الموتر معي له ثلاث سنوات ونص والحمدلله ماشي تمام التمام
لكن قبل شهر ونص تقريبا بطريق الثمامه عند اسطبلات الخيول بدا يقطع و طفى علي و فيه الربع استغربت المهم جبت جيك ورحت للمحطه وعبيته ورحت للمحطه ما اخذ الا ??? لتر تقريبا وسوها مره ثانيه والانبير فوق الربع والعداد يقول باقي ??? كيلوا بس بعد مابدا يقطع عبيت بنزين وغيرت غطا التانكي ولله الحمد صار مثل اول .
تحياتي لك
اخوك
ابو عبدالعزيز


Sent from my iPhone using Tapatalk