ماهو الفرق بين هذة الاسماك؟

[ابو عبدالرحمن القرش]

السلام عليكم

وش الفرق بين الثمد وباقي انواع التونة؟

ياليت يكون التوضيح بالصور

وماهوالفرق بين الفارس والصرع وابو بصيل؟

[sanad81]

اخوي الثمد هو اسم محلي للتونه الزعنفه الزرقاء الصغيره (يعني ما تتجاوز ال 10 كيلو )

اهل الشرقيه نسميها تبان

التونه عموماً نوعين رئيسين
الزعنفه الزرقاء والزعنفه الصفراء
الزرقاء تمتاز بتواجدها في اماكن عديده وبالعاده تحب الماء البارد ويوصل وزنها الى 200 كيلو

الزعنفه الصفراء قليله جداً بالخليج ولا يتجاوز حجمها ال 90 كيلو

بالخليج العربي يجي لها موسم ما يتجاوز الاسبوعين تقدر تصيدها وبعدها تختفي

اما الزرقاء فطول فتره الشتاء موجوده وبكثر

[أبوحافظ]

عليكم السلام ورحمه الله

اخوي ابوعبدالرحمن

ماعمري جربت صيد الغزير .. ولكن عندي اطلاع من خلال مواضيع في المنتدى و الكتب و بعض المواقع الغربية والعربية ... بحاول افيدك بقدر المستطاع وياليت يساعدونا اهل الغزير في هذا الجانب

الفارس ومسمياته قد تختلف من منطقة لاخرى ..
وله انواع : الشرقي و الوسطي و الدربي و الصعنون (المسميات بحسب الحجم ) موسم صيده في منتصف اكتوبر ويكون سمين حتى نهاية نوفمبر

والصرع اكثر من نوع ومنها : دقم و ابوسنون
ولكن يظل شكله مميز عن ( الفارس وابوبصيل) وله ايضا علامه مميزة في الراس وفي الخياشيم عباره عن خطوط ملونه ...

للمعلومية ابوبصيل و الصرع ينصادون في القاع بعكس الفارس الي ينصاد باعماق معينه ولا ينصاد في القاع
لذلك غالبا ما تجد اللي يصيدون الصرع يكون معاه ابو بصيل ....


في المواقع الغربيه يصنف الفارس وابوبصيل و الصرع من (نفس العائلة ) عائلة النهاشات اللي يندرج تحتها ايضا الشعفن


الاسم الاجنبي والاصح للفارس هو
Rusty jobfish

وفيه اعضاء ذكروا ان مسماها

Small toothed jobfish

لكن المسمى الاول هو الاصح نظرا لانه موضح انها تعيش من اعماق 100 واكثر بعكس المسمى الثاني اللي يوضح انها تعيش من متر وحتى 120


ابوبصيل والاسم الاجنبي
Flame Snapper



الصرع والاسم الاجنبي

sharptooth jobfish

لكن عشان ما اتوهك :

الفارس و ابو بصيل يتشابهون الى حد كبير ...
لون ابوبصيل مائل للبرتقالي ..
الزعانف الظهرية للفارس لونها اصفر ..
الصرع يفرق تماما من ناحية الشكل وله الوان مميزة بالاصفر والاحمر مابين العينين


هذي صور لهم جميعا

http://www.mekshat.com/pix/upload06/images/2015/01/mk200176_mk200176_1039.jpg


هذي صورة للفارس من احد المواضيع في المنتدى

http://www.mekshat.com/pix/upload06/images/2015/01/mk200176_img_20150101_220653.jpg



وصوره للفارس مع احد الاعضاء


http://www.mekshat.com/pix/upload06/images/2015/01/mk200176_get-1-2012-vln49ewt.jpg



هذي صورة واغلب الموجود لابوبصيل ويوجد حبتين صرع واضحه الشكل


http://www.mekshat.com/pix/upload06/images/2015/01/mk200176_img_20150101_220719.jpg



هذي صورة لابو بصيل يتضح اللون البرتقالي المميز لابوبصيل

http://www.mekshat.com/pix/upload06/images/2015/01/mk200176_mk202133_img_0428-1.jpg


وهذي صورة للصرع مع احد الاعضاء


http://www.mekshat.com/pix/upload06/images/2015/01/mk200176_1336922977382.jpg

وهذي الصورة راح تفاجئك وهي لاحد انواع الصرع
مسماه باحد الكتب صرع هاوية
اسمه الاجنبي green jobfish
لو تلاحظ ان يشبه احد انواع الشعور وهو الزهو

http://www.mekshat.com/pix/upload06/images/2015/01/mk200176_img_20150102_040950.jpg


مشاهدتها على الطبيعة راح تثبت في ذهنك ...


هذا اجتهاد لجمع المعلومات من اكثر من مصدر فان اصبت فهذا فضل من الله
وان اخطائت فمن نفسي و الشيطان

[رائد-م]

رد كافي ووافي يا ابو حافظ

[بحار البريكة]

ماشاءالله عليك مشرفنا الغالي ابو حافظ
لاعاد تدور اكثر من هذه الافادة عن الفارس والصرع وابو بصيل

[Doctorksa]

موضوع جميل

استفدنا

شكرا لك