ابي فزعتكم بالربع لمبة المكينة للفتك

[Altuwaijri]

السلام عليكم ورحمة الله وبركاته
نبي الفزعة يجماعة الخير
انا عندي فتك 2007 غيرت البواجي ونضفت الثروتل وبعدها باسبوعين صارت تطلع عندي لمبة المكينة وضعف بالعزم بالحيل تمشي السيارة وقريت بعض التجارب للأعضاء بالمنتدى عن تغيير الكتاوت وغيرتهم ولافاد وغيرت صفاية البنزين ولافاد رحت فحصت كمبيوتر وطلع عندي نتيجة الفحص حساس الهوا والدعسة غيرت حساس الهوا ولا من فايدة
اخذت الموتر لورشة باترول بالصناعية القديمة شفت عنده باترول فتك كثير.
فحص قالي تغيير الدعسة لانه تعطي كود على جهاز الفحص راح اجرب دعسة من عندي واذا ماكانت الدعسة ممكن الكمبيوتر.
المهم غير الدعسة ولازانت وغير الكمبيوتر ولازانت فحص طرمبة البنزين ولقها ممتازة ويقول ممكن سلك فاصل ولا شي والسيارة بالورشة من 3 ايام لين الحين مالقينا المشكلة

[هيبتي بكلمتي]

وعليكم السلام ورحمة الله وبركاته

أخوي الله لا يهينك حط الأكواد اللي طلعت معك في فحص الكمبيوتر حتى يسهل على الشباب إفادتك بإذن الله .

والله أعلم.

[Altuwaijri]

والله ياخوي ماعندي الاكواد ولكن اني فحص كمبيوتر في ورشتين وكلهم فالوا انه الدعسة

[اليامي قطر]

يالتويجري يرحم امك وشو له هالخساير عشان لمبه

استخدم الموتر لين يوقف خسرت واجد عشان لمبه مكينه ماتضره والله

بعدين هاللمبه تطلع اذا قصيت واير الكمبيوتر حق الفصله

او فصلت العداد من القير

افحص على واير العداد من الكمبيوتر يمكن مقصوص

[Altuwaijri]

اخوي اليامي
الورشة جربت قطع من عندها ولا شريت
اما بخصوص اللمبة الموتر بالحيل يمشي تدعس على الاخير يالله يوصل ٦٠

[هيبتي بكلمتي]

وعليكم السلام ورحمة الله وبركاته

شيك وانا اخوك على الشكمان كان معي شاص 2004 طلعت فيه مشكله لما تدعسله وهو واقف يبدا يتفتف على 3 ونص وأحيانا على 4 ( وتولع لمبة المكينه مع الدعس ) كأنه داخل في الاحمر وما يتعداها ابد ولما تمشي بالخط مايتعدا 80 لو تقطعه ويبغاله اكثر من 10كيلو عشان يطلع من 70 الى 80 وبالاخير طلعت المشكله من وحده من قرب الشكمان متكسره من الداخل وتكتم السياره مع المشي .
وعلى فكره أنا سألتك عن أكواد الفحص لأن الأكواد تحصر لك موقع المشكله ولازم تشيك على عدة أشياء بنفس المنطقه المحصوره .
شوف هذا الفيديو يبين لك كيف تفحص الشكمان بدون ماتفكه .

https://www.youtube.com/watch?v=d-jp1IIJVVk

والله أعلم.

[Altuwaijri]

الف شكرا اخوي هيبتي بكلمتي

المشكلة انا ماتوقعتها من الكنداسة لانه عند مايطفي لمبة المكينة يرجع الموتر لوضعه الطبيعي

[ابوسند9]

وعليكم السلام
انت تقول عندما تطفى اللمبة يرجع طبيعي
طيب لو تجرب في حال اللمبة مولعه انه يكون معك حد داخل السياره وهي شغاله وتقوم بتحريك فيش حساس الهواء وفيش الدعسة
وكذالك تحريك اسلاك الظفيره
لاني اتوقع المشكله مشكلة فيش متوسع او سلك مرتخي
وبرضو شيك على خرطوش فلتر الهواء الكبير لايكون مشقوق من الاسفل

[Altuwaijri]

جزاك الله خير اخوي ابو سند
هو الطاهر انه سلك بس مين اللي يعرفله
لاني مغير الحساس والخرطوش جديد

اذا احد يعرف ورش متخصصة بهالموضوع يرسلي

[ابوسند9]

ابشر برسلك على الخاص لواحد
لكن انت في موضوعك ما ذكرت انه احينا لما تطفى اللمبة ترجع السياره طبيعي
وهنا راح تختلف الاجابه 180 درجه ,لازم تبين انه السياره احينا تضبط واحينا لا
فا الرجال اللي راح ارسلك له وضح له كل شي وخليه يفحص ما ذكرته لك

[Altuwaijri]

الو سند هي كانت تشتغل بس لما اطفي الموتر واشغل تروح لين قبل ٣ ايام اشتغلت ولا رضت تطفى واللي فحص كمبيوتر اول مرة مسح الاخطاء وصارت ممتازة بعد نص ساعة رجعت اللمبة ولعت والسيارة بالحيل تمشي

[Altuwaijri]

هلا اخوي ابو سند الرجال اللي وصفتلي رحت له اول واحد و قالي انه مايشتغل بالفتك وانه في كهربائي هندي يشتغل فيها واذا جاك كلمتك وتركت السيارة من بعد العصر لين لهد قلتة العشا ولكن لسوء الحض ماجا الهندي وقالي ان جا اتصلت فيك ولين الحين انتظر

[ابوسند9]

غريبه كلامه !
هو فنان وبرضو الهندي اللي عنده فنان
وانت مر عليه بكرا وشوف اما تصال انسى انه يتصل عليك
وبرضو مر على ورشة الثنيان مقابلة لورشة تقديرات المرور وشوف ايش يقولك

[خالد777]

مثل ماتفضلو الشباب في ردودهم
و المشكلة
هذي صارت معي طلع سللك من الأسلاك متآكل وصلحته عند العثيم في صناعية الرواف ببريدة
لكن لازم يفحص عليه والمشكلة موجودة لأنها كانت تروح وتجي فجأة

[Altuwaijri]

شكرا اخوي خالد
الظاهر مالها الا اوديه لابو ابراهيم العثيم، اذا تكرمت ممكن رقمه على الخاص