الهايلكس افضل سياره

[ابوهاجوس1]

عندي هايلكس 2010 ماشي 300 الف لم يتم تغيير اي قطعه من يوم طلعته من الوكاله عدا الفحمات. حتى السير والبواجي والصفايه ماغيرتها وماشيه تمام. وش تنصحوني اغير فيه وهل زيت الدفرنس لازم اشيك عيه

[امير المشاعر]

هههههه والله وانا اخوك العنوان غير عن السوال
الاول فكرتك تسوي دعايا ويوم دخلت في موضوعك طلع شي ثاني
لجواب سوالك يفضل انك تغير البواجي حتى تعطي اداء افضل

[I2.7]

اكبر غلط اخوي كذا انت تقلل من عمر المحرك الافتراضي ..
غير السير والبواجي وصفاية البنزين
وشيك ع الكويلات واذا تحتاج تغير غيرها
زيت الدفرنس دام مافيه تهريب ماينقص ابد ولا فيه مشكلة
وبحكم ممشاك الكبير ماانصحك تغيره اطلاقاً.

موفق

[مخاوي المكشات]

ماشاء الله تبارك الله

اولاً انصحك تشيك على القطع الاستهلاكيه نظرياً فقط ولا تغير اي شئ الا اذا يدعي التغيير

كل شئ له عمر افتراضي ولكن في حال الاستخدام الممتاز سيطيل العمر اكثر من الافتراضي

[ابوسند9]

ما شاء الله
الله يطعمك خيرها ويكفيك شرها
ويبدو لي ان قيادتك راكدة
واللى لو هي مع بعض الشباب الطايش كان كل يوم بالورش تخبيط واعطال قير والخ .... وهذا شي شفته بعيني موديلات 2014 ونازل
لكن انصحك غير الاتي
بواجي ,صفاية بنزين , فلتر هواء, سيور , تسييخ الاديتر وتغير بلف حراره وكراسي المكينه
من الاسفل ,شيك على المساعدات والربلات وكرسي القير والمقصات
وكذالك شيك على زيت القير والدفرنسات اذا فيه نقص زيده
الكويلات اذا ما فيها تقطيع لا تغيرها
وعليك با القطع الاصليه

[حسين السبيعي]

تبارك الله

[ابوخلف..]

ماشاءالله
الله يعطيك خيرها ويكفيك شرها
الشباب ماقصروا

[بلدي عمان]

اشاطر الاخ ابو سند9 بالرأي

[راعي الجنوب]

ماشاء الله
بيض الله وجهك ع التغطيه
و اسال الله ان يرحمنا برحمته
تقبل مروري

[mohammed_i9]

شف لك فحص كمبيوتر ممتاز مثل مايز النهدي، افحص عنده ب 200 ريال اتوقع او 150
وهو بيعلمك ب كل شيء يحتاجه موترك، بس لاتغير عنده لأنه سعره غالي
مثل تغيير البواجي ب150 وفلتر الهواء ب50 ههههههههههه
رح لورشة كويسه وغير عندها ، تقريبًا البواجي ب40 وفلتر الهواء تسويه بنفسك حتى او اهو يركبه لك مجاني ماياخذ دقيقه
وزي كذا

[هاوي بلادي]

غير اشياء اللي قالوا عنها الشباب

وفالك التوفيق

[ابومحمد 88]

لاتغير شي خلها على حالها دامها راكده فيه مثل يقول .. احرك تبلش ^_^

[ابوراكان تبوك]

لا والله وانا اخوك غير ع الطلب بس

واهم شيء الآن حتى يريح الموتر شوي بعد ه المشوار ماشاء الله
1- طقم بواجي
2- فلتر هواء أصلي
3- صفاية بنزين أصليه
لازم تغيرها

شكل مأنبك ظميرك وتوك ترحمها هههههههههههههـ


موفق أخي

[ateeq7]

يا سلام زين كنت تغير السفايف امزح معاك :D
شوف يا طويل العمر عقاب لك سيارتك هذه الله يعطيها الصحه شو رايك اشور عليك بشيء مر على الوكيل و قوله اريد اعمل ميجر سيرفس:redcar: على السياره وشوف بكم يقولولك تراه تستاهل ونيسة الدروب و اسئلهم عن الاشاء التي بيغيرونها في السياره حتى تكون على درايه بكل صغيرة وكبيرة في سيارتك والله يسهل عليك دروبك