وين نحصل دلال العساف الكورية بالرياض؟

[عاشق الرملة]

السلام عليكم ورحمة الله وبركاته

مطلوب دلتين العساف
مقاس 40
مقاس 28

أو مقاس وسط

اللون الفضي

حاولت أحصلهن بالرياض ولكن أغلب الموجود السيف
بارك الله فيكم

[ابوعبدالرحمن.]

السلام عليكم ورحمة الله وبركاته.

اخي الكريم بالنسبة للكوري والعلم عند الله انه انقطع من السوق حتى عند الوكيل
(العساف _حائل) الموجود اندونيسيي او ماليزي .
تلفون المحل (حائل) 5320767 - 5320866(016)
بالنسبة لمكان البيع في الرياض في اسواق حجاب بالنسيم فيه محل اسمه الراضي للاوني المنزلية وسط محلات بائعي الاوني المنزليه وعنده مناقل خشب يفتح جنوب ـ غرب . من الجنوب اوني منزلية ومن الغرب الدخيل للعود. والاكيد بتحصل في شارع السبالة وسط الرياض.
ارجو ان تجد ضالتك

[ابولولو]

http://www.mekshat.com/vb/showthread.php?t=658412

أسئل الرجال الطيب ابو يحي هذا موضوعه

[خالد الخطير]

بالنسبة للكوري توقفت صناعته من سنوات

تحول انتاج العساف الى اندنوسيا

وسابقاً يجي الختم باسفل الدلة كوريا بالنسبه لام مسمار بالغطا

والي قبلها اول الاصدارات يجي غطى الدله من داخل مسح وعليه ختم ولكن غير مكتوب عليه كوريا لكن معروف انه كوري

اما الاخير فالغطى فيه مسمار ، قاع الدلة من تحت ختم العساف حايل لكن بدون كوريا ، واصبح ختم اندنوسيا بقبض يد الدله من داخل تجده محفور

سبق اني شفت شكل العساف الاصليه ٢٦ حول ال ٢٠٠ او اقل شوي

وشفت دلتين العساف ٣٢ لون ذهبي جدد الوحده حول ٣٠٠

الاسعار غاليه مقارنة بالاندنوسي

والله يرزقك بالي فيه خير لك

[قلب الداهية]

موجود عندي مقاس32 و 40 و 48 كوريه مستخدمه للبيع

[عاشق الرملة]

بارك الله فيكم جميعا ...

اخوي قلب الداهية
كيف نظافة الدلال؟
واذا حصل رقمك على الخاص لمعاينة الصور ...
وفقك الله

أرسلت من H60-L12 بإستخدام تاباتلك

[M ابوعدنان]

موجود عندي مقاس32 و 40 و 48 كوريه مستخدمه للبيع

السلام عليكم ابي مقاس 48 وياليت توضح هل هي يد عريضه اولا