الكفرات الصينية

[يالبى الهلا]

السلام عليكم ورحمة الله وبركاته.........
الكفرات الصينية من استخدمها وش هي من كفرات تصلح للبر والمدينة وكيف مطبها وهل ينصح بتركيبها

[ريان2002]

وعليكم السلام ورحمة الله وبركاته
أغلب موردينا مايجيبون إلا أردى الصناعات الصينيه وهذا ينطبق حتى على الكفرات فما أنصحك فيها نهائيا
عني أنا لو لقيتها ببلاش ماركبتها لسيارتي

[همس الغدير]

والله عني استخدمها داخل المدينة وجيده صراحه

[يالبى الهلا]

مافية شئ بلاش صار تركيب الكفرات
راتب موظف 800+4=3200

[denso]

اذا منت براعي سرعه ركب ولاتشاور واهم شي الضمان

[الحميضاني]

السلام عليكم
الكفرات الصينيه اغلبها قاسيه وما انصحك ابها مررره

[سيف وقلم]

الصيني ليس نوع واحد ..

لكن فيه أنواع ثانية رخيصة نوعا ما:

عندك نكسن كورية وكيلها العمودي وضمانها مفتوح، بس ماجربتها.

وماكسس صناعتها تايلند وتايوان وكيلها الهاجري مجربة شخصيا ممتازة وسعرها مناسب.

وفيه الشركات المعروفة صارت تصنع في الصين واندونيسيا وتلقاه رخيصة نسبيا.

[SGL]

أفضل شركة صينيه جربنا كفراتها والكلام هذا له ممكن خمس سنوات هي شركة ( كندا ) ركبنا منها على كريسيدا وعلى سوبارو وعلى مازدا وبنز وأخر موتر ركبناها له باترول لها سنه وأكثر تحس بعض الأحيان إنها قاسيه شوي وعندك كفرات هانكوك صيني مركبينها لهايلكس ولها 6شهور

[يالبى الهلا]

الله يجزاكم خيرا الجميع بدون استثناء وجميع من شاهد
قصدي كفرات مهي قاسية لينة علي المطب وليس قاسية
مركب كفرات قديمة قوددددير ناعمة جداا
وﻻكن عيبها التنسيم كل شؤ انفخ هواء وممسوحات ومنتهية وان شاء نركب جديد
والمعقول كفر صيني

[أبوأسامه...]

طيب انا استخدمت كفرات ساليون من شركة كندا مضمونه سنه من الوكيل وانا جربتها سنه على الباث لين بعته

[احمد شريف]

حياك اخوي
كيفك
افضل الكفرات الصينيه بعطيك اسمها واختار وركب وانت مغمض مجربينهم كد ومد ومع حراره جده والزحمات والحفر والمطبات والطرق الوعره وكل شئ يخطر ببالك
جينيو ممتاز هذا افضل والثاني الي تحته
وينلي ممتاز يستعملونه اصحاب التقطيب ممتاز جدا
ساليون ماجربته بس اشوفه يمدونه
جينيور برضه زي جينيو يختلفون بالاسم وممتازين ماعليهم خلاف

[ibrahim saad]

انا ركبت كفرات رانوي على ددسن وهايلوكس مقاس ١٥ ب٢٣٠ريال وكيلها البعيجان لينات وتعجبك في البر

[عقووول]

انا والله بقولك تجربتي

على سيارة لكزس 300 es
شريت السيارة وراعيها مركبها

واستخدمتها وسط الرياض وسفريات رحت لمكة والطايف

وسفريات غيرها وبعضها بعز الظهر وامشي 180

والحمد لله تمت معي سنه و 7 شهور وبعتها لولد عمي كدها كد للقصيم لانه كان بدورة عسكرية

لمدة شهرين وبعد ما نوا يسافر لابها غيرها بنفس النوعيه

وانا شريت لكزس ثانية ومركب نفس الكفر واخوي بعد

كلها سيارات صغيرة على الجيوب ماجربت

واسمها رابيد ( rapid )طقم اخذته 1000 ريال