شوركم في مكينة فتك الله لايهينكم

[ضلع عرنان]

السلام عليكم ورحمة الله وبركاته
مساكم الله بالخير جميع
قدر الله وارتفعت حرارة الفتك 2005 وطلع صوت بالمكينة
اللحين يالربع تنصحوني اوضب ولا اركب مكينة لكزس
والله يااخوان احترت حيل

[I2.7]

التوضيب افضل لكن شف لك واحد ممتاز

[ابوسند9]

وعليكم السلام
مكينة اللكزس راح تكلفك ضعف توظيب مكينة الفتك ويمكن اكثر
لذا شوف ورشة متخصصه با الفتك وهو يعرف ايش تحتاج من قطع وغيره وبرضو ممكن تكون المشكلة بسيطة اذا السيارة شغاله وفيها صوت فقط
اما ورشة غير متخصصه صدقني انه راح يغير كل شي عطلان وغير عطلان
واذا انت قريب للقصيم عند متخصصين كا العثمان والخضير والصمعاني

[ضلع عرنان]

بارك الله فيكم جميع
الله الله اخوي ابو سند
انا قريب للقصيم
بس المشكلة انهم يقولون توظب وترجع تخبط

[ضلع عرنان]

يالربع كم قيمة توظيب المكينه

[اسدهم]

اذا بتغير مكينة لكزز بتكلف عليك من تحويلة وتسقيط ومشترا المكينة وشغل الكهرباء خلك ع مكنتك اريح لك وضب او اشتر مكينة تحصل في السوق علي قددراهمك النضيف غالي

[ضلع عرنان]

عافاك الله
بس ودي اعرف كم قيمة ترهيم مكينة لكزس علما بان الفتك توماتيك

وكم سعر التوظيب

[ابوسند9]

تكلف طال عمرك كان الاسعار على خبري وعلى الباترول 97 من 16 الى 18
ولا قد سمعت احد ركبها على قير تماتيك فتك
اما سعر توظيب الفتك قلت لك عند غير متخصص راح تكلفك واجد
اما عند متخصص من 3 الاف الى 7 الاف حسب حال المكينه انت وحظك
اما ترجع تخبط غير صحيح ابداا اللى اذا كان الشغل لك عليه

[MSAN]

اذا ضربتها حرارة مايبي لها توضيب
الشنابر والسبايك ونص المكينة الي تحت مايحتاج تفكه الا اذا مشيت عليها بدون زيت وفرت السبيكة


يبي لك تشيك الراس فقط.. يمكن يبي له مسح


بالتوفيق

[salih100]

وضب نصيحه وخاصه ان موترك تماتيك لان اللكزز توركها ضعيف وانت تماتيك فبيثقل عليك الموتر وبتكرهه

[ابو وليد2200]

وضب يالغالي احسن لك وفيه ناس يعطونك على التوضيب شهر وشهرين ضمان واذا كانت تكلف خذ لك مكينه فتك احسن لك لانها تبي تكون نفس سعر مكينة الكزز مع التركيب

[ضلع عرنان]

ابو سند كلمت ابو خالد الخضير
قالي ب8000 اذا الراس سالم واذا معطوب ب12000 وبدون مايشوف السيارة

Msan اخ
المكينة فيها صوت طقة والله اعلم حدى البساتم ضارب
صالح شكرا لك

اخوي ابو وليد منهو اللي يضمن توضيبه شهر وشهرين
ياليت تزودنا باسماء الله لايهينك

[ابو فهد...]

وضب احسن لك
اللكزز يبيلك كوارين صغار وقير وغير سعر التجليس وعند البيع مهب جايب لك قيمه وضبه + ركب له رديتر باترول ٢٠٠٠ يجي المونيوم وكبير وتبي تنسا شي اسمه حراره