شاص ينحرف يمين-عطونا الحل

[sulaiman.fj40]

مرحبا بالجميع.
عندي شاص 2006 قدر الله واندقش خفيف مع العكس يمين من برا وبعدها صار ينحرف يمين وشيكت على الاذرعه والركب وكل شي ولا فيه خلل-
وش رايكم يالمجربين- الفزعه

[متقاعد مبكر]

شيك على الاذرعه والمقصات لدى مركز متخصص واشرح لهم المشله والسبب

[ajaa2009]

اذا الكفرات نوعيه وحده خذ مك خيط مثل حق البنايين وقف السيارة في مكان مستوي وعدل الدكسون مدالخيط من موخره الكفرالخلفي
الى مقدمه الكفر الامامي مارن الخيط على منتصف الكفرات وابدا بالجه اليسرا وسنتر الكفرات على الخيط وثم ابد بالجه اليمنى وتشوف
الفرق

[sulaiman.fj40]

ماقصرتوا يا اخوان لكن كل اللي ذكرتوا سويته علما بان الشاص مايجي له مقصات ولإزال الانحراف بعد مااتعدى 40 كم لازم أمسك الدركسون- شيكات الرمانات والأعمدة والشيالات وكل شي تمام- الفزززززعه

[م س س]

اذا الكفر جاه شيء من الضربة فكه وبدله محل الأمامي يسار واذا ماجاه شيء وده عند كذا ميزان وانزل معه ويعلمك وين الخلل .

[sulaiman.fj40]

شكرًا للجميع ونطمع بالمزيد من خبرة الاخوان

[ابوراكان تبوك]

المشكله لاتتعدى
1- الشاص لازم تفحصه يمكن يحتاج سحب
2- الدفرنس ممكن فيه ميول ويحتاج كبس ( مشكله شائعه في سيارت الدفرنسين )
3- الاذرعه ممكن احدها مطعوج حتى لو ماطلع معك فضاوه ( يبغى لك واحد فنان يطلعها ولا لازم تفك الاذرعه مع مواسيرها وتفحصها عن الميول )
4- الفلنجه ( أشك انها مطعوجه ولو انا مكانك اول وحده افحصها 90% الخلل منها ) تبين معك بتهريب الزيت او ميكانيكي يشوفها
5- جرب تبدل الكفرات على شكل x دائما تحدث حذفه وبعد ما اعمل هذه الطريقه تروح الحذفه لان الجيوب الدفرنسين مالها وزن اذرعه
هذا ما لدي واتمنى المشكله بسيطه ان شاء الله

[sulaiman.fj40]

شكرًا ابو راكان ولا يهون بقية الاخوان- الدقشه بسيطه مع سياره كابرس جديد وداخل الحاره ما تعدت سرعتهم ١٥ كم- لكن صارت الدقشه في غطاء الفلنجه القداميه يمين- فحصت الاذرعه ما فيها عوج والرمانات كلها سليمه والشاص ماجاه شي والعكوس سليمه - فيه قاعدة الاذرعه اللي راكبه أسفل الركبه جهة اليمين لما قست المسافه بينها وبين الكليبر لاحظت انها اقرب للكليبر من القاعدة جهة اليسار ب٢ مللي - هل هذا له تأثير؟؟

[ابوراكان تبوك]

ممكن وممكن لا 2 ملي قليل جدا جدا لو ترخي صواميلها وتعطيه ظربه خفيفه بالشاكوش بيرجع

الحذفات القويه تبين من 1 سم وفوق

[داموك 1]

اخوي شيك على الفرامل لانه ممكن مااسورة
الفرامل انعفطت مع الصدمه او اثناء التصليح
لان اللي يحصل عندك انه الكفرات الثلاث الباقيه تمسك فرامل صح
والكفر اللي جته الصدمه مايمسك فرامل عشان كذا يظل يمشي ويسحب معه السياره
لليمين

[الاطار]

صارت مع وطلعت المشكله في الشاص انحرف انحراف مخفي لايرى باالعين الا بعد تعب

[sulaiman.fj40]

شكرا لكل الاخوه وقد نصحني احد الاخوه بعرضه على ميزان الدرع في الصناعيه.

[ابوراكان تبوك]

خله يقيس المسافات بين الدفرانسات بالمتر

كل جهه يحط راس المتر فيها على راس العكس اذا فيه انحرافات يبين معك بفرق المسافات


عموما انصحك بميزان الكمبيوتر هو المضبوط لايتعدى 120 150

[sulaiman.fj40]

شكرا أبو راكان- انا قايس كل المسافات بين العكوس وبين الكفرات وشكل المقص وكل شي مضبوط بالمللي- اعتقد المشكله اللي يسمونه الكامبر والكاستر- يعني ميلان الكفر الرأسي

[اسدهم]

شفلك رمل وحاول ماتنوفر فية المهم اثبت الدركسون ومش ع الرمل او علي عزاز وشف جرت الموتر توضح لك ادا في ميول