*** سؤال لخبراء سكاكين أوكابي مع الصور ***

[ريان2002]

السلام عليكم ورحمة الله وبركاته
أحد الزملاء وصاني أبحث له عن سكين رداري ألمانيه أصليه ولقيت باكستاني وجنوب أفريقي والماني وهو النوع اللي في الصوره
ماعندي خبره في هالسكاكين ولكن شكيت في شكل ختم الغزال اللي في النصل بعد ماشفت صور في قوقل وأتصلت عليه قال ما أدري فقلت أشاور أهل الخبره قبل ما أشتريها له
سعر الحبه ( جديده 180 ريال )

السؤال هل هي ألمانيه أصليه ؟ وهل سعرها معقول ؟

http://im78.gulfup.com/L0LlPL.jpg (http://www.gulfup.com/?yVR6z3)

http://im56.gulfup.com/gIuNgC.jpg (http://www.gulfup.com/?aJMAZA)

[saus10]

تبغى الكلام الي يجبد على الشارب ،،ابعد عنها هذي مقلدة وغير ألماني هذي صناعة باكستانية خايسة في نوع مكتوب عليه صناعة باكستانية أفضل من الي انت عارضه ،،الله يكفينا شر الي ما يخافون الله ،،

[خالد الخطير]

هذي السكين الأصلية

http://www.mekshat.com/pix/upload05/images210/mk152870_okapi%203.jpg

اما وارد خوجه فلا اثق فيه كثيراً

كثر اللغط حوله وحول النسخ التي يصدرها

وهذا موضوع مناقشه حول السكين

لعله يفيدك

http://www.mekshat.com/vb/showthread.php?t=395917

لكني لست مسئول عن معلوماته

نصيحه قبل لا تاخذ اي شي

قم بالابحار بالنت ، وابحث عن مواضيع ذات صله بسؤالك

ابحث عن المعلومه واتعب عليها

اخوك / خالد

[ريان2002]

تبغى الكلام الي يجبد على الشارب ،،ابعد عنها هذي مقلدة وغير ألماني هذي صناعة باكستانية خايسة في نوع مكتوب عليه صناعة باكستانية أفضل من الي انت عارضه ،،الله يكفينا شر الي ما يخافون الله ،،


جزاك الله خير على ماذكرت وبركه إني ماشريت قبل ما أشاوركم

[ريان2002]

أشكرك على ماذكرت أخي الكريم خالد الخطير
والرابط أفادني كثير وفقك الله وبالمناسبه أنا لقيت في نفس المحل سكين اوكابي مستخدمه يقول راعي المحل إنها ب 250 ريال قلت ليش أغلى من الجديده اللي ب 180 ؟
قال المستخدم منها أغلى من الجديد فشكله كذب علي والصحيح والله أعلم أن أم 250 أصليه ولو كانت مستخدمه وأم 180 مقلده ولو كانت جديده

[خالد الخطير]

اهم شي تاخذ معلومات من النت ومتوفره

بالاضافه للتحليل !!

وهو انك تحلل زي ماسويت ، المستخدمه اغلى من الجديده

معناته في شي غلط

ودام في شي غلط فابتعد كلياً عنها

وبالبديلة لها هي كودو من كولد ستيل بـ ٥٠ او ٤٠ ريال اذا انت تحب الشكل هذا

صناعتها صينيه ولكن جودتها ممتازه وستيل ماتصدي

موجوده عند محلات الرماية

http://images.bidorbuy.co.za/user_images/183/1291183_100319171131_Picture_213.jpg

[رفيع المقام]

أشكرك على ماذكرت أخي الكريم خالد الخطير
والرابط أفادني كثير وفقك الله وبالمناسبه أنا لقيت في نفس المحل سكين اوكابي مستخدمه يقول راعي المحل إنها ب 250 ريال قلت ليش أغلى من الجديده اللي ب 180 ؟
قال المستخدم منها أغلى من الجديد فشكله كذب علي والصحيح والله أعلم أن أم 250 أصليه ولو كانت مستخدمه وأم 180 مقلده ولو كانت جديده


صحيح كما ذكرت

وباين منها انها موب اصليه تلقاها في المحطات اللي على الطرق السريعه ب10 ريال وهذا يبيعها 180 الله يهديه .. استغلال لأبعد درجه ..

قبل مده كنت ابحث عنها السكين هذه ولقيت النوع المضروب في سوق الزل عند عاامل هندي ويقول عمرها 30 سنه ويوجد عندها كميه كبيره جدً ، لافها في ورق جرايد ... سألته من وين جبتها يقول شريتها من شايب كان محتفظ فيها وقام يعطيني من الرخيص.. قال وش دراك انها كذبه قال من كبرها ..

هم شافوا الناس تبحث عن سكين خوجه الاصليه فصاروا يغشون فيها ..

مالك الا سكين كودو من كولد ستيل

كما ذكر الاخ خالد الخطير .

[ريان2002]

سلمت يارفيع المقام وأخونا خالد ماقصر الله يعطيه العافيه وإياك
أنا أصلا مالي في الرداديات ولاعندي غير حبه وحده من أوبنيل لأن أكثر ما أستخدم أبو طير مقاس ١٤
لكن وصاني عزيز على وحده ألمانيه أصليه ولقيت ماذكرته لكم وقلت أسألكم قبل ما أشتريها له وماقصرتم بيض الله وجوهكم دنيا وآخره

[Hamdi_an]

كودو من كولد ستيل: نعم صناعتها صينية، لكن التصميم ومراقبة الجودة أميركية، والفولاذ ألماني وهو ممتاز يستخدم لصناعة الأدوات الجراحية.
يقول رئيس شركة كولد ستيل: إنه رأى أوكابي، فوجدها تباع بكميات كبيرة رغم أنها سيئة الصنع، فقرر أن يعمل نسخة أفضل بسعرأرخص. أرى أنه قد نجح في ذلك.

[المستعين بالله]

السلام عليكم
لي طلب بسيط وصف المحل ان كانه بالرياض
الله يوفقنا واياك لكل خير وييسر امرك

[ريان2002]

السلام عليكم
لي طلب بسيط وصف المحل ان كانه بالرياض
الله يوفقنا واياك لكل خير وييسر امرك


وعليكم السلام ورحمة الله
المحل الله يسلمك في محايل عسير