طير وحش فرخ بس يكافخ الفزعه لهل الخبره

[ابونورررررر]

السلام عليكم ورحمة الله وبركاته
اخواني عندي طير وحش فرخ بس يكافخ ولأيكد
المشكله يرف بجنحانه علي طول ابرقع او مكشوف
ولاحظت من يومين صوت طق خفيف وجنحانه سليمه ماتطق في بعضها بروس الجناحان الثومات سليمه بس أحسن في مفاصل الجناحين من الظهر
ورفه طبيعي جداااا ماتنقد عليه ولا وشاد جنحانه ورفهن واحد وصفهن واحد ولا يهذل جنحانه
أرجو الا فاده طبيعي وولا
وجزاكم الله خير

[ماجد 2013]

عليكم السلام

تأكد انه ما يشوف من البرقع اذا كان البرقع كبير خذ مقاسه تمام بحيث انه ما يشوف

بخصوص الطقه يفيدك الي مرت عليه هاتجربه

[أبو فااارس]

امهده وتريح ههههههههه امزح

[أبو شيهانة]

وعليكم السلام ورحمة الله وبركاته

بفيدك بعلمي البسيط وما يذكره بعض الصقارة

الفرخ بصفه عامة لا يركد مثل القرناس

طيرك يكفخ بتواصل مستمر ولا يرحل بجنحانه ..
الترحيل يعجبني بالطير تشوفه يرف جنحانه مرتين ثلاث اربع ويهدأ
بالنسبة للصوت اذا سمعته مع الرف هذه طبيعيه حسب ريشة الطير -الخشنه الجبرة طيبة-

واسأل الله أن يبلغك فيه مرادك

[ابونورررررر]

جزاك الله خير

[شمالي 44]

وعليكم السلام ورحمة الله

كثر المكافخ يكسر الريش

رش الطير بخاخ ماء ويركد

[ابوأفياء]

خل معك رشاش الماء واذا كفخ رشه واستمر معه ببرقع او بدون
ونصيحه اخويه لايطيح من ايدك ابد ابد

[راعي القراميش]

و عليكم السلام و رحمة الله و بركاته

لو الطقة كانها جاية من كتوف او ضلوع الطير و صدره هذي كوكسيديا و العالم الله
و دوا الكوكسيديا متوفر في العيادات البيطرية مدة ثلاث ايام متوالية

[سالم الصقار]

يا خوي بالإضافة إلى اللي تفضلوا به الإخوان،
خلي الطير في أول الأيام في مكان ضوءه خافت، وحاول تطعمه من يدك كل فترة وتخليه في المكان خفيف الإضاءة المفروض إنه يكن،
هناك طريقة قصرية لجعل الطير يكن على الوكر ولا يكافخ، وهي إنك تربطه ربطه قصيرة جدا بالكاد يحك وجهه وبرجله والباقي مربوط تحت رجليه تماما في الوكر، ويفضل يكون الوكر عريض مثل جذع شجرة، وتخلي الطير في مكان عام بين الناس، وكل ما كافخ تقوم تبرقعه وترش عليه شوي ماي، بعد ساعة تفك البرقع وتخلي الطير وهكذا إلى ان يصير طير طلاع قد تحتاج إلى اسبوع على هالحال، لكن في هذه الطريقة شوية قسوة، وما أفضلها شخصيا لكنها مجدية. حاول الطريقة الأولى، خلي الطير شبعان في البداية، وخليه على الوكر، وخفف الضوء على الأخير، وبالراحة عليه،
بالإضافة إلى ضرورة حمل الطير على اليد والجلوس عنده لوقت طويل، مع التحكم في الوزن، لا تنس إن الطير فرخ، ووحش. وإن شاء الله تستفيد