مشكله بالباب الخلفي للباترول 2015

[7amoody]

سلام عليكم ورحمة الله وبركاته

ياشباب موتري باترول ربع 2015 يعاني من مشكله من يوم طلعته من
الوكاله وفيه حاجه مزعجتني الي هو صوت بالباب الخلفي الموتر 2015 والموتر ماكمل شهر معي والمشكله كل ماكثر فتح الباب الخلفي الصوت يزود ولا ادري وش دواه
الله لايهينكم الي عنده حل يذكره لي

[يالبى الهلا]

حول تزيت مفاصل الابواب بزيت مكينة او شحم لسهولة الفتح وﻻغلاق

[qatar554]

الشيخ عندي نفس المشكلة لف تيب الرصاصي علي الحلقة الي يقفل فيها الباب
في حلقتين علي كل باب وحدة لف ٣ لفات علي كل وحدة وراح يختفي الصوت

[7amoody]

الشيخ عندي نفس المشكلة لف تيب الرصاصي علي الحلقة الي يقفل فيها الباب
في حلقتين علي كل باب وحدة لف ? لفات علي كل وحدة وراح يختفي الصوت
طيب بعد مالفيت فتحت الباب عاديه ولا يثقل عليه شوي التيب مايفتح بسهوله

[ابوسند9]

وعليكم السلام
افضل طريقة مجربه
تضع شوي شحم بمسكات الابواب اللي با البدي وكذالك اللي بالابواب , يعني اي شي يتعلق با الابواب تضع شوي وبكذا انسى الاصوات ثلاث شهور

[الاشهب 507]

وشهو التيب ؟؟؟؟؟
ابغى احطه على باب
موتري بس هو يمسك كويس
لين معرفه ؤين ينباع
الأشهب 507

[يالبى الهلا]

ياراجل فية احد مايعرف التيب أخو الهوز،،،،،،

[اليامي قطر]

التيب اللي يجي كأنه لزقه بس لونه ابيض

[qatar554]

طيب بعد مالفيت فتحت الباب عاديه ولا يثقل عليه شوي التيب مايفتح بسهوله

يفتح عادي بس انا سويت الحركة ورتحت من الصوت الحين 6 شهور

التيب الي استعملتة الرصاصي

[7amoody]

راح نجربه ان شااءالله ونشوف

[vtc-6688]

سلام عليكم ورحمة الله وبركاته

ياشباب موتري باترول ربع 2015 يعاني من مشكله من يوم طلعته من
الوكاله وفيه حاجه مزعجتني الي هو صوت بالباب الخلفي الموتر 2015 والموتر ماكمل شهر معي والمشكله كل ماكثر فتح الباب الخلفي الصوت يزود ولا ادري وش دواه
الله لايهينكم الي عنده حل يذكره لي

اللهم صل وسلم على نبينا وحبيبنا محمد وعلى أله وصحبه اجمعين
الحل بسيط جدا وانا مجربه
استخدم تيب السباكة الابيض ولفه على قفل الباب
وانسى الصوت
وفيه حل اخر
افتح باب السواق تحصل في قفل الباب جلدة سوداء وروح على اقرب قطع غيار واطلب نفس القفل وركبة في الباب الخلفي

[اسدهم]

خذلك العدة وفك البابين الخلفية وشد عليها اي مسمار تحصلة شد واذا قضيت من الشد جبلك الشحم وشحم
واذا رجعلك انقز لنويصر الي في الصنااعية القديمة يعالجة لك يركب لي صحراوي. ويازن لك الباب بعد التركيب الي

[كن متفائلا]

الباب الخلفي الصفقة الكبيره له قفلين واحد فوق والثاني تحت

أذا جيت تصك الباب حط يدك فوق وانت تصكه

وأذا صكيته حرك الباب من فوق تأكد أنه مسك

لأن أغلب أهل الفتك يدف الباب من النص والقفل تحت ماسك لاكن فوق فالت ويطلع صوت

هذا أحد أسباب الصوت الخلفي الا أذا هناك خلل آخر الله اعلم

[ALBDRANE]

السلام عليكم جميعا"
أبقول لك شي ولا تستغرب ويمكن ما يطري على أهل النياسين ولا أعتقد أن فيه أحد تكلم عنه بحكم متابعتي لموضوع الاصوات وقد طرحت موضوع خاص عن هذا الشي والكثيرين أستفادو منه .
المهم في مثل حالتك لازم تسوي شي ثاني وتعلمنا بالنتيجة ممكن يكون منه لان سيارتك جديدة ولا يمدي الجلد تاكلت مثل ما طرحته في موضوعي عن الاصوات ....
شف أفتح الغطا القماش الي فيه العفريته تحصله خلف المقعد الايمن الخلفي وتحصل العفريته تفك العفريته وتحاول تعزلها بجلدة أو قماش من قاعدتها ومن فوق ثم تعيدها وتشدها مرة ثانيه في موقعها لانها تتحرك وترتخي مع اهتزاز السيارة وخاصة مع البطناج وتطلع صوت ويعتقد السواق أنها من الأبواب ولا تنسى تغلف العدة الي تجي حول العفريته بقماش يعزل صوت الاحتكاك.

ننتظر النتيجه منك تحياتي .

[7amoody]

السلام عليكم جميعا"
أبقول لك شي ولا تستغرب ويمكن ما يطري على أهل النياسين ولا أعتقد أن فيه أحد تكلم عنه بحكم متابعتي لموضوع الاصوات وقد طرحت موضوع خاص عن هذا الشي والكثيرين أستفادو منه .
المهم في مثل حالتك لازم تسوي شي ثاني وتعلمنا بالنتيجة ممكن يكون منه لان سيارتك جديدة ولا يمدي الجلد تاكلت مثل ما طرحته في موضوعي عن الاصوات ....
شف أفتح الغطا القماش الي فيه العفريته تحصله خلف المقعد الايمن الخلفي وتحصل العفريته تفك العفريته وتحاول تعزلها بجلدة أو قماش من قاعدتها ومن فوق ثم تعيدها وتشدها مرة ثانيه في موقعها لانها تتحرك وترتخي مع اهتزاز السيارة وخاصة مع البطناج وتطلع صوت ويعتقد السواق أنها من الأبواب ولا تنسى تغلف العدة الي تجي حول العفريته بقماش يعزل صوت الاحتكاك.

ننتظر النتيجه منك تحياتي .
وعليكم السلام

والله وانا اخوك الموتر له يمكن شهرين معي اول ماجلس اسبوع لاحظت صوت جهة العفريته ولا ادري وش هالصوت فكيت العده كامله ونزلتها ولا زال الصوت موجود خصوصا اذا كنت اسوق اسمع الصوت جهة العفريته وصوصه وبعده بفتره يوم كثرت فتحتي وصكتي للباب الخلفي طلع صوته حطيت شطرطون ع حلق الباب واختفت لاكن مشكلته فتحت الباب تثقل شوي لاكن الي مشيب براسي هالصوت الي جهة العفريته مادري وش هو

[ابومنصور7973]

مسيت بالخير ياخوي انا معي نفس موترك وتوي شاريه وعانيت من هالمشكلة وعانيت من مشكلة ثانيه الي هي تهريب في صوفه الدفرنس الخلفي يسار وغيروها لي الوكاله ورجعت تهرب اليوم ومن ناحية باب الشنطة الوكاله وزنو لي الباب واختفى الصوت بشكل نهائيا

[الدوسري2010]

يالربع دقيقه الرجال موتره 2015 يعني اتوقع ماتعدا 20000 وده للوكيل يصلحونه لك