ماالحل لاصلاح زيت بقربة الماء للفورد ايدج 2011

[ابو لمار.]

السلام عليكم
سيارتي فورد ايدج 2011 ارتفعت الحراره وعلى طول وقفت السيارة وبعد ماسحبتها طلع السبب المراوح وتم تغييرها والحمدلله رجع وضع السياره بدون حراره . بس الي حصل لقيت زيت بقربة المويا رحت للوكالة ماطلوني عشانها استخدام وكل ماروح لواحد يقول غسل المكينه وتعال وغسلتها ورجع الزيت يقولو مبرد القير والي يقول مالها مبرد قير والي يقول مبرد المكينه واكثرهم السيارات ذي مانشتغل عليها . المهم لي حول شهر على ذا الموال و بالنسبه للسياره الحمدلله ماشيه معي تمام لاحراره ولا شي . بس خايف تكبر السالفه .
لاهنتو احد يعرف السبب وكيف اسويه
وشكرا مقدما .

[سوبرمان]

أخي الكريم

يبدو والله أعلم أن الوجه ( الكازكيت ) حق الماكينة عندك محروق ويحتاج أنك تفتح رأس الماكينة وتغير الكازكيت ويختفي بإذن الله الزيت الذي تراه بقربة الماء .

[ابو لمار.]

شكرا اخوي على المشاركة بس المكينه ماهي خالطه زيت الزيت بس في قربة الماء و كل الي يكشفون عليها قالو احتمال انه زيت جربكس .

[1824]

اذا السيارة على الضمان اذهب لهم وقلهم يفكون الراديتر برى زي الكلاب ويطلعون الماء وكامل ويفضون نظام التبريد كامل ويغيرون زيت القير كامل وقلهم بشوف بعدها اذا المشكلة راحت ولا لا واذا ماراحت قلهم ابي تغير القير ونظام التبريد بالكامل لانه يعتبر متضرر بالتوفيق لك واذا مو عاجبهم كلم وزارة التجارة ومستعد اصير محامي لك في وكالات ما ينفع معها الا العين الحمراء والجلد يابوي بالتوفيق لك

[الاشهب 507]

اقول إذا مكينتك لاقدر
اله تخلط ماء وزيت
تقدر تعرفها اسحب عيار الزيت
وشم ريحت الزيت وبعدها
افتح لاديتر وشمر الاديتر إذا نفس الريح
في موتر خلط من الحراره
وافتح خطى. الزيت بعد مشوار
وشف فيه رغوه ولا لا تجي رخوه كثيره
حتى تلاحضها في الغطى
حق الزيت ودخل ااصبعك ودور يمين يسار
باصبعك واذا لاقدر الله خلطت
امامك حلين الاول فك الراس ووضب الله لايهينك
وحل موقت هو تفضي الاديتر كامل
وعبه زيت بدل الماء هذى تمشيك اسبوع
ومجربه بس لزم تدبر وضعك باسرع وقت ممكن
ولا بتجيك اضرار لا تعد ولا تحصى وموترك مراح
ينفع بريال بعدها
الأشهب 507

[ابو لمار.]

ياجماعة الخير اولا شكرا على طرح ارائكم . بس الظاهر مافهمتو ايش الوضع الزيت فقط بقربة الماء و90 ٪من الي كشفو عليها يقولو الظاهر انه زيت جربكس والحمدلله المكينه مشيك عليها مافيه خلط ولا شي . يعني هل ممكن سببه مبرد القير يرد عطلان ويهرب زيت على القربه او ماله شغل بالقربه.

[1824]

اذا السيارة على الضمان اذهب لهم وقلهم يفكون الراديتر برى زي الكلاب ويطلعون الماء وكامل ويفضون نظام التبريد كامل ويغيرون زيت القير كامل وقلهم بشوف بعدها اذا المشكلة راحت ولا لا واذا ماراحت قلهم ابي تغير القير ونظام التبريد بالكامل لانه يعتبر متضرر بالتوفيق لك واذا مو عاجبهم كلم وزارة التجارة ومستعد اصير محامي لك في وكالات ما ينفع معها الا العين الحمراء والجلد يابوي بالتوفيق لك


ياجماعة الخير اولا شكرا على طرح ارائكم . بس الظاهر مافهمتو ايش الوضع الزيت فقط بقربة الماء و90 ٪من الي كشفو عليها يقولو الظاهر انه زيت جربكس والحمدلله المكينه مشيك عليها مافيه خلط ولا شي . يعني هل ممكن سببه مبرد القير يرد عطلان ويهرب زيت على القربه او ماله شغل بالقربه.

وانا وش اقول من اليوم جبت طاري المكينة عندك القير ونظام التبريد تضرر

[ذيب الظلمى]

شف ماسورة تبريد الزيت الي في الرديتر ومشكلتك من الرديتر من الداخل الماسوره حقت تبريد الزيت